لاوِيِّين 1:4 - الكتاب المقدس بالعربي الدارجي هنا تشاد

⁴ النَّادُمْ دَا يُخُطّ إِيدَهْ فِي رَاسْ الضَّحِيَّةْ وَ اللّٰهْ يَرْضَى بَيْهَا وَ تَبْقَى لَيَّهْ كَفَّارَةْ.

لاوِيِّين 1:4 Referenca të Kryqëzuara

لاوِيِّين 4:26

وَ يِحَرِّقْ كُلَّ الشَّحَمْ فِي الْمَدْبَحْ مِثِلْ هُو سَوَّاهْ بِالشَّحَمْ هَنَا ضَحِيَّةْ السَّلَامَةْ. وَ بِمِثِلْ دَا، رَاجِلْ الدِّينْ يِسَوِّي كَفَّارَةْ الذَّنِبْ لِلشَّيْخ وَ هُو يَلْقَى الْغُفْرَانْ.

لاوِيِّين 4:20

وَ يِسَوِّي بِالتَّوْر دَا مِثِلْ هُو سَوَّاهْ بِالتَّوْر هَنَا ضَحِيَّةْ كَفَّارَةْ الذَّنِبْ. وَ بِمِثِلْ دَا، رَاجِلْ الدِّينْ يِسَوِّي لَيْهُمْ كَفَّارَةْ وَ هُمَّنْ يَلْقَوْا الْغُفْرَانْ.

لاوِيِّين 3:8

وَ هُو يُخُطّ إِيدَهْ فِي رَاسْ الْبَهِيمَةْ دِي وَ يَدْبَحْهَا فِي مَدَخَلْ خَيْمَةْ الْإِجْتِمَاعْ. وَ رُجَالْ الدِّينْ مِنْ ذُرِّيَّةْ هَارُونْ يُرُشُّوا الدَّمّ فِي نَوَايِطْ الْمَدْبَحْ.

لاوِيِّين 3:2

وَ هُو يُخُطّ إِيدَهْ فِي رَاسْ الْبَهِيمَةْ دِي وَ يَدْبَحْهَا فِي مَدَخَلْ خَيْمَةْ الْإِجْتِمَاعْ. وَ رُجَالْ الدِّينْ مِنْ ذُرِّيَّةْ هَارُونْ يُرُشُّوا الدَّمّ فِي نَوَايِطْ الْمَدْبَحْ.

خُروج 29:15

«‹وَ شِيلْ وَاحِدْ مِنْ الْكُبْشَانْ الْإِتْنَيْن وَ خَلِّي هَارُونْ وَ أَوْلَادَهْ يُخُطُّوا إِيدَيْهُمْ فِي رَاسَهْ.

خُروج 29:10

«‹وَ بَتَّانْ جِيبْ التَّوْر قِدَّامْ خَيْمَةْ الْإِجْتِمَاعْ وَ خَلِّي هَارُونْ وَ أَوْلَادَهْ يُخُطُّوا إِيدَيْهُمْ فِي رَاسْ التَّوْر دَا.

1 يُوحَنَّا 2:2

دَا هُو الْقَدَّمْ نَفْسَهْ ضَحِيَّةْ أَشَانْ يَمْحَا ذُنُوبْنَا. وَ ضَحِيّتَهْ مَا لِذُنُوبْنَا أَنِحْنَ بَسْ لَاكِنْ لِذُنُوبْ هَنَا كُلَّ نَاسْ الدُّنْيَا.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

لاوِيِّين 4:31

وَ يِشِيلْ كُلَّ الشَّحَمْ مِثِلْ قَاعِدِينْ يِشِيلُوهْ مِنْ ضَحِيَّةْ السَّلَامَةْ وَ رَاجِلْ الدِّينْ يِحَرِّقَهْ فِي الْمَدْبَحْ وَ رِيحْتَهْ اللّٰهْ يَرْضَى بَيْهَا. وَ رَاجِلْ الدِّينْ يِسَوِّي لَيَّهْ كَفَّارَةْ وَ هُو يَلْقَى الْغُفْرَانْ.

خُروج 29:19

«‹وَ شِيلْ الْكَبِشْ التَّانِي وَ خَلِّي هَارُونْ وَ أَوْلَادَهْ يُخُطُّوا إِيدَيْهُمْ فِي رَاسَهْ.

فِلِبِّي 4:18

وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

إشَعْيا 56:7

النَّاسْ دَوْل، أَنَا نِوَدِّيهُمْ فِي جَبَلِي الْمُقَدَّسْ وَ نِفَرِّحْهُمْ فِي بَيْتِي، بَيْت الصَّلَاةْ. وَ نَرْضَى بِضَحَايَاهُمْ الْمُحَرَّقِينْ وَ ضَحَايَاهُمْ الْآخَرِينْ الْهُمَّنْ يِقَدُّمُوهُمْ فِي مَدْبَحِي. أَشَانْ بَيْتِي يِسَمُّوهْ بَيْت الصَّلَاةْ لِكُلَّ الشُّعُوبْ.»

عَدد 15:25

وَ رَاجِلْ الدِّينْ يِسَوِّي كَفَّارَةْ لِذُنُوبْ كُلَّ مُجْتَمَعْ بَنِي إِسْرَائِيلْ وَ هُمَّنْ يَلْقَوْا الْغُفْرَانْ. أَشَانْ الذَّنِبْ دَا سَوَّوْه بَلَا رَايْهُمْ وَ هُمَّنْ جَابَوْا ضَحِيَّةْ مُحَرَّقَةْ لِلّٰهْ وَ قَدَّمَوْا ضَحِيَّةْ لِكَفَّارَةْ الذَّنِبْ.

لاوِيِّين 16:24

وَ هُو يِلْبَرَّدْ فِي بَكَانْ مُقَدَّسْ وَ يَلْبَسْ خُلْقَانَهْ. وَ خَلَاصْ، يَمْرُقْ وَ يِقَدِّمْ ضَحِيّتَهْ الْمُحَرَّقَةْ وَ الضَّحِيَّةْ الْمُحَرَّقَةْ هَنَا الشَّعَبْ وَ هُو يِسَوِّي كَفَّارَةْ لَيَّهْ هُو وَ لِلشَّعَبْ.

لاوِيِّين 16:21

وَ هَارُونْ يُخُطّ إِيدَيْنَهْ فِي رَاسْ التَّيْس الْحَيّ وَ يِعْتَرِفْ بِكُلَّ الْخَطَا وَ كُلَّ الْعِصْيَانْ وَ كُلَّ الذُّنُوبْ هَنَا بَنِي إِسْرَائِيلْ وَ يُخُطُّهُمْ فِي رَاسْ التَّيْس دَا. وَ رَاجِلْ وَاحِدْ جَاهِزْ يِوَدِّيهْ فِي الْخَلَاءْ.

لاوِيِّين 9:7

وَ بَعَدْ دَا، مُوسَى قَالْ لِهَارُونْ: «قَرِّبْ لِلْمَدْبَحْ وَ قَدِّمْ ضَحِيّتَكْ هَنَا كَفَّارَةْ الذَّنِبْ وَ ضَحِيّتَكْ الْمُحَرَّقَةْ وَ سَوِّي كَفَّارَةْ لَيْك إِنْتَ وَ لِلشَّعَبْ. وَ بَعَدْ دَا، قَدِّمْ ضَحِيَّةْ الشَّعَبْ لِتِسَوِّي لَيْهُمْ كَفَّارَةْ مِثِلْ اللّٰهْ أَمَرْ بَيَّهْ.»

لاوِيِّين 8:22

وَ جَابْ الْكَبِشْ التَّانِي مِثِلْ كَبِشْ هَنَا ضَحِيَّةْ الدَّرِّجِينْ. وَ هَارُونْ وَ أَوْلَادَهْ خَطَّوْا إِيدَيْهُمْ فِي رَاسْ الْكَبِشْ.

لاوِيِّين 8:14

وَ جَابْ تَوْر لِضَحِيَّةْ كَفَّارَةْ الذَّنِبْ وَ هَارُونْ وَ أَوْلَادَهْ خَطَّوْا إِيدَيْهُمْ فِي رَاسْ التَّوْر دَا.

لاوِيِّين 4:35

وَ رَاجِلْ الدِّينْ يِشِيلْ كُلَّ الشَّحَمْ مِثِلْ قَاعِدِينْ يِشِيلُوهْ مِنْ الْكَبِشْ هَنَا ضَحِيَّةْ السَّلَامَةْ وَ يِحَرِّقَهْ فِي الْمَدْبَحْ مِنْ فَوْق لِلضَّحَايَا الْمُحَرَّقِينْ الْقَاعِدِينْ فِي النَّارْ قِدَّامْ اللّٰهْ. وَ رَاجِلْ الدِّينْ يِسَوِّي لَيَّهْ كَفَّارَةْ لِلذَّنِبْ الْهُو سَوَّاهْ وَ هُو يَلْقَى الْغُفْرَانْ.»

لاوِيِّين 4:29

وَ هُو يُخُطّ إِيدَهْ فِي رَاسْ الضَّحِيَّةْ الْيِقَدِّمْهَا لِكَفَّارَةْ الذَّنِبْ. وَ يَدْبَحْ الضَّحِيَّةْ دِي فِي الْبَكَانْ الْيَدْبَحَوْا فَوْقَهْ الضَّحَايَا الْمُحَرَّقِينْ.

لاوِيِّين 4:24

وَ هُو يُخُطّ إِيدَهْ فِي رَاسْ التَّيْس وَ يَدْبَحَهْ فِي الْبَكَانْ الْيَدْبَحَوْا فَوْقَهْ الضَّحَايَا الْمُحَرَّقِينْ قِدَّامْ اللّٰهْ. وَ دَا يَبْقَى ضَحِيَّةْ لِكَفَّارَةْ الذَّنِبْ.

لاوِيِّين 4:15

وَ كُبَارَاتْ الْمُجْتَمَعْ يُخُطُّوا إِيدَيْهُمْ فِي رَاسْ التَّوْر قِدَّامْ اللّٰهْ وَ يَدْبَحَوْه قِدَّامَهْ.

لاوِيِّين 4:4

وَ هُو يِجِيبْ التَّوْر فِي مَدَخَلْ خَيْمَةْ الْإِجْتِمَاعْ قِدَّامْ اللّٰهْ وَ يُخُطّ إِيدَهْ فِي رَاسْ التَّوْر وَ يَدْبَحَهْ قِدَّامْ اللّٰهْ.

لاوِيِّين 3:13

وَ هُو يُخُطّ إِيدَهْ فِي رَاسْ الْبَهِيمَةْ دِي وَ يَدْبَحْهَا فِي مَدَخَلْ خَيْمَةْ الْإِجْتِمَاعْ. وَ رُجَالْ الدِّينْ مِنْ ذُرِّيَّةْ هَارُونْ يُرُشُّوا الدَّمّ فِي نَوَايِطْ الْمَدْبَحْ.

عِبْرَانِيِّين 10:4

أَشَانْ دَمّ التِّيرَانْ وَ دَمّ الْغَنَمْ أَبَداً مَا يَقْدَرْ يَمْحَا ذُنُوبْ النَّاسْ.

رَوْمَا 5:11

وَ زِيَادَةْ مِنْ دَا، هَسَّعْ أَنِحْنَ قَاعِدِينْ نَفْرَحَوْا بِالْعَلَاقَةْ الْعِنْدِنَا مَعَ اللّٰهْ بِرَبِّنَا عِيسَى الْمَسِيحْ. أَشَانْ بِالْمَسِيحْ بَسْ، أَنِحْنَ لِقِينَا الصُّلُحْ.

رَوْمَا 3:25

اللّٰهْ قَدَّمْ الْمَسِيحْ مِثِلْ ضَحِيَّةْ أَشَانْ دَمَّهْ يَمْحَا ذُنُوبْ النَّاسْ الْيِآمُنُوا بَيَّهْ. وَ بِمِثِلْ دَا، اللّٰهْ وَصَّفْ كَدَرْ هُو دَايْماً عَادِلْ. فِي الزَّمَنْ الْفَاتْ، اللّٰهْ مَا حَاسَبْ الْمُذْنِبِينْ بِسَبَبْ صَبْرَهْ الْعَظِيمْ.

دَنْيال 9:24

«أَعَرِفْ كَدَرْ اللّٰهْ قَرَّرْ وَكِتْ مُحَدَّدْ لِشَعَبَكْ وَ لِمَدِينَةْ الْقُدُسْ. وَ الْعَدَدْ دَا 70 فِي 7 سَنَةْ يَعْنِي 490 سَنَةْ. وَ حَدَّدْ لَيْهُمْ الْوَكِتْ دَا أَشَانْ يِخَلُّوا مِنْهُمْ الْعِصْيَانْ وَ الذَّنِبْ وَ يَلْقَوْا كَفَّارَةْ لِخَطَايَاهُمْ وَ يِعِيشُوا دَايْماً فِي الْعَدَالَةْ. وَ الرُّؤْيَةْ وَ كَلَامْ الْأَنْبِيَاء يِلْحَقَّقَوْا وَ الْبَيْت الْمُقَدَّسْ كُلَ بَتَّانْ يَمْسَحَوْه لِيِخَصُّصُوهْ.

عَدد 25:13

وَ الْمُعَاهَدَةْ دِي تَبْقَى مَعَايَهْ هُو وَ ذُرِّيّتَهْ الْيَجُوا مِنْ بَعَدَهْ. وَ هِي تَضْمَنْ لَيْهُمْ خِدْمَةْ رُجَالْ الدِّينْ لِلْأَبَدْ أَشَانْ هُو وَصَّفْ غِيرْتَهْ فِي شَانِي أَنَا إِلٰـهَهْ وَ سَوَّى كَفَّارَةْ لِذُنُوبْ بَنِي إِسْرَائِيلْ.»

عَدد 15:28

وَ رَاجِلْ الدِّينْ يِسَوِّي كَفَّارَةْ لِلذَّنِبْ هَنَا النَّادُمْ السَّوَّاهْ بَلَا رَايْه قِدَّامْ اللّٰهْ. وَ وَكِتْ رَاجِلْ الدِّينْ يِسَوِّي كَفَّارَةْ، النَّادُمْ دَا يَلْقَى الْغُفْرَانْ.

عَدد 8:12

وَ اللَّاوِيِّينْ يُخُطُّوا إِيدَيْهُمْ فِي رُوسَيْ التِّيرَانْ دَوْل وَ إِنْتَ قَدِّمْهُمْ لِلّٰهْ. التَّوْر الْوَاحِدْ ضَحِيَّةْ لِكَفَّارَةْ الذَّنِبْ وَ الْوَاحِدْ ضَحِيَّةْ مُحَرَّقَةْ وَ دَا يَبْقَى كَفَّارَةْ لِذُنُوبْ اللَّاوِيِّينْ.

لاوِيِّين 22:27

وَ بَعَدْ الْوَالُودَةْ، الْعِجِلْ أَوْ الْحَمَلْ أَوْ السَّخَلْ يَقْعُدْ تِحِتْ أَمَّهْ سَبْعَةْ يَوْم. وَ مِنْ الْيَوْم التَّامِنْ وَ قِدَّامْ، هُو يَبْقَى مَقْبُولْ لِلضَّحِيَّةْ الْمُحَرَّقَةْ لِلّٰهْ.

لاوِيِّين 22:21

«وَ كَنْ نَادُمْ يِقَدِّمْ ضَحِيَّةْ سَلَامَةْ لِلّٰهْ لِيِحَقِّقْ نَذْرَهْ أَوْ لِكُلَّ الْهَدَايَا الْيِقَدِّمْهُمْ بِنِيّتَهْ، خَلِّي يِشِيلْ مِنْ بَقَرَهْ أَوْ غَنَمَهْ بَهِيمَةْ الْمَا عِنْدَهَا أَيِّ عَيْب وَ مَا مُخَلْقَنَةْ لِلّٰهْ يَرْضَى بَيْهَا.

لاوِيِّين 6:7

وَ رَاجِلْ الدِّينْ يِسَوِّي لَيَّهْ كَفَّارَةْ قِدَّامْ اللّٰهْ وَ هُو يَلْقَى الْغُفْرَانْ، كَنْ ذَنْبَهْ دَا مِثِلْ شُنُو كُلَ.

لاوِيِّين 5:6

وَ فِي شَانْ الذَّنِبْ الْهُو سَوَّاهْ، يِقَدِّمْ ضَحِيَّةْ لِلّٰهْ مِنْ الْغَنَمْ عَنْزَايْ أَوْ غَنَمَايْ ضَحِيَّةْ لِكَفَّارَةْ الْخَطَا. وَ رَاجِلْ الدِّينْ يِسَوِّي لَيَّهْ كَفَّارَةْ لِذَنْبَهْ.

خُروج 28:38

وَ تَقْعُدْ فِي جَبْهَةْ هَارُونْ. وَ بَيْدَا، هُو يُكُونْ الْمَسْؤُولْ مِنْ الْخَطَا الْيِسَوُّوهْ بَنِي إِسْرَائِيلْ وَكِتْ يِقَدُّمُوا هَدَايَاهُمْ الْمُقَدَّسِينْ. الْحَفِيضَةْ دِي تَقْعُدْ دَايْماً فِي جَبْهَةْ هَارُونْ أَشَانْ اللّٰهْ يَرْضَى بَيْهُمْ.

خُروج 29:33

هُمَّنْ يَاكُلُوا هَدَايَا الْكَفَّارَةْ دَوْل وَكِتْ يِدَرُّجُوهُمْ وَ يِخَصُّصُوهُمْ. نَادُمْ آخَرْ كَيْ مَا يَاكُلْ مِنْهُمْ أَشَانْ الْهَدَايَا دَوْل مُقَدَّسِينْ.

لاوِيِّين 4:33

وَ هُو يُخُطّ إِيدَهْ فِي رَاسْ الضَّحِيَّةْ الْيِقَدِّمْهَا لِكَفَّارَةْ الذَّنِبْ وَ يَدْبَحْ الضَّحِيَّةْ لِكَفَّارَةْ الذَّنِبْ دِي فِي الْبَكَانْ الْيَدْبَحَوْا فَوْقَهْ الضَّحَايَا الْمُحَرَّقِينْ.

عَدد 8:10

وَ قَدِّمْ اللَّاوِيِّينْ قِدَّامْ اللّٰهْ. وَ خَلِّي بَنِي إِسْرَائِيلْ يُخُطُّوا إِيدَيْهُمْ فَوْق اللَّاوِيِّينْ.

حِزْقِيال 45:15

وَ مِنْ الْمَرْعَى الْجَمِيلْ هَنَا بَلَدْ إِسْرَائِيلْ، تَنْطُوا خَرُوفْ وَاحِدْ مِنْ أَيِّ دَوْر هَنَا 200 غَنَمْ. «وَ الزَّكَاةْ دِي تَبْقَى هَدَايَا وَ ضَحَايَا مُحَرَّقِينْ وَ ضَحَايَا سَلَامَةْ الْيَبْقَوْا كَفَّارَةْ لِلشَّعَبْ. وَ دَا كَلَامْ اللّٰهْ الرَّبّ.

لاوِيِّين 8:18

وَ مُوسَى جَابْ الْكَبِشْ هَنَا الضَّحِيَّةْ الْمُحَرَّقَةْ وَ هَارُونْ وَ أَوْلَادَهْ خَطَّوْا إِيدَيْهُمْ فِي رَاسْ الْكَبِشْ دَا.