لاوِيِّين 11:10 - الكتاب المقدس بالعربي الدارجي هنا تشاد

¹⁰ وَ لَاكِنْ كُلَّ حَيْوَانَاتْ الْبَحَرْ وَ كُلَّ الْعَايْشِينْ فِي الْأَلْمِي، كَنْ فِي الْبَحَرْ أَوْ فِي الْوَادِي، الْمَا عِنْدُهُمْ عَوَّامَاتْ وَ لَا قِشِرْ، هُمَّنْ دَوْل نِجْسِينْ مَرَّةْ وَاحِدْ لَيْكُو.

لاوِيِّين 11:10 Referenca të Kryqëzuara

أمْثال 29:27

الصَّالِحِينْ يِحَرُّمُوا الظُّلُمْ وَ الْعَاصِيِينْ يِحَرُّمُوا الدَّرِبْ الْعَدِيلْ.

لاوِيِّين 7:18

وَ كَنْ نَادُمْ أَكَلْ مِنْ لَحَمْ ضَحِيَّةْ السَّلَامَةْ فِي الْيَوْم التَّالِتْ، النَّادُمْ الْقَدَّمْ الضَّحِيَّةْ دِي، اللّٰهْ مَا يَقْبَلَهْ وَ ضَحِيّتَهْ كُلَ مَا تِنْحَسِبْ لَيَّهْ. وَ اللَّحَمْ دَا يُكُونْ حَرَامْ. وَ الْيَاكُلَهْ يِلْحَمَّلْ نَتِيجَةْ خَطَايَهْ.

أمْثال 13:20

الْيُرُوغْ مَعَ الْحَكِيمِينْ يَبْقَى حَكِيمْ وَ الْيِرَافِقْ الْمَطَامِيسْ يَلْقَى الْفَسَالَةْ.

تَثْنِية 14:3

مَا تَاكُلُوا الْحَرَامْ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

تكوين 1:20

وَ الرَّبّ قَالْ: «خَلِّي حَيْوَانَاتْ بِكَتَرَةْ يِلْحَرَّكَوْا فِي الْأَلْمِي وَ خَلِّي طُيُورْ يِطِيرُوا تِحِتْ السَّمَاءْ مِنْ فَوْق لِلْأَرْض.»

لاوِيِّين 11:9

«وَ مِنْ كُلَّ حَيْوَانَاتْ الْبَحَرْ، التَّقْدَرَوْا تَاكُلُوهُمْ هُمَّنْ كُلَّ الْحَيْوَانَاتْ هَنَا الْبَحَرْ وَ هَنَا الْوُدْيَانْ الْعِنْدُهُمْ عَوَّامَاتْ وَ قِشِرْ. دَوْل تَقْدَرَوْا تَاكُلُوهُمْ.

لاوِيِّين 11:11

هُمَّنْ دَوْل نِجْسِينْ مَرَّةْ وَاحِدْ لَيْكُو، مَا تَاكُلُوا لَحَمْهُمْ وَ أَجْعَلَوْا رِمِّتْهُمْ نِجْسَةْ مَرَّةْ وَاحِدْ.

تَثْنِية 14:10

وَ لَاكِنْ الْمَا عِنْدُهُمْ عَوَّامَاتْ وَ لَا قِشِرْ، مَا تَاكُلُوهُمْ أَشَانْ هُمَّنْ دَوْل حَرَامْ لَيْكُو.