لاوِيِّين 16:3 - الكتاب المقدس بالعربي الدارجي هنا تشاد

³ وَ دَاهُو الْوَاجِبْ لِهَارُونْ وَكِتْ يَدْخُلْ فِي الْبَكَانْ الْمُقَدَّسْ مَرَّةْ وَاحِدْ. هُو يِشِيلْ تَوْر ضَحِيَّةْ لِكَفَّارَةْ الذَّنِبْ وَ كَبِشْ لِلضَّحِيَّةْ الْمُحَرَّقَةْ.

لاوِيِّين 16:3 Referenca të Kryqëzuara

لاوِيِّين 4:3

«وَ كَنْ رَاجِلْ الدِّينْ الْمَسَحَوْه وَ دَرَّجَوْه سَوَّى ذَنِبْ وَ جَابَهْ لِكُلَّ الشَّعَبْ، هُو يِقَدِّمْ لِلّٰهْ تَوْر الْمَا عِنْدَهْ أَيِّ عَيْب فِي شَانْ الذَّنِبْ دَا. وَ دَا يَبْقَى ضَحِيَّةْ لِكَفَّارَةْ الذَّنِبْ.

عِبْرَانِيِّين 9:7

لَاكِنْ كَبِيرْ رُجَالْ الدِّينْ بَسْ يَدْخُلْ فِي نُصَّهَا الدَّخْلَانِي. وَ هُو مَا يَدْخُلْ إِلَّا مَرَّةْ وَاحِدَةْ بَسْ فِي السَّنَةْ. وَ هُو مَا يَدْخُلْ إِلَّا هُو شَايِلْ الدَّمّ الْيِقَدِّمَهْ لِلّٰهْ كَفَّارَةْ لِنَفْسَهْ هُو وَ لِخَطَايَا الشَّعَبْ السَّوَّوْهُمْ بَلَا رَايْهُمْ.

لاوِيِّين 8:18

وَ مُوسَى جَابْ الْكَبِشْ هَنَا الضَّحِيَّةْ الْمُحَرَّقَةْ وَ هَارُونْ وَ أَوْلَادَهْ خَطَّوْا إِيدَيْهُمْ فِي رَاسْ الْكَبِشْ دَا.

لاوِيِّين 1:10

وَ كَنْ هَدِيّتَهْ دِي ضَحِيَّةْ مُحَرَّقَةْ مِنْ الْغَنَمْ أَوْ الْعِنْزَيْ، هُو يِقَدِّمْ تَيْس أَوْ كَبِشْ الْمَا عِنْدَهْ أَيِّ عَيْب.

عِبْرَانِيِّين 9:12

وَ خَلَاصْ، هُو دَخَلْ دَخُولْ وَاحِدْ وَ نِهَائِي فِي الْبَكَانْ الْمُقَدَّسْ. وَ الدَّمّ الْهُو شَالَهْ مَا هَنَا غَنَمْ وَ لَا هَنَا عِجِلْ لَاكِنْ شَالْ دَمَّهْ هُو ذَاتَهْ. وَ بَيْدَا، هُو جَابْ لَيْنَا الْفِدَا الدَّايِمْ.

لاوِيِّين 9:3

وَ بَعَدْ دَا، قُولْ الْكَلَامْ دَا لِبَنِي إِسْرَائِيلْ: ‹شِيلُوا تَيْس لِلضَّحِيَّةْ هَنَا كَفَّارَةْ الذَّنِبْ وَ عِجِلْ وَ خَرُوفْ أَوْلَادْ سَنَةْ وَ هُمَّنْ الْإِتْنَيْن يُكُونُوا مَا عِنْدُهُمْ أَيِّ عَيْب. وَ قَدُّمُوهُمْ ضَحِيَّةْ مُحَرَّقَةْ.

لاوِيِّين 8:14

وَ جَابْ تَوْر لِضَحِيَّةْ كَفَّارَةْ الذَّنِبْ وَ هَارُونْ وَ أَوْلَادَهْ خَطَّوْا إِيدَيْهُمْ فِي رَاسْ التَّوْر دَا.

لاوِيِّين 1:3

وَ كَنْ هَدِيّتَهْ دِي ضَحِيَّةْ مُحَرَّقَةْ مِنْ الْبَقَرْ، وَاجِبْ يِقَدِّمْ تَوْر الْمَا عِنْدَهْ أَيِّ عَيْب. جِيبَهْ فِي مَدَخَلْ خَيْمَةْ الْإِجْتِمَاعْ أَشَانْ اللّٰهْ يَرْضَى بِالتَّوْر دَا.

لاوِيِّين 4:1

وَ اللّٰهْ حَجَّى لِمُوسَى وَ قَالْ:

لاوِيِّين 16:6

وَ خَلَاصْ، هَارُونْ يِقَدِّمْ التَّوْر لِلضَّحِيَّةْ لِكَفَّارَةْ ذَنْبَهْ وَ يِسَوِّي كَفَّارَةْ لَيَّهْ هُو وَ لِعَايِلْتَهْ.

لاوِيِّين 9:2

وَ قَالْ لِهَارُونْ: «شِيلْ عِجِلْ لِلضَّحِيَّةْ هَنَا كَفَّارَةْ الذَّنِبْ وَ كَبِشْ لِلضَّحِيَّةْ الْمُحَرَّقَةْ وَ هُمَّنْ الْإِتْنَيْن يُكُونُوا مَا عِنْدُهُمْ أَيِّ عَيْب. وَ قَدِّمْهُمْ قِدَّامْ اللّٰهْ.