لاوِيِّين 18:3 - الكتاب المقدس بالعربي الدارجي هنا تشاد

³ مَا تِسَوُّوا عَمَلْ هَنَا نَاسْ بَلَدْ مَصِرْ الْبَكَانْ الْإِنْتُو سَكَنْتُوا فَوْقَهْ. وَ مَا تِسَوُّوا عَمَلْ هَنَا نَاسْ بَلَدْ كَنْعَانْ الْبَكَانْ النِّوَدِّيكُو لَيَّهْ. النَّاسْ دَوْل، مَا تِتَابُعُوا قَوَانِينْهُمْ.

لاوِيِّين 18:3 Referenca të Kryqëzuara

لاوِيِّين 20:23

مَا تِتَابُعُوا عَادَاتْ الْأُمَمْ النَّطْرُدْهُمْ قِدَّامْكُو أَشَانْ هُمَّنْ سَوَّوْا كُلَّ الْأَعْمَالْ دَوْل وَ أَنَا أَبَيْتهُمْ.

خُروج 23:24

مَا تَسْجُدُوا لِإِلٰـهَاتْهُمْ وَ لَا تَعَبُدُوهُمْ وَ لَا تِسَوُّوا الشَّيّءْ الْهُمَّنْ قَاعِدِينْ يِسَوُّوهْ. لَاكِنْ أَرْمُوا وَ دَمُّرُوا الْحُجَارْ الْغَزَّوْهُمْ لِلْعِبَادَةْ.

حِزْقِيال 23:8

وَ هِي مَا خَلَّتْ شَرْمَطَتْهَا الْبَدَتْهَا فِي مَصِرْ وَكِتْ لِعِبَوْا بِدُيُودْهَا وَكِتْ هِي بِنَيَّةْ وَ رَقَدَوْا مَعَاهَا فِي صُبَاهَا وَ تَمَّمَوْا شَهْوِتْهُمْ.

رَوْمَا 12:2

آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

زَبُور 106:35

هُمَّنْ أَلْخَلْبَطَوْا مَعَ الْأُمَمْ وَ أَلْعَلَّمَوْا فِعِلْهُمْ.

تَثْنِية 12:4

وَ مَا تَعَبُدُوا اللّٰهْ إِلٰـهْكُو مِثِلْ دَا.

تَثْنِية 9:4

وَ وَكِتْ اللّٰهْ إِلٰـهْكُو يَطْرُدْهُمْ قِدَّامْكُو، مَا تُقُولُوا فِي قُلُوبْكُو: «بِسَبَبْ عَدَالِتْنَا اللّٰهْ أَنْطَانَا الْبَلَدْ دِي.» لَا! اللّٰهْ يَقْلَعْ الْبَلَدْ مِنْ الْأُمَمْ وَ يَنْطِيهَا لَيْكُو بِسَبَبْ الْفَسَالَةْ الْهُمَّنْ قَاعِدِينْ يِسَوُّوهَا.

2 مُلوك 17:8

وَ هُمَّنْ تَابَعَوْا عَادَاتْ هَنَا الْأُمَمْ الْاللّٰهْ قَلَعْ مِنْهُمْ أَرْضُهُمْ وَ أَنْطَاهَا لِبَنِي إِسْرَائِيلْ. وَ هُمَّنْ تَابَعَوْا الْعَادَاتْ الثَّبَّتَوْا مُلُوكْ مَمْلَكَةْ إِسْرَائِيلْ.

تَثْنِية 29:17

وَ إِنْتُو شِفْتُوا مُحَرَّمَاتْهُمْ وَ أَصْنَامْهُمْ هَنَا الْحَطَبْ وَ الْحَجَرْ وَ الْفُضَّةْ وَ الدَّهَبْ.