مَراثِي إرْمِيا 5:5 - الكتاب المقدس بالعربي الدارجي هنا تشاد

⁵ وَ الْيِضَايُقُونَا تَعَّبَوْنَا وَ قَاعِدِينْ يِطَارُدُونَا. عِيِينَا وَ جُمَّةْ مَا عِنْدِنَا.

مَراثِي إرْمِيا 5:5 Referenca të Kryqëzuara

مَراثِي إرْمِيا 1:14

هُو ذَاتَهْ شَالْ ذُنُوبِي وَ سَوَّاهُمْ مِثِلْ دَامِي. وَ رَبَطَاهُمْ لَيِّ فِي رَقَبَتِي وَ بَيْدَا، وَدَّرْت قُدُرْتِي. وَ الرَّبّ سَلَّمَانِي لِإِيدْ عُدْوَانِي وَ مَا نَقْدَرْ نُقُمّ مِنْ تِحِتْهُمْ.

إرْمِيا 28:14

أَشَانْ اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ‹أَنَا خَطَّيْت دَامِي هَنَا حَدِيدْ فِي كَتَافَيْ كُلَّ الْأُمَمْ دَوْل لِيَخْدُمُوا لِنَبُوخَدْنَصَرْ مَلِكْ بَابِلْ. وَ سَلَّمْت لَيَّهْ حَيْوَانَاتْ الْكَدَادَةْ كُلَ لِيَقْعُدُوا تِحِتْ سُلْطِتَهْ.›»

إرْمِيا 27:8

«‹”وَ هَسَّعْ، أَيِّ أُمَّةْ أَوْ مَمْلَكَةْ التَّابَى مَا تَخْدِمْ لِنَبُوخَدْنَصَرْ مَلِكْ بَابِلْ وَ لَا تِدَنْقِرْ رَقَبَتْهَا لِتَقَلَةْ دَامِي الْمَلِكْ، أَنَا نِعَاقِبْ الْأُمَّةْ دِي بِالْحَرِبْ وَ بِالْجُوعْ وَ بِالْوَبَاءْ لَحَدِّي نِكَمِّلْهَا مَرَّةْ وَاحِدْ بِإِيدْ الْمَلِكْ. وَ دَا كَلَامْ اللّٰهْ.

تَثْنِية 28:48

إِنْتُو تَبْقَوْا عَبِيدْ. أَيْوَى، تَبْقَوْا عَبِيدْ لِعُدْوَانْكُو الْيِجِيبْهُمْ لَيْكُو اللّٰهْ فِي أُسْط الْجُوعْ وَ الْعَطَشْ وَ الْعِرَيْ وَ مُقَصِّرِينْ مِنْ كُلَّ شَيّءْ. وَ اللّٰهْ يُخُطّ فَوْقكُو دَامِي هَنَا حَدِيدْ فِي رِقَابْكُو لَحَدِّي يِدَمِّرْكُو.

أعمال الرُسُل 15:10

وَ بَيْدَا، مَالَا هَسَّعْ تِخَالُفُوا اللّٰهْ؟ مَالْكُو تِدَوْرُوا تُخُطُّوا فِي التَّلَامِيذ دَوْل تَقَلَةْ مِثِلْ دَامِي فَايِتْ قُدْرَةْ جُدُودْنَا وَ قُدْرِتْنَا أَنِحْنَ كُلَ؟

مَتَّى 11:29

شِيلُوا التَّقَلَةْ النَّنْطِيهَا لَيْكُو وَ أَبْقَوْا تَلَامِيذِي أَشَانْ أَنَا ضَلُولْ وَ حَنُونْ وَ تَلْقَوْا جُمَّةْ لِنُفُوسْكُو.

مَراثِي إرْمِيا 4:19

وَ عُدْوَانَّا بِقَوْا عَجِيلِينْ مِنْ صُقُورَةْ السَّمَاءْ. طَارَدَوْنَا فِي الْجِبَالْ وَ كَرَسَوْا لَيْنَا فِي الْكَدَادَةْ.

إرْمِيا 27:2

وَ دَاهُو اللّٰهْ قَالْ لَيِّ: «أَفْتُلْ لَيْك حُبَالْ وَ أَقْطَعْ لَيْك عُودْ هَنَا دَامِي وَ خُطَّهْ فِي كَتَافَيْك.

إرْمِيا 51:58

وَ دَاهُو اللّٰهْ الْقَادِرْ قَالْ: «دَرَادِرْ بَابِلْ التُّخَانْ يِلْهَدَّمَوْا. وَ بِيبَانْهَا الطُّوَالْ، النَّارْ تَاكُلْهُمْ. الشُّعُوبْ يِعَيُّوا نُفُوسْهُمْ سَاكِتْ وَ الْأُمَمْ يَتْعَبَوْا لِلتَّاكُلَهْ النَّارْ.»

مِيخا 2:3

وَ فِي شَانْ دَا، دَاهُو اللّٰهْ قَالْ: «شِيفُوا، أَنَا نَنْوِي الْفَسَالَةْ لِقَبِيلِتْكُو دِي وَ إِنْتُو مَا تَقْدَرَوْا تِنَجُّوا نُفُوسْكُو. مَا تَقْدَرَوْا تُرُوغُوا رَاسْكُو مَرْفُوعْ أَشَانْ دَا وَكْت الْفَسَالَةْ.»

مَراثِي إرْمِيا 1:3

تِحِتْ التَّعَبْ هَنَا الْغُرْبَةْ، بَلَدْ يَهُوذَا وَدَّوْهَا فِي الْعُبُودِيَّةْ. وَ عَايْشَةْ فِي أُسْط الْأُمَمْ بَلَا رَاحَةْ وَ عُدْوَانْهَا الطَّارَدَوْهَا فِي الدَّرِبْ الضَّيِّقْ زَرَّوْهَا.