لاوِيِّين 10:6 - الكتاب المقدس بالعربي الدارجي هنا تشاد

⁶ وَ مُوسَى قَالْ لِهَارُونْ وَ لِأَوْلَادَهْ أَلِعَازَرْ وَ إِتَمَارْ: «مَا تَكْشُفُوا رُوسَيْكُو وَ لَا تِشَرُّطُوا خُلْقَانْكُو مِنْ الْحِزِنْ. وَ دَا أَشَانْ مَا تُمُوتُوا وَ لَا تِنَزُّلُوا غَضَبْ اللّٰهْ فِي كُلَّ الْمُجْتَمَعْ. وَ كُلَّ أَخْوَانْكُو بَنِي إِسْرَائِيلْ يَبْكُوا لِأَخْوَانْكُو الدَّمَّرَاهُمْ اللّٰهْ بِنَارْ.

لاوِيِّين 10:6 Referenca të Kryqëzuara

يَشُوع 22:18

وَ شِيفُوا! الْيَوْم، إِنْتُو خَلَّيْتُوا دَرِبْ اللّٰهْ وَ عِصِيتُوهْ. وَ أَمْبَاكِرْ، هُو يَزْعَلْ ضِدّ كُلَّ مُجْتَمَعْ بَنِي إِسْرَائِيلْ!

يَشُوع 7:1

وَ بَنِي إِسْرَائِيلْ عِصَوْا اللّٰهْ فِي الْخُمَامْ الْهُو حَرَّمَهْ لَيْهُمْ. عَكَانْ وِلَيْد كَرْمِي وِلَيْد زَبْدِي وِلَيْد زَارَحْ مِنْ قَبِيلَةْ يَهُوذَا شَالْ مِنْ الْخُمَامْ الْحَرَامْ وَ خَلَاصْ، اللّٰهْ غِضِبْ لِبَنِي إِسْرَائِيلْ.

عَدد 16:22

وَ لَاكِنْ فِي الْبَكَانْ دَا، مُوسَى وَ هَارُونْ وَقَعَوْا بِوُجُوهُّمْ فِي التُّرَابْ وَ قَالَوْا: «يَا رَبّ، إِنْتَ الْإِلٰـهْ التَّمْلُكْ فِي كُلَّ مَخْلُوقْ حَيّ. تَغْضَبْ لِكُلَّ مُجْتَمَعْ بَنِي إِسْرَائِيلْ بِسَبَبْ نَادُمْ وَاحِدْ سَوَّى ذَنِبْ وَلَّا؟»

عَدد 1:53

وَ لَاكِنْ اللَّاوِيِّينْ خَلِّي يَنْزُلُوا حَوَالَيْ خَيْمَةْ الْعِبَادَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ وَ يَحْفَضَوْهَا. وَ بَيْدَا، غَضَبِي مَا يَنْزِلْ فِي كُلَّ مُجْتَمَعْ بَنِي إِسْرَائِيلْ.»

2 صَمُوِيل 24:1

وَ يَوْم وَاحِدْ، اللّٰهْ غِضِبْ بَتَّانْ لِبَنِي إِسْرَائِيلْ وَ لَزَّ دَاوُدْ يِسَوِّي شَيّءْ الْمَا بِوَافِقْ وَ قَالْ لَيَّهْ: «قُمّ أَحْسِبْ بَنِي إِسْرَائِيلْ وَ بَنِي يَهُوذَا.»

يَشُوع 22:20

وَكِتْ عَكَانْ وِلَيْد زَارَحْ عِصِي وَ شَالْ الْخُمَامْ الْحَرَامْ، هُو مَا هِلِكْ وِحَيْدَهْ بِسَبَبْ خَطَايَهْ لَاكِنْ غَضَبْ اللّٰهْ وَقَعْ فِي كُلَّ مُجْتَمَعْ بَنِي إِسْرَائِيلْ!›»

لاوِيِّين 13:45

وَ فِي الْحَالَةْ دِي، كَنْ نَادُمْ كَرَبَهْ مَرَضْ الْجِسِمْ وَ بِقِي مَرْضَانْ، وَاجِبْ يَلْبَسْ خُلْقَانْ مُشَرَّطِينْ وَ مَا يِعَدِّلْ صُوفْ رَاسَهْ وَ يِغَطِّي شَنَبَهْ وَ يِعِيطْ وَ يُقُولْ: «نِجِسْ! نِجِسْ!»

عَدد 18:5

وَ إِنْتُو بَسْ تَحْفَضَوْا الْبَكَانْ الْمُقَدَّسْ وَ الْمَدْبَحْ وَ بَيْدَا، بَتَّانْ غَضَبْ اللّٰهْ مَا يَنْزِلْ فِي بَنِي إِسْرَائِيلْ.

مِيخا 1:16

يَا مَدِينَةْ الْقُدُسْ الْمِثِلْ مَرَةْ، أَقْطَعَيْ شَعَرْكِ وَ زَيِّنِي رَاسْكِ أَشَانْ عِيَالْكِ التِّحِبِّيهُمْ. أَبْقَيْ مُوَلِّعَةْ مِثِلْ الصَّقُرْ أَشَانْ يِوَدُّوا عِيَالْكِ فِي الْغُرْبَةْ بَعِيدْ مِنْكِ.

إرْمِيا 7:29

يَا نَاسْ يَهُوذَا، أَقْطَعَوْا شَعَرْكُو وَ أَزْقُلُوهْ مِنْ الْحِزِنْ وَ أَطْلَعَوْا فِي رُوسَيْ الْجِبَالْ وَ نُوحُوا أَشَانْ اللّٰهْ أَبَى الذُّرِّيَّةْ التِّغَضِّبَهْ.

يَشُوع 7:11

بَنِي إِسْرَائِيلْ أَذْنَبَوْا! أَيْوَى، هُمَّنْ نَقَضَوْا مُعَاهَدَتِي الْأَنَا أَمَرْتُهُمْ بَيْهَا وَ شَالَوْا مِنْ الْخُمَامْ الْحَرَامْ، سِرْقَوْه وَ لَبَّدَوْه فِي خُمَامْهُمْ.

تَثْنِية 33:9

وَ هُمَّنْ قَالَوْا لِوَالْدَيْنهُمْ: «أَنِحْنَ مَا شِفْنَاكُو.» وَ قَالَوْا لِأَخْوَانْهُمْ: «أَنِحْنَ مَا نَعَرْفُوكُو.» وَ قَالَوْا لِعِيَالْهُمْ: «أَنِحْنَ مَا نَعَرْفُوا إِنْتُو يَاتُمَّنْ.» وَ هُمَّنْ حَفَضَوْا كَلَامَكْ، يَا اللّٰهْ، وَ أَحْتَرَمَوْا مُعَاهَدَتَكْ.

عَدد 14:6

وَ مِنْ النَّاسْ الرَّاغَوْا الْبَلَدْ، يَشُوعْ وِلَيْد نُونْ وَ كَالِبْ وِلَيْد يَفُونَى هُمَّنْ دَوْل قَمَّوْا شَرَّطَوْا خُلْقَانْهُمْ مِنْ الزَّعَلْ.

عَدد 5:18

وَ بَعَدْ وَقَّفَاهَا قِدَّامْ اللّٰهْ، هُو يَكْشِفْ رَاسْهَا وَ يَنْطِيهَا فِي إِيدَيْنهَا هَدِيَّةْ الذِّكْرَةْ يَعْنِي هَدِيَّةْ الْغِيرَةْ. وَ رَاجِلْ الدِّينْ كَمَانْ يِشِيلْ فِي إِيدَهْ الْأَلْمِي الْمُرّ الْيِجِيبْ اللَّعَنَةْ الْهُو جَهَّزَهْ.

خُروج 33:5

وَ دَا أَشَانْ اللّٰهْ قَالْ لِمُوسَى: «قُولْ لِبَنِي إِسْرَائِيلْ: ‹إِنْتُو شَعَبْ رَاسْكُو قَوِي. كَنْ أَنَا مَشَيْت مَعَاكُو لِوَكِتْ شِيَّةْ كُلَ، نَكْتُلْكُو. هَسَّعْ دَا، سِلُّوا مِنْكُو زِينِتْكُو. وَ أَنَا نِشِيفْ كِكَّيْف نِسَوِّي لَيْكُو.›»

خُروج 6:23

وَ هَارُونْ أَخَدْ أَلِشَبَعْ هِي أَخُتْ نَحْشُونْ وَ بِنَيَّةْ عَمِنَدَابْ. وَ هِي جَابَتْ لَيَّهْ نَدَابْ وَ أَبِيهُو وَ أَلِعَازَرْ وَ إِتَمَارْ.

عَدد 20:25

وَ إِنْتَ، يَا مُوسَى، شِيلْ هَارُونْ وَ وِلَيْدَهْ أَلِعَازَرْ وَ أَطْلَعْ بَيْهُمْ فِي جَبَلْ هَوْر.

عَزْرا 7:5

وِلَيْد أَبِشُوعْ وِلَيْد فِينْحَاسْ وِلَيْد أَلِعَازَرْ وِلَيْد هَارُونْ. وَ هَارُونْ دَا، هُو رَاجِلْ الدِّينْ الْأَوَّلْ.