لاوِيِّين 12:6 - الكتاب المقدس بالعربي الدارجي هنا تشاد

⁶ «وَ وَكِتْ أَيَّامْ طِهَارِتْهَا هَنَا النُّفَاسْ بِالْوِلَيْد أَوْ الْبِنَيَّةْ يِكَمُّلُوا، هِي تِجِيبْ لِرَاجِلْ الدِّينْ فِي مَدَخَلْ خَيْمَةْ الْإِجْتِمَاعْ خَرُوفْ وَلْد سَنَةْ لِلضَّحِيَّةْ الْمُحَرَّقَةْ. وَ بَتَّانْ كُلَ تِجِيبْ فَرْخ حَمَامْ أَوْ قِمْرِيَّةْ لِلضَّحِيَّةْ هَنَا كَفَّارَةْ الذَّنِبْ.

لاوِيِّين 12:6 Referenca të Kryqëzuara

لُوقا 2:22

وَ بَعَدَيْن الْوَكِتْ الْوَاجِبْ يِقَدُّمُوا فَوْقَهْ الضَّحِيَّةْ هَنَا الطِّهَارَةْ جَاءْ وَ دَا مِثِلْ مَكْتُوبْ فِي تَوْرَاةْ مُوسَى. وَ وَدَّوْا عِيسَى لِمَدِينَةْ الْقُدُسْ أَشَانْ يِقَدُّمُوهْ لِلّٰهْ.

عِبْرَانِيِّين 7:26

وَ بَيْدَا، عِيسَى بِقِي كَبِيرْ رُجَالْ الدِّينْ الْمُوَافِقْ لَيْنَا مَرَّةْ وَاحِدْ. هُو قُدُّوسْ وَ مَا عِنْدَهْ أَيِّ عَيْب وَ هُو دَايْماً طَاهِرْ. هُو مَعْزُولْ بَعِيدْ مِنْ الْمُذْنِبِينْ وَ مَرْفُوعْ فَوْق فِي السَّمَاوَاتْ.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

يُوحَنَّا 1:29

وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا.

لاوِيِّين 15:29

وَ فِي الْيَوْم التَّامِنْ، هِي تِشِيلْ قِمْرِيْ إِتْنَيْن أَوْ حَمَامْ إِتْنَيْن وَ تِوَدِّيهْ لِرَاجِلْ الدِّينْ فِي مَدَخَلْ خَيْمَةْ الْإِجْتِمَاعْ.

عَدد 6:10

وَ فِي الْيَوْم التَّامِنْ، يِجِيبْ قِمْرِيْ إِتْنَيْن أَوْ فُرُوخْ حَمَامْ إِتْنَيْن لِرَاجِلْ الدِّينْ فِي مَدَخَلْ خَيْمَةْ الْإِجْتِمَاعْ.

لاوِيِّين 15:14

وَ فِي الْيَوْم التَّامِنْ، هُو يِشِيلْ إِتْنَيْن قِمْرِيْ أَوْ إِتْنَيْن حَمَامْ وَ يَمْشِي فِي مَدَخَلْ خَيْمَةْ الْإِجْتِمَاعْ قِدَّامْ اللّٰهْ وَ يَنْطِيهْ لِرَاجِلْ الدِّينْ.

لاوِيِّين 14:22

وَ قِمْرِيْ إِتْنَيْن أَوْ حَمَامْ إِتْنَيْن وَ دَا حَسَبْ قُدُرْتَهْ، وَاحِدَةْ لِلضَّحِيَّةْ هَنَا كَفَّارَةْ الذَّنِبْ وَ الْآخَرَةْ لِلضَّحِيَّةْ الْمُحَرَّقَةْ.

لاوِيِّين 12:2

حَجِّي لِبَنِي إِسْرَائِيلْ وَ قُولْ لَيْهُمْ: «كَنْ مَرَةْ غَلْبَانَةْ وَ وِلْدَتْ وِلَيْد، هِي تَبْقَى نِجْسَةْ لِمُدَّةْ سَبْعَةْ يَوْم وَ تَبْقَى نِجْسَةْ مِثِلْ فِي أَيَّامْهَا هَنَا الْحَيْض.

تكوين 15:9

وَ اللّٰهْ قَالْ لَيَّهْ: «جِيبْ لَيِّ عِجْلَةْ عُمُرْهَا تَلَاتَةْ سَنَةْ وَ غَنَمَايْ عُمُرْهَا تَلَاتَةْ سَنَةْ وَ كَبِشْ عُمْرَهْ تَلَاتَةْ سَنَةْ وَ قِمْرِيَّةْ وَ حَمَامَةْ.»

لاوِيِّين 12:5

«وَ كَنْ وِلْدَتْ بِنَيَّةْ، هِي تَبْقَى نِجْسَةْ لِمُدَّةْ سُبُوعَيْن وَ تَبْقَى نِجْسَةْ مِثِلْ فِي أَيَّامْهَا هَنَا الْحَيْض. وَ تَقْعُدْ 66 يَوْم لِتِطَّهَّرْ مِنْ دَمَّهَا.

لاوِيِّين 12:7

وَ رَاجِلْ الدِّينْ يِقَدِّمْهُمْ قِدَّامْ اللّٰهْ وَ يِسَوِّي لَيْهَا كَفَّارَةْ. وَ خَلَاصْ، هِي تَبْقَى طَاهِرَةْ مِنْ دَمَّهَا هَنَا الْوَالُودَةْ. «وَ دَوْل قَوَانِينْ الْبُخُصُّوا الْمَرَةْ التَّلْدَ وِلَيْد أَوْ بِنَيَّةْ.