لاوِيِّين 10:2 - الكتاب المقدس بالعربي الدارجي هنا تشاد

² وَ خَلَاصْ، مَرَقَتْ نَارْ مِنْ قِدَّامْ اللّٰهْ وَ النَّارْ أَكَلَتْهُمْ. وَ هُمَّنْ مَاتَوْا قِدَّامْ اللّٰهْ.

لاوِيِّين 10:2 Referenca të Kryqëzuara

عَدد 26:61

وَ نَدَابْ وَ أَبِيهُو مَاتَوْا أَشَانْ هُمَّنْ قَدَّمَوْا لِلّٰهْ فِي لُبّ خَيْمَةْ الْإِجْتِمَاعْ بَخُورْ فِي نَارْ الْهُو مَا أَذَنْ بَيْهَا.

عَدد 16:35

وَ اللّٰهْ نَزَّلْ نَارْ أَكَلَتْ الْمِيتَيْن وَ خَمْسِينْ رَاجِلْ الْقَاعِدِينْ يِقَدُّمُوا بَخُورْ لِلّٰهْ.

لاوِيِّين 9:24

وَ مَرَقَتْ نَارْ مِنْ قِدَّامْ اللّٰهْ وَ أَكَلَتْ الضَّحِيَّةْ الْمُحَرَّقَةْ وَ الشَّحَمْ. وَ كُلَّ الشَّعَبْ شَافَوْا الشَّيّءْ دَا وَ كَوْرَكَوْا مِنْ الْفَرْحَةْ وَ وَقَعَوْا بِوُجُوهُّمْ فِي الْأَرْض وَ سَجَدَوْا.

2 صَمُوِيل 6:7

وَ اللّٰهْ غِضِبْ غَضَبْ شَدِيدْ ضِدّ عُزَّى وَ طَوَّالِي ضَرَبَهْ أَشَانْ خَطَايَهْ. وَ عُزَّى وَقَعْ مَاتْ هِنَاكْ جَنْب صَنْدُوقْ الرَّبّ.

1 كُرُنْتُس 10:11

وَ دَا كُلَّ كَيْ جَاءْ فَوْقهُمْ أَشَانْ يَبْقَى لَيْنَا مَثَلْ وَ أَنْكَتَبْ أَشَانْ يِعَلِّمْنَا أَنِحْنَ الْعَايْشِينْ فِي الزَّمَنْ الْأَخِيرْ.

أعمال الرُسُل 5:10

وَ طَوَّالِي كَيْ، هِي وَقَعَتْ قِدَّامْ بُطْرُسْ وَ مَاتَتْ. وَ الصُّبْيَانْ دَخَلَوْا فِي الْبَيْت وَ لِقَوْهَا مَيْتَةْ وَ قَلَّوْهَا وَ مَشَوْا دَفَنَوْهَا جَنْب رَاجِلْهَا.

أعمال الرُسُل 5:5

وَ وَكِتْ حَنَانِيَّا سِمِعْ الْكَلَامْ دَا، هُو وَقَعْ فِي تُرَابْ وَ مَاتْ. وَ الْخَوْف دَخَلْ لِكُلَّ النَّاسْ السِّمْعَوْا الْخَبَرْ دَا.

إشَعْيا 30:33

وَ مِنْ وَكِتْ طَوِيلْ، نُقْرَةْ النَّارْ جَاهِزَةْ أَيْوَى، هِي جَاهِزَةْ لِمَلِكْ أَشُورْ! وَ النُّقْرَةْ دِي طَوِيلَةْ وَ وَسِيعَةْ وَ دَفَّقَوْا فَوْقهَا حَطَبْ كَتِيرْ. وَ بِنَفْخَةْ اللّٰهْ الْمِثِلْ سَيْل شَدِيدْ هَنَا كِبْرِيتْ، هُو يِقَبِّضْهَا نَارْ.

1 أخبار 24:2

وَ نَدَابْ وَ أَبِيهُو مَاتَوْا قُبَّالْ أَبُوهُمْ وَ مَا جَابَوْا أَوْلَادْ. وَ فِي شَانْ دَا، خِدْمَةْ رُجَالْ الدِّينْ كَلَّفَوْا بَيْهَا أَلِعَازَرْ وَ إِتَمَارْ.

1 أخبار 15:13

أَشَانْ أَوَّلْ وَكِتْ إِنْتُو مَا فِيكُو، اللّٰهْ إِلٰـهْنَا ضَرَبَانَا بِسَبَبْ أَنِحْنَ مَا طَبَّقْنَا الشُّرُوطْ الْبُخُصُّوا صَنْدُوقْ الْمُعَاهَدَةْ.»

1 أخبار 13:10

وَ طَوَّالِي اللّٰهْ غِضِبْ غَضَبْ شَدِيدْ ضِدّ عُزَّى وَ طَوَّالِي ضَرَبَهْ أَشَانْ هُو مَدَّ إِيدَهْ وَ كَرَبْ الصَّنْدُوقْ. وَ عُزَّى وَقَعْ مَاتْ هِنَاكْ قِدَّامْ الرَّبّ.

2 مُلوك 1:12

وَ إِلِيَاسْ رَدَّ لَيَّهْ وَ قَالْ: «كَنْ أَنَا نَبِي اللّٰهْ، خَلِّي نَارْ تَنْزِلْ مِنْ السَّمَاءْ وَ تَاكُلَكْ إِنْتَ وَ عَسْكَرَكْ الْخَمْسِينْ.» وَ طَوَّالِي، نَارْ اللّٰهْ نَزَلَتْ مِنْ السَّمَاءْ وَ أَكَلَتْهُمْ هُو وَ عَسْكَرَهْ الْخَمْسِينْ.

2 مُلوك 1:10

وَ لَاكِنْ إِلِيَاسْ قَالْ لِقَايِدْ الْخَمْسِينْ: «كَنْ أَنَا نَبِي اللّٰهْ، خَلِّي نَارْ تَنْزِلْ مِنْ السَّمَاءْ وَ تَاكُلَكْ إِنْتَ وَ عَسْكَرَكْ الْخَمْسِينْ.» وَ طَوَّالِي، نَارْ نَزَلَتْ مِنْ السَّمَاءْ وَ أَكَلَتْهُمْ هُو وَ عَسْكَرَهْ الْخَمْسِينْ.

1 صَمُوِيل 6:19

وَ اللّٰهْ ضَرَبْ سُكَّانْ حِلَّةْ بَيْت شَمْس أَشَانْ هُمَّنْ شَافَوْا لُبّ صَنْدُوقْ اللّٰهْ. وَ مَاتَوْا مِنْهُمْ 70 رَاجِلْ. وَ الشَّعَبْ بِقَوْا حَزْنَانِينْ أَشَانْ اللّٰهْ ضَرَبَاهُمْ ضَرْبَةْ شَدِيدَةْ.

عَدد 16:49

وَ النَّاسْ الْكَتَلْهُمْ الْوَبَاءْ عَدَدْهُمْ 14 700. وَ دَا بَلَا النَّاسْ الْمَاتَوْا فِي مُشْكِلَةْ قُورَحْ.

لاوِيِّين 16:1

وَ اللّٰهْ حَجَّى لِمُوسَى بَعَدْ مَوْت أَوْلَادْ هَارُونْ الْإِتْنَيْن الْمَاتَوْا وَكِتْ جَوْا قِدَّامْ اللّٰهْ.

لاوِيِّين 10:5

وَ هُمَّنْ جَوْا شَالَوْهُمْ فِي خُلْقَانْهُمْ وَ وَدَّوْهُمْ بَرَّا مِنْ الْفَرِيقْ مِثِلْ مُوسَى قَالَهْ.

خُروج 24:1

وَ بَعَدْ دَا، اللّٰهْ قَالْ لِمُوسَى: «أَطْلَعَوْا لَيِّ فِي الْجَبَلْ، إِنْتَ وَ هَارُونْ وَ أَوْلَادَهْ نَدَابْ وَ أَبِيهُو وَ 70 شُيُوخْ مِنْ بَنِي إِسْرَائِيلْ. وَ أَسْجُدُوا مِنْ بَعِيدْ.

1 مُلوك 18:38

وَ طَوَّالِي، اللّٰهْ نَزَّلْ نَارْ مِنْ السَّمَاءْ. وَ النَّارْ أَكَلَتْ الضَّحِيَّةْ الْمُحَرَّقَةْ وَ الْحَطَبْ وَ الْحُجَارْ وَ الْعَجَاجْ وَ شِرْبَتْ الْأَلْمِي الْقَاعِدْ فِي النُّقْرَةْ.

أيُّوب 1:16

وَ وَكِتْ هُو لِسَّاعْ قَاعِدْ يِحَجِّي، مُرْسَالْ آخَرْ جَاءْ وَ قَالْ: «نَارْ الرَّبّ نَزَلَتْ مِنْ السَّمَاءْ وَ حَرَقَتْ الْغَنَمْ وَ الْخَدَّامِينْ. وَ أَنَا وِحَيْدِي بَسْ نِجِيتْ وَ جِيتْ لِنِخَبِّرَكْ.»

زَبُور 50:3

خَلِّي إِلٰـهْنَا يَجِي وَ خَلِّي مَا يَسْكُتْ! قِدَّامَهْ فِي نَارْ مُحْرِقَةْ وَ رِيحْ شَدِيدَةْ تُسُوقْ حَوَالَيَّهْ.

عَدد 14:37

وَ النَّاسْ دَوْل مَاتَوْا بِوَبَاءْ قِدَّامْ اللّٰهْ أَشَانْ هُمَّنْ قَمَّوْا عَيَّرَوْا الْبَلَدْ الْهُمَّنْ شَافَوْهَا.

1 مُلوك 13:28

وَ هُو مَشَى لِقِي الْجَنَازَةْ وَاقْعَةْ فِي الدَّرِبْ وَ الْحُمَارْ وَ الدُّودْ وَاقْفِينْ جَنْب الْجَنَازَةْ. وَ الدُّودْ مَا أَكَلْ الْجَنَازَةْ وَ مَا ضَرَبْ الْحُمَارْ.