لاوِيِّين 12:3 - الكتاب المقدس بالعربي الدارجي هنا تشاد

³ وَ فِي الْيَوْم التَّامِنْ، يِطَهُّرُوا الْوِلَيْد.

لاوِيِّين 12:3 Referenca të Kryqëzuara

لُوقا 2:21

وَ الصَّغِيرْ طَهَّرَوْه وَكِتْ عُمْرَهْ تَمَّ تَمَانَةْ يَوْم. وَ سَمَّوْه عِيسَى أَشَانْ دَا بَسْ الْأُسُمْ الْمَلَكْ أَنْطَاهْ لِأَمَّهْ قُبَّالْ مَا تَغْلَبْ بَيَّهْ.

لُوقا 1:59

وَ فِي الْيَوْم التَّامِنْ لَمَّوْا أَشَانْ يِطَهُّرُوا الْوِلَيْد. وَ دَوَّرَوْا يِسَمُّوهْ زَكَرِيَّا مِثِلْ أَبُوهْ.

كُلُوسِي 2:11

وَ فِي الْمَسِيحْ، إِنْتُو بِقِيتُوا مُطَهَّرِينْ بِطَهُورَةْ شِقْ مِنْ الطَّهُورَةْ الْيِسَوُّوهَا النَّاسْ. فِي طَهُورَةْ النَّاسْ، يَقْطَعَوْا جِلْدَةْ صَغَيْرَةْ. وَ لَاكِنْ فِي طَهُورَةْ الْمَسِيحْ، هُو سَلَّمْ نَفْسَهْ لِلْمَوْت وَ فِي الْمَوْت دَا، خَلَّى مِنَّهْ جِسْمَهْ كُلَّ كَيْ. وَ إِنْتُو شَارَكْتُوا فِي الطَّهُورَةْ دِي.

فِلِبِّي 3:5

أَنَا طَهَّرَوْنِي فِي الْيَوْم التَّامِنْ مِنْ يَوْم وِلْدَوْنِي. وَ أَنَا مِنْ ذُرِّيَّةْ بَنِي إِسْرَائِيلْ وَ مِنْ قَبِيلَةْ بَنْيَامِينْ. أَنَا عِبْرَانِي مِيَةْ فِي الْمِيَةْ. وَ فِي الشَّيّءْ الْبُخُصّ طَبِّقِينْ شُرُوطْ التَّوْرَاةْ، أَنَا مِنْ طَرِيقَةْ الْفَرِيزِيَّةْ.

غَلاطِية 5:3

نَشْهَدْ لَيْكُو بَتَّانْ كَدَرْ أَيِّ نَادُمْ الْيِخَلِّي نَفْسَهْ يِطَهُّرُوهْ بِطَهُورَةْ التَّوْرَاةْ، وَاجِبْ لَيَّهْ يِطَبِّقْ شُرُوطْ التَّوْرَاةْ كُلُّهُمْ كَيْ.

غَلاطِية 3:17

دَاهُو الشَّيّءْ النِّدَوْر نِأَوْرِيكُو بَيَّهْ. اللّٰهْ سَوَّى مُعَاهَدَةْ مَعَ إِبْرَاهِيمْ وَ بَعَدْ 430 سَنَةْ، كِتَابْ التَّوْرَاةْ جَاءْ لَاكِنْ شُرُوطْ التَّوْرَاةْ مَا بَطَّلَوْا الْوَعَدْ وَ لَا نَقَضَوْا الْمُعَاهَدَةْ الْاللّٰهْ ذَاتَهْ سَوَّاهَا.

رَوْمَا 3:19

وَ نَعَرْفُوا كَدَرْ أَيِّ شَيّءْ الْمَكْتُوبْ فِي التَّوْرَاةْ يِحَجِّي لِأَهَلْ شُرُوطْ التَّوْرَاةْ. وَ بِمِثِلْ دَا، مَا فِي نَادُمْ وَاحِدْ الْيَقْدَرْ يِدَافِعْ لِنَفْسَهْ قِدَّامْ اللّٰهْ. وَ خَلَاصْ كُلَّ نَاسْ الدُّنْيَا يَقْعُدُوا تِحِتْ حِسَابْ اللّٰهْ.

تَثْنِية 30:6

وَ اللّٰهْ إِلٰـهْكُو يِطَهِّرْ قُلُوبْكُو وَ قُلُوبْ ذُرِّيِّتْكُو وَ دَا لِتِحِبُّوا اللّٰهْ إِلٰـهْكُو بِكُلَّ قُلُوبْكُو وَ كُلَّ فِكِرْكُو وَ دَا أَشَانْ تَحْيَوْا.

أعمال الرُسُل 15:1

فِيَّهْ نَاسْ وَاحِدِينْ مِنْ دَارْ الْيَهُودِيَّةْ جَوْا فِي حِلَّةْ أَنْطَاكِيَةْ وَ قَمَّوْا يِعَلُّمُوا الْأَخْوَانْ. وَ هُمَّنْ قَالَوْا: «كَنْ مَا طَهَّرَوْكُو حَسَبْ شُرُوطْ تَوْرَاةْ مُوسَى، أَبَداً مَا تَنْجَوْا.»

خُروج 22:30

وَ بَتَّانْ كُلَ، قَدِّمْ لَيِّ وَلْد الْبِكِرْ مِنْ بَقَرَكْ وَ غَنَمَكْ. خَلِّي أَيِّ وَلْد بِكِرْ يَقْعُدْ سَبْعَةْ يَوْم مَعَ أَمَّهْ وَ فِي الْيَوْم التَّامِنْ، قَدِّمَهْ لَيِّ.

لاوِيِّين 12:4

وَ بَعَدْ دَا، هِي تَقْعُدْ 33 يَوْم لِتِطَّهَّرْ مِنْ دَمَّهَا. وَ مَا تَلْمَسْ شَيّءْ مُخَصَّصْ وَ لَا تَمْشِي فِي الْبَيْت الْمُقَدَّسْ، لَحَدِّي تِتِمّ أَيَّامْ طِهَارِتْهَا.

لاوِيِّين 15:3

وَ الْبَجَلْ دَا، كَنْ يِسِيلْ أَوْ مَا يِسِيلْ كُلَ، النَّادُمْ دَا نِجِسْ.