لاوِيِّين 16:2 - الكتاب المقدس بالعربي الدارجي هنا تشاد

² وَ اللّٰهْ قَالْ لِمُوسَى: قُولْ لِأَخُوكْ هَارُونْ مَا يَدْخُلْ فِي أَيِّ وَكِتْ فِي الْبَكَانْ الْمُقَدَّسْ مَرَّةْ وَاحِدْ. وَ دَا، غَادِي لِلسِّتَارْ قِدَّامْ سِدَادَةْ الصَّنْدُوقْ. أَشَانْ مَا يُمُوتْ وَكِتْ نِبِينْ فِي سَحَابَايْ مِنْ فَوْق لِسِدَادَةْ الصَّنْدُوقْ.

لاوِيِّين 16:2 Referenca të Kryqëzuara

خُروج 30:10

وَ مَرَّةْ فِي السَّنَةْ، هَارُونْ وَاجِبْ يِشِيلْ مِنْ دَمّ هَنَا الْبَهِيمَةْ الدَّبَحَوْهَا لِكَفَّارَةْ الذَّنِبْ وَ يَمْسَحَهْ فِي قُرُونْ الْمُخْبَرْ دَا. وَ بَيْدَا، هُو يِخَصِّصْ الْمُخْبَرْ مَرَّةْ وَاحِدَةْ فِي السَّنَةْ، مِنْ ذُرِّيَّةْ لِذُرِّيَّةْ. وَ الْمُخْبَرْ دَا يَبْقَى مُقَدَّسْ مَرَّةْ وَاحِدْ لِلّٰهْ.›»

عِبْرَانِيِّين 9:25

وَ هُو دَخَلْ لَاكِنْ مَا أَشَانْ يِقَدِّمْ نَفْسَهْ عِدَّةْ مَرَّاتْ. هُو مَا مِثِلْ كَبِيرْ رُجَالْ الدِّينْ الْيَدْخُلْ كُلِّ سَنَةْ فِي الْبَكَانْ الْمُقَدَّسْ مَرَّةْ وَاحِدْ شَايِلْ مَعَايَهْ دَمّ الْبَهَايِمْ.

مَتَّى 27:51

وَ طَوَّالِي السِّتَارْ الْفِي بَيْت اللّٰهْ أَنْشَقَّ مِنْ فَوْق لَحَدِّي تِحِتْ وَ الْأَرْض أَنْهَزَّتْ وَ الْحُجَارْ أَشَّقَّقَوْا.

2 أخبار 5:14

وَ رُجَالْ الدِّينْ مَا قِدْرَوْا يِسَوُّوا خِدْمِتْهُمْ بِسَبَبْ السَّحَابَايْ دِي أَشَانْ مَجْد اللّٰهْ مَلَا بَيْتَهْ.

1 مُلوك 8:6

وَ بَعَدْ دَا، رُجَالْ الدِّينْ جَابَوْا صَنْدُوقْ مُعَاهَدَةْ اللّٰهْ وَ دَخَّلَوْه فِي لُبّ بَيْت اللّٰهْ فِي الْبَكَانْ الْخَصَّصَوْه لَيَّهْ فِي الْبَكَانْ الْمُقَدَّسْ مَرَّةْ وَاحِدْ تِحِتْ جَنَاحَيْ هَنَا الْمَخْلُوقِينْ السَّمَاوِيِّينْ.

عِبْرَانِيِّين 9:3

وَ نُصَّهَا الدَّخْلَانِي الْقَاعِدْ غَادِي لِلسِّتَارْ، أُسْمَهْ الْبَكَانْ الْمُقَدَّسْ مَرَّةْ وَاحِدْ.

عَدد 17:10

وَ اللّٰهْ قَالْ لِمُوسَى: «قَبِّلْ عَصَاةْ هَارُونْ وَ خُطَّهَا قِدَّامْ الصَّنْدُوقْ دَا وَ أَحْفَضْهَا مِثِلْ عَلَامَةْ لِلْمُعَارِضِينْ. وَ تِوَقِّفْ كَلَامْهُمْ ضِدِّي وَ بَيْدَا، مَا يُمُوتُوا.»

عَدد 4:19

وَ خَلِّي هَارُونْ وَ أَوْلَادَهْ يَدْخُلُوا وَ يِكَلُّفُوا أَيِّ وَاحِدْ مِنْ ذُرِّيَّةْ قَهَاتْ بِخِدِمْتَهْ وَ بِحِمْلَهْ الْيَنْقُلَهْ. وَ بَيْدَا، هُمَّنْ مَا يُمُوتُوا وَكِتْ يَنْقُلُوا الْمُعِدَّاتْ الْمُقَدَّسِينْ مَرَّةْ وَاحِدْ.

لاوِيِّين 23:27

وَ الْيَوْم الْعَاشِرْ هَنَا الشَّهَرْ السَّابِعْ دَا يَبْقَى لَيْكُو يَوْم الْكَفَّارَةْ وَ مَلَمَّةْ خَاصَّة. وَ فِي الْيَوْم دَا، صُومُوا وَ قَدُّمُوا لِلّٰهْ ضَحِيَّةْ مُحَرَّقَةْ.

لاوِيِّين 16:13

وَ هُو يُصُبّ الْبَخُورْ دَا فِي النَّارْ قِدَّامْ اللّٰهْ أَشَانْ الدُّخَّانْ هَنَا الْبَخُورْ دَا يِغَطِّي سِدَادَةْ صَنْدُوقْ الْمُعَاهَدَةْ. وَ بِمِثِلْ دَا، هُو مَا يُمُوتْ.

لاوِيِّين 8:35

وَ تَقْعُدُوا فِي مَدَخَلْ خَيْمَةْ الْإِجْتِمَاعْ لَيْل وَ نَهَارْ لَحَدِّي سَبْعَةْ يَوْم. وَ خَلَاصْ بَعَدْ دَا، تَقْدَرَوْا تَحْفَضَوْا وَصَايَا اللّٰهْ وَ مَا تُمُوتُوا. وَ دَا بَسْ الْأَمَرَوْنِي بَيَّهْ.»

عِبْرَانِيِّين 6:19

عَشَمْنَا فِي عِيسَى دَا مِثِلْ وِتِدْ ثَابِتْ الْيِثَبِّتْ نُفُوسْنَا أَشَانْ عِيسَى مَشَى غَادِي لِلسِّتَارْ دَاخَلْ فِي بَيْت اللّٰهْ.

عِبْرَانِيِّين 9:5

وَ فِي مَخْلُوقِينْ سَمَاوِيِّينْ مَصْنُوعِينْ فِي ضَهَرْ سِدَادَةْ الصَّنْدُوقْ الْيِوَصُّفُوا مَجْد اللّٰهْ وَ هُمَّنْ مُمَطِّطِينْ جَنَاحَيْهُمْ قِدَّامْ وَ مُغَطِّيِّينْ بَيْهُمْ سِدَادَةْ الصَّنْدُوقْ وَ دَا بَكَانْ الْكَفَّارَةْ. وَ لَاكِنْ هَسَّعْ دَا، مَا نَقْدَرَوْا نِفَسُّرُوا مَعَنَى هَنَا كُلَّ الْأَشْيَاءْ دَوْل.

رُؤية 15:8

وَ قُدْرَةْ اللّٰهْ الْمَجِيدَةْ سَدَّتْ بَيْت الْعِبَادَةْ بِالدُّخَّانْ مَرَّةْ وَاحِدْ. وَ الدَّخُولْ فَوْقَهْ مَا فِيهْ لَحَدِّي السَّبْعَةْ مَلَائِكَةْ يِكَمُّلُوا السَّبْعَةْ وَبَاءْ.

عَدد 4:5

وَ وَكِتْ يِدَوْرُوا يِسِيرُوا، هَارُونْ وَ أَوْلَادَهْ يِفَرْتُقُوا السِّتَارْ الْيِدَارِقْ الصَّنْدُوقْ الْفَوْقَهْ لِيحَانْ الْمُعَاهَدَةْ وَ يِغَطُّوهْ بَيَّهْ.

1 مُلوك 6:16

وَ فِي لُبّ الْبَيْت دَاخَلْ، بَنَى غُرْفَةْ خَاصَّةْ وَ دَا الْبَكَانْ الْمُقَدَّسْ مَرَّةْ وَاحِدْ. طُولَهْ يِسَاوِي 20 دُرَاعْ وَ سَدَّاهْ بِخَشَبْ الْأَرْز مِنْ تِحِتْ لَحَدِّي فَوْق.

لاوِيِّين 16:34

وَ دَا يَبْقَى لَيْكُو شَرْط دَايِمْ فِي أَيِّ سَنَةْ وَكِتْ تِسَوُّوا كَفَّارَةْ لِكُلَّ ذُنُوبْ بَنِي إِسْرَائِيلْ. وَ سَوَّوْا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى.

عَدد 18:7

وَ إِنْتَ هَارُونْ وَ أَوْلَادَكْ أَحْفَضَوْا خِدْمَةْ رُجَالْ الدِّينْ وَ أَخْدُمُوا فِي أَيِّ شَيّءْ الْبُخُصّ الْمَدْبَحْ وَ الْبَكَانْ الْمُقَدَّسْ مَرَّةْ وَاحِدْ الْقَاعِدْ غَادِي لِلسِّتَارْ. وَ خِدْمَةْ رُجَالْ الدِّينْ دِي، أَنَا أَنْطَيْتهَا لَيْكُو إِنْتُو بَسْ. وَ أَيِّ نَادُمْ آخَرْ كَنْ يِقَرِّبْ لِلْخِدْمَةْ دِي يُمُوتْ.»