مَراثِي إرْمِيا 4:6 - الكتاب المقدس بالعربي الدارجي هنا تشاد

⁶ وَ خَطَا أُمَّتِي الْمِثِلْ بِنْت أَمِّي أَكْبَرْ مِنْ ذُنُوبْ مَدِينَةْ سَدُومْ الطَّوَّالِي أَدَّمَّرَتْ وَ مَا لِقَتْ فَزَعْ.

مَراثِي إرْمِيا 4:6 Referenca të Kryqëzuara

تكوين 19:25

وَ اللّٰهْ دَمَّرْ الْمُدُنْ دَوْل وَ كُلَّ الْمَنْطَقَةْ وَ الْحِلَّالْ وَ سُكَّانْهُمْ وَ كُلَّ نَبَاتَاتْ الْأَرْض.

لُوقا 10:12

نُقُولْ لَيْكُو الْعَذَابْ الْيَجِي فَوْق نَاسْ الْحِلَّةْ دِي فِي يَوْم الْحِسَابْ يَبْقَى زِيَادَةْ مِنْ الْعَذَابْ الْيَجِي فَوْق نَاسْ حِلَّةْ سَدُومْ.»

لُوقا 12:47

«وَ الْعَبِدْ الْعِرِفْ الشَّيّءْ السِّيدَهْ يِدَوْرَهْ وَ مَا جَاهِزْ لِجَيْتَهْ وَ مَا سَوَّى الشَّيّءْ السِّيدَهْ يِدَوْرَهْ، الْعَبِدْ دَا يَفُرْشُوهْ فَرِشْ شَدِيدْ.

مَتَّى 24:21

فِي الْوَكِتْ دَاكْ، التَّعَبْ يَبْقَى شَدِيدْ بِلْحَيْن. وَ مَا فِي تَعَبْ مِثْلَهْ مِنْ اللّٰهْ خَلَقْ الدُّنْيَا لَحَدِّي الْيَوْم. وَ تَعَبْ شَدِيدْ مِثِلْ دَا أَبَداً مَا يُكُونْ بَتَّانْ.

دَنْيال 9:12

«وَ إِنْتَ حَقَّقْت كَلَامَكْ الْقُلْتَهْ فَوْقنَا أَنِحْنَ وَ كُبَارَاتْنَا وَ نَزَّلْت فَوْقنَا مَصِيبَةْ كَبِيرَةْ. وَ الْمَصِيبَةْ النَّزَلَتْ فِي مَدِينَةْ الْقُدُسْ دِي أَبَداً مَا كَانَتْ مِثِلْهَا فِي الدُّنْيَا.

مَراثِي إرْمِيا 4:9

أَخَيْر تُمُوتْ بِالْسَّيْف مِنْ تُمُوتْ بِالْجُوعْ وَلَّا تَبْطُلْ بِبِشَيْش بِشَيْش مِنْ قِلَّةْ الْمَعَاشْ.

تكوين 19:24

وَ فِي الْوَكِتْ دَا، اللّٰهْ نَزَّلْ مِنْ السَّمَاءْ كِبْرِيتْ وَ مَطَرَةْ هَنَا نَارْ شَدِيدَةْ فِي سَدُومْ وَ عَمُورَةْ.

إرْمِيا 20:16

وَ النَّادُمْ دَا، خَلِّي يَبْقَى مِثِلْ الْمُدُنْ الدَّمَّرَاهُمْ اللّٰهْ بَلَا مَحَنَّةْ. وَ خَلِّي يِنْسَمِعْ فِي بَيْت النَّادُمْ دَا كُرَوْرَاكْ الْفَزَعْ بِفَجُرْ وَ بِقَايْلَةْ، صِرَاخْ الْحَرِبْ.

إشَعْيا 24:2

وَ مِنْ شِدَّةْ التَّعَبْ، رَاجِلْ الدِّينْ يَبْقَى مِثِلْ وَاحِدْ مِنْ الشَّعَبْ وَ السِّيدْ يَبْقَى مِثِلْ عَبْدَهْ وَ السِّتّ يَبْقَى مِثِلْ خَادِمْهَا وَ الْبَايِعْ يَبْقَى مِثِلْ الْمُشْتَرِي وَ الْيِعَتِّلْ يَبْقَى مِثِلْ الْيِعَتُّلُوهْ وَ الْيِدَيِّنْ يَبْقَى مِثِلْ الْيِدَيُّنُوهْ.

إرْمِيا 23:14

وَ لَاكِنْ فِي أَنْبِيَاء مَدِينَةْ الْقُدُسْ، أَنَا شِفْت شَيّءْ مُحَرَّمْ زِيَادَةْ. هُمَّنْ قَاعِدِينْ يِسَوُّوا الزِّنَى وَ حَيَاتْهُمْ كُلَّهَا غَشّ. وَ يِشَجُّعُوا النَّاسْ الْيِسَوُّوا الْفَسَالَةْ أَشَانْ وَاحِدْ مِنْهُمْ كُلَ مَا يِقَبِّلْ مِنْ فَسَالْتَهْ. وَ كُلُّهُمْ نِشِيفْهُمْ مِثِلْ نَاسْ سَدُومْ الْفَسْلِينْ. وَ سُكَّانْ مَدِينَةْ الْقُدُسْ نِشِيفْهُمْ مِثِلْ نَاسْ عَمُورَةْ الْهَوَانِينْ.

دَنْيال 8:25

وَ بِنَجَاضْتَهْ، يَنْجَحْ وَ بِكِدْبَهْ، يِسْتَكْبَرْ زِيَادَةْ وَ يِدَمِّرْ نَاسْ كَتِيرِينْ الْعَايْشِينْ فِي السَّلَامَةْ. وَ يُقُمّ ضِدّ سُلْطَانْ السَّلَاطِينْ. وَ يِدَّمَّرْ بَلَا مَا لِمْسَتَهْ إِيدْ.