لاوِيِّين 13:4 - الكتاب المقدس بالعربي الدارجي هنا تشاد

⁴ وَ كَنْ فِي الْجِسِمْ فِي بُقْعَةْ بَيْضَةْ وَ تِرَارِي وَ مَا عِنْدَهَا نُقْرَةْ فِي دَاخَلْ اللَّحَمْ وَ صُوفْهَا كُلَ مَا بِقِي أَبْيَضْ، خَلَاصْ رَاجِلْ الدِّينْ يُخُطّ الْمَرْضَانْ دَا طَرَفْ لِمُدَّةْ سَبْعَةْ يَوْم.

لاوِيِّين 13:4 Referenca të Kryqëzuara

عَدد 12:15

وَ بِمِثِلْ دَا، طَرَدَوْهَا لِمَرْيَمْ بَرَّا مِنْ الْفَرِيقْ لِمُدَّةْ سَبْعَةْ يَوْم. وَ الشَّعَبْ مَا سَارَوْا مِنْ بَكَانْهُمْ لَحَدِّي هِي قَبَّلَتْ.

1 تِمُوتَاوُس 5:24

نَاسْ وَاحِدِينْ ذُنُوبْهُمْ وَاضْحِينْ لِكُلَّ النَّاسْ قُبَّالْ مَا يِحَاسُبُوهُمْ. وَ نَاسْ آخَرِينْ ذُنُوبْهُمْ مَا يِنْعَرْفُوا إِلَّا بَعَدَيْن.

1 كُرُنْتُس 4:5

بِمِثِلْ دَا، مَا تِحَاسُبُوا خِدْمَةْ أَيِّ نَادُمْ قُبَّالْ يَوْم الْحِسَابْ. فِي الْيَوْم دَا، رَبِّنَا يَجِي وَ يِبَيِّنْ كُلَّ شَيّءْ الْمُلَبَّدْ فِي الضَّلَامْ وَ يَكْشِفْ نِيَّةْ النَّاسْ الْقَاعِدَةْ فِي قُلُوبْهُمْ. وَ أَيِّ نَادُمْ يَلْقَى رِضَى، مَا مِنْ النَّاسْ لَاكِنْ مِنْ اللّٰهْ.

حِزْقِيال 44:10

«وَ كَنْ لِلَّاوِيِّينْ الْبَعَّدَوْا مِنِّي وَكِتْ بَنِي إِسْرَائِيلْ أَبَوْنِي وَ قَبَّلَوْا تَابَعَوْا إِلٰـهَاتْهُمْ، هَسَّعْ هُمَّنْ يِلْحَمَّلَوْا نَتِيجَةْ خَطَاهُمْ.

تَثْنِية 13:14

فِي الْحَالَةْ دِي، قُمُّوا فَتُّشُوا وَ حَقُّقُوا وَ أَسْأَلَوْا عَدِيلْ كَنْ الْكَلَامْ دَا صَحِيحْ. وَ أَكُّدُوا تَمَامْ كَدَرْ الْحَرَامْ دَا بِقِي فِي أُسُطْكُو.

لاوِيِّين 13:3

وَ رَاجِلْ الدِّينْ يِشِيفْ الْعُوَارَةْ دِي. كَنْ الصُّوفْ الْفِي بَكَانْ الْعُوَارَةْ دِي بِقِي أَبْيَضْ وَ الْعُوَارَةْ دِي عِنْدَهَا نُقْرَةْ فِي دَاخَلْ اللَّحَمْ، خَلَاصْ دَا مَرَضْ الْجِسِمْ. فِي الْبَكَانْ دَا، رَاجِلْ الدِّينْ يِشِيفْ الْمَرَضْ وَ يِبَلِّغْ كَدَرْ النَّادُمْ دَا نِجِسْ.

لاوِيِّين 13:5

وَ رَاجِلْ الدِّينْ يِشِيفَهْ فِي الْيَوْم السَّابِعْ. وَ كَنْ الْعُوَارَةْ دِي مَا زَادَتْ فِي الْجِسِمْ، رَاجِلْ الدِّينْ يُخُطَّهْ طَرَفْ لِتَانِي مَرَّةْ لِمُدَّةْ سَبْعَةْ يَوْم.

لاوِيِّين 13:11

خَلَاصْ دَا مَرَضْ الْجِسِمْ الْيِطَوِّلْ فِي الْجِسِمْ وَ رَاجِلْ الدِّينْ يِبَلِّغْ كَدَرْ الْمَرْضَانْ دَا نِجِسْ وَ لَاكِنْ مَا يُخُطَّهْ طَرَفْ لِمُدَّةْ أَشَانْ دَا وَاضِحْ كَدَرْ هُو نِجِسْ.

لاوِيِّين 13:31

وَ كَنْ رَاجِلْ الدِّينْ شَافْ الْعُوَارَةْ مَا عِنْدَهَا نُقْرَةْ فِي اللَّحَمْ وَ مَا عِنْدَهَا صُوفْ أَزْرَقْ مِثِلْ فِي الْعَادِي، خَلَاصْ هُو يُخُطَّهْ طَرَفْ لِمُدَّةْ سَبْعَةْ يَوْم لِلْمَرْضَانْ الْعِنْدَهْ قُوبْ.

لاوِيِّين 13:25

وَاجِبْ رَاجِلْ الدِّينْ يِشِيفْهَا. وَ كَنْ الصُّوفْ الْفِي الْعُوَارَةْ التِّرَارِي بِقِي أَبْيَضْ وَ كَنْ هِي سَوَّتْ نُقْرَةْ فِي اللَّحَمْ دَا، خَلَاصْ دَا مَرَضْ فِي الْجِسِمْ يِدَوْر يُقُمّ فِي الْعُوَارَةْ. وَ رَاجِلْ الدِّينْ يِبَلِّغْ كَدَرْ النَّادُمْ دَا نِجِسْ. وَ دَا مَرَضْ الْجِسِمْ.

لاوِيِّين 13:26

وَ لَاكِنْ كَنْ رَاجِلْ الدِّينْ شَافْ مَا فِي صُوفْ أَبْيَضْ فِي الْبُقْعَةْ وَ مَا سَوَّتْ نُقْرَةْ فِي اللَّحَمْ وَ مَا قَاعِدَةْ تِرَارِي، هُو يُخُطّ الْمَرْضَانْ دَا طَرَفْ لِمُدَّةْ سَبْعَةْ يَوْم.

لاوِيِّين 13:50

وَ رَاجِلْ الدِّينْ يِشِيفْ الْبُقْعَةْ دِي وَ يِشِيلْ الشَّيّءْ الْهِي فَوْقَهْ وَ يُخُطَّهْ طَرَفْ لِمُدَّةْ سَبْعَةْ يَوْم.

لاوِيِّين 14:38

خَلَاصْ رَاجِلْ الدِّينْ يَمْرُقْ مِنْ الْبَيْت. وَ وَكِتْ لِحِقْ الْبَابْ، هُو يِسِدّ الْبَيْت لِمُدَّةْ سَبْعَةْ يَوْم.

عَدد 12:14

وَ لَاكِنْ اللّٰهْ رَدَّ لَيَّهْ وَ قَالْ: «كَنْ أَبُوهَا بَزَقْ لَيْهَا فِي وِجِهَّا، الْخَجْلَةْ مَا تَكْرُبْهَا لِمُدَّةْ سَبْعَةْ يَوْم وَلَّا؟ وَ أَشَانْ دَا، أَطُرْدُوهَا بَرَّا مِنْ الْفَرِيقْ لِمُدَّةْ سَبْعَةْ يَوْم وَ بَعَدْ دَا، خَلِّي تِقَبِّلْ.»