لاوِيِّين 16:8 - الكتاب المقدس بالعربي الدارجي هنا تشاد

⁸ وَ هَارُونْ يِسَوِّي أَمْ عِيَيْدَاتْ لِيَعَرِفْ التَّيْس الْوَيْنُو يَبْقَى لِلّٰهْ وَ الْوَيْنُو يَبْقَى مَطْرُودْ لِلْجِنّ عَزَازَيْل.

لاوِيِّين 16:8 Referenca të Kryqëzuara

يُونُس 1:7

وَ خَدَّامِينْ السَّفِينَةْ قَالَوْا أَمْبَيْنَاتْهُمْ: «تَعَالُوا نِسَوُّوا أَمْ عِيَيْدَاتْ أَشَانْ نَعَرْفُوا يَاتُو الْجَابْ لَيْنَا الْمَصِيبَةْ دِي.» خَلَاصْ سَوَّوْا أَمْ عِيَيْدَاتْ وَ وَقَعْ فِي يُونُسْ.

أمْثال 16:33

الْيِخَطِّطْ يُصُبّ الْوَدَعْ وَ لَاكِنْ الْيِقَرِّرْ، هُو اللّٰهْ.

حِزْقِيال 48:29

وَ دِي الْبَلَدْ وَ دَا الْقِسِمْ التِّقَسُّمُوهْ وَرَثَةْ بِأَمْ عِيَيْدَاتْ لِقَبَايِلْ بَنِي إِسْرَائِيلْ.» وَ دَا كَلَامْ اللّٰهْ الرَّبّ.

عَدد 33:54

وَ قَسُّمُوا الْبَلَدْ دِي أَمْبَيْنَاتْ خُشُومْ بُيُوتْكُو بِأَمْ عِيَيْدَاتْ. أَيِّ خَشُمْ بَيْت كَبِيرْ يَلْقَى أَرْض كَبِيرَةْ وَ أَيِّ خَشُمْ بَيْت صَغَيَّرْ يَلْقَى أَرْض صَغَيْرَةْ وَ أَيِّ وَاحِدْ يَلْقَى وَرَثَتَهْ فِي الْبَكَانْ الْيَقَعْ لَيَّهْ بِأَمْ عِيَيْدَاتْ. وَ الْقِسِمْ دَا يَبْقَى أَمْبَيْنَاتْ قَبَايِلْكُو.

عَدد 26:55

وَ قَسِّمِينْ الْبَلَدْ دِي يَبْقَى بِأَمْ عِيَيْدَاتْ. وَ أَيِّ قَبِيلَةْ تَلْقَى وَرَثَتْهَا حَسَبْ عَدَدْ نَاسْهَا.

لاوِيِّين 16:7

وَ هُو يِشِيلْ التُّيُوسْ الْإِتْنَيْن وَ يُخُطُّهُمْ قِدَّامْ اللّٰهْ فِي مَدَخَلْ خَيْمَةْ الْإِجْتِمَاعْ.

لاوِيِّين 16:9

وَ هَارُونْ يِشِيلْ التَّيْس الْبِقِي لِلّٰهْ وَ يِقَدِّمَهْ ضَحِيَّةْ لِكَفَّارَةْ الذَّنِبْ.

لاوِيِّين 16:10

وَ التَّيْس الْيَبْقَى مَطْرُودْ لِلْجِنّ عَزَازَيْل يُخُطُّوهْ حَيّ قِدَّامْ اللّٰهْ. وَ يَبْقَى كَفَّارَةْ وَكِتْ يَطُرْدُوهْ فِي الْخَلَاءْ.

لاوِيِّين 16:26

وَ الرَّاجِلْ الْوَدَّى التَّيْس الْمَطْرُودْ لِلْجِنّ عَزَازَيْل يِغَسِّلْ خُلْقَانَهْ وَ يِلْبَرَّدْ وَ بَعَدْ دَا، يَدْخُلْ فِي الْفَرِيقْ.