لاوِيِّين 19:7 - الكتاب المقدس بالعربي الدارجي هنا تشاد

⁷ وَ كَنْ يَاكُلُوهْ فِي الْيَوْم التَّالِتْ دَا، يَبْقَى مِثِلْ فَطِيسْ وَ اللّٰهْ مَا يَقْبَلَهْ.

لاوِيِّين 19:7 Referenca të Kryqëzuara

إرْمِيا 16:18

وَ أَوَّلْ شَيّءْ، أَنَا نِلْكَفَّى مِنْهُمْ مَرَّتَيْن تَمَنْ الْخَطَا وَ الذَّنِبْ الْهُمَّنْ سَوَّوْه. أَشَانْ هُمَّنْ مَا أَحْتَرَمَوْا بَلَدِي وَ مَلَوْهَا بِتَمَاثِيلْهُمْ الْمَكْرُوهِينْ. وَ أَرْض وَرَثَتِي مَلَوْهَا بِمُحَرَّمَاتْهُمْ.»

إشَعْيا 66:3

«وَ لَاكِنْ الْيَدْبَحْ تَوْر ضَحِيَّةْ، هُو مِثِلْ الْيَكْتُلْ إِنْسَانْ. وَ الْيِقَدِّمْ غَنَمَايْ ضَحِيَّةْ، هُو مِثِلْ الْيَكْسِرْ رَقَبَةْ كَلِبْ. وَ الْيِقَدِّمْ هَدِيَّةْ هَنَا دَقِيقْ، هُو مِثِلْ الْيِقَدِّمْ هَدِيَّةْ دَمّ هَنَا خِنْزِيرْ وَ الْيِحَرِّقْ بَخُورْ، هُو مِثِلْ الْيَعَبُدْ صَنَمْ. النَّاسْ دَوْل عَزَلَوْا دَرِبْهُمْ وَ بِمُحَرَّمَاتْهُمْ دَوْل، هُمَّنْ فَرْحَانِينْ.

إشَعْيا 65:4

الشَّعَبْ دَوْل يَسْكُنُوا فِي الْقُبُورْ وَ يِسَاهُرُوا طُولْ اللَّيْل فِي بَكَانْ سِرِّي. هُمَّنْ يَاكُلُوا لَحَمْ الْخِنْزِيرْ وَ مَوَاعِينْهُمْ مَلَانِينْ بِأَكِلْ حَرَامْ.

إشَعْيا 1:13

وَقُّفُوا مَا تِجِيبُوا لَيِّ بَتَّانْ ضَحَايَاكُو الْمَكْرُوهِينْ وَ بَخُورْكُو دَا مُحَرَّمْ لَيِّ! وَقُّفُوا ضَحَايَاكُو هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ مَلَمَّاتْكُو أَشَانْ أَنَا مَا نَقْبَلْ الْفَسَالَةْ فِي مَلَمَّاتْكُو الْخَاصِّينْ.

لاوِيِّين 22:25

وَ مَا تَقْبَلَوْا الْبَهَايِمْ الْمِثِلْ دَوْل مِنْ الْأَجْنَبِي لِتِقَدُّمُوهُمْ مِثِلْ أَكِلْ لِإِلٰـهْكُو أَشَانْ الْبَهَايِمْ دَوْل يُكُونُوا خَصِيِينْ أَوْ مُخَلْقَنِينْ. وَ بَيْدَا، اللّٰهْ مَا يَرْضَى بَيْهُمْ.»

لاوِيِّين 22:23

وَ تَقْدَرَوْا تِقَدُّمُوا تَوْر أَوْ خَرُوفْ أَوْ تَيْس مَعْضُورْ الرِّجْلَهْ طَوِيلَةْ أَوْ قِصَيْرَةْ ضَحِيَّةْ بِنِيّتَكْ. وَ لَاكِنْ كَنْ تِقَدُّمُوهْ لِلنَّذِرْ، اللّٰهْ مَا يَرْضَى بَيَّهْ.

لاوِيِّين 19:6

الضَّحِيَّةْ دِي تَاكُلُوهَا فِي الْيَوْم الْقَدَّمْتُوهَا فَوْقَهْ أَوْ أَمْبَاكِرْ. وَ الْيِفَضِّلْ مِنْهَا لَحَدِّي الْيَوْم التَّالِتْ، يِحَرُّقُوهْ فِي النَّارْ.

لاوِيِّين 19:8

وَ الْيَاكُلَهْ يِلْحَمَّلْ نَتِيجَةْ خَطَايَهْ أَشَانْ هُو مَا أَحْتَرَمْ الْمُخَصَّصْ لِلّٰهْ. وَ النَّادُمْ دَا، وَاجِبْ يَفْصُلُوهْ مِنْ شَعَبَهْ.