مَراثِي إرْمِيا 2:7 - الكتاب المقدس بالعربي الدارجي هنا تشاد

⁷ وَ الرَّبّ أَبَى الْمَدْبَحْ وَ لِبَكَانَهْ الْمُقَدَّسْ، خَلَّاهْ. وَ سَلَّمْ دَرَادِرْ بُيُوتْ الْقَوِيِّينْ هَنَا الْمَدِينَةْ فِي إِيدْ الْعَدُو. وَ أَنْسَمَعَتْ حَرَكَةْ شَدِيدَةْ فِي بَيْت اللّٰهْ مِثِلْ الْحَرَكَةْ الشَّدِيدَةْ هَنَا يَوْم الْعِيدْ.

مَراثِي إرْمِيا 2:7 Referenca të Kryqëzuara

حِزْقِيال 24:21

‹قُولْ لِبَنِي إِسْرَائِيلْ: دَاهُو اللّٰهْ الرَّبّ قَالْ: ”أَكِيدْ أَنَا مَا نَجْعَلْ بَيْتِي مُقَدَّسْ. وَ دَا بَسْ الْبَيْت التِّسْتَكْبَرَوْا بَيَّهْ الْبِقِي فَرَحْ قُلُوبْكُو وَ عَشَمْكُو فِي الْحَيَاةْ. وَ أَوْلَادْكُو وَ بَنَاتْكُو الْخَلَّيْتُوهُمْ وَرَاكُو فِي مَدِينَةْ الْقُدُسْ يُمُوتُوا فِي الْحَرِبْ.

عَمُوس 2:5

وَ فِي شَانْ دَا، أَنَا نِنَزِّلْ نَارْ فِي بَلَدْ يَهُوذَا التَّاكُلْ كُلَّ قُصُورْ مَدِينَةْ الْقُدُسْ.»

إرْمِيا 52:13

وَ هُو تَشَّ بَيْت اللّٰهْ وَ قَصِرْ الْمَلِكْ وَ كُلَّ بُيُوتْ مَدِينَةْ الْقُدُسْ. وَ كُلَّ بُيُوتْ الْمَسَائِيلْ، هُو حَرَّقَاهُمْ بِنَارْ.

مَتَّى 24:2

وَ عِيسَى قَالْ لَيْهُمْ: «شِفْتُوا كُلَّ الْبُيُوتْ دَوْل؟ نُقُولْ لَيْكُو الْحَقّ، مَا يِخَلُّوا حَجَرْ يَقْعُدْ فَوْق حَجَرْ. يَرْمُوهُمْ كُلُّهُمْ!»

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

حِزْقِيال 7:24

وَ نِجِيبْ أَفْسَلْ أُمَمْ أَشَانْ يِشِيلُوا بُيُوتْهُمْ. وَ نِوَقِّفْ إِسْتِكْبَارْ الْقَوِيِّينْ وَ بَكَانَاتْهُمْ هَنَا الْعِبَادَةْ يِنَّجَّسَوْا.

مَراثِي إرْمِيا 2:5

الرَّبّ بِقِي مِثِلْ عَدُو دَمَّرْ إِسْرَائِيلْ وَ دَمَّرْ كُلَّ دَرَادِرْهَا وَ خَرَبْ بُيُوتْهَا الْقَوِيِّينْ. وَ فِي بَلَدْ يَهُوذَا الْمِثِلْ بِنَيَّةْ، كَتَّرْ الْحِزِنْ وَ النُّوَاحْ.

مَراثِي إرْمِيا 2:1

يَا السَّلَامْ! فِي غَضَبَهْ، الرَّبّ غَطَّى بِالضَّلَامْ مَدِينَةْ صَهْيُون الْمِثِلْ بِنَيَّةْ. مِنْ السَّمَاءْ، رَمَى مَجْد إِسْرَائِيلْ فِي الْأَرْض وَ فِي يَوْم غَضَبَهْ، مَا فَكَّرْ فِي بَيْتَهْ الْمُقَدَّسْ.

إرْمِيا 39:8

وَ الْبَابِلِيِّينْ قَمَّوْا حَرَّقَوْا قَصِرْ الْمَلِكْ وَ بُيُوتْ الشَّعَبْ فِي مَدِينَةْ الْقُدُسْ وَ رَمَوْا دُرْدُرْهَا.

إرْمِيا 32:29

وَ الْبَابِلِيِّينْ الْيِحَاصُرُوا الْمَدِينَةْ دِي يَدْخُلُوا فَوْقهَا وَ يُتُشُّوهَا. وَ يُتُشُّوا الْبُيُوتْ الْفِي رَاسْهُمْ حَرَّقَوْا بَخُورْ لِإِلٰـهْ بَعَلْ وَ قَدَّمَوْا هَدَايَا شَرَابْ لِإِلٰـهَاتْ آخَرِينْ وَ دَا غَضَّبَوْنِي أَنَا.

إرْمِيا 26:18

«فِي أَيَّامْ حُكُمْ حِزْقِيَّا مَلِكْ يَهُوذَا، مِيخَا الْمِنْ حِلَّةْ مُورَشَتْ أَتْنَبَّأْ وَ قَالْ لِكُلَّ شَعَبْ يَهُوذَا: ‹دَاهُو اللّٰهْ الْقَادِرْ قَالْ: ”صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.“›»

إرْمِيا 26:6

وَ كَنْ مَا تَسْمَعَوْنِي، خَلَاصْ أَنَا نِدَمِّرْ الْبَيْت دَا، مِثِلْ دَمَّرْت مَسْكَنِي الْأَوَّلْ قَاعِدْ فِي شِيلَوْه. وَ نَلْعَنْ مَدِينَةْ الْقُدُسْ وَ هِي تَبْقَى مَثَلْ لِكُلَّ أُمَمْ الْأَرْض.“›»

2 أخبار 36:19

وَ حَرَّقَوْا بَيْت اللّٰهْ وَ هَدَّمَوْا دُرْدُرْ مَدِينَةْ الْقُدُسْ وَ تَشَّوْا كُلَّ قُصُورْهَا وَ دَمَّرَوْا كُلَّ الْخُمَامْ الْغَالِيِّينْ.

لاوِيِّين 26:44

«وَ فِي شَانْ دَا وَكِتْ يُكُونُوا فِي بَلَدْ عُدْوَانْهُمْ، أَنَا مَا نَابَاهُمْ وَ لَا نَكْرَهُّمْ لَحَدِّي نِكَمِّلْهُمْ وَ نَقْطَعْ مُعَاهَدَتِي مَعَاهُمْ أَشَانْ أَنَا اللّٰهْ إِلٰـهُّمْ.

لاوِيِّين 26:31

وَ نِسَوِّي مُدُنْكُو خَرَابْ وَ بَكَانَاتْ الْمُقَدَّسِينْ فَاضِيِينْ وَ مَا نُشُمّ الرِّيحَةْ التِّحَرُّقُوهَا لِرِضَايِ.

زَبُور 89:39

وَ إِنْتَ نَقَضْت الْمُعَاهَدَةْ مَعَ عَبْدَكْ وَ رَمَيْت تَاجَهْ فِي التُّرَابْ.

إرْمِيا 21:4

‹دَاهُو اللّٰهْ إِلٰـهْ بَنِي إِسْرَائِيلْ قَالْ: ”نِقَبِّلْ فَوْقكُو سِلَاحْكُو الْقَاعِدِينْ تِحَارُبُوا بَيَّهْ مَلِكْ بَابِلْ وَ عَسْكَرَهْ الْقَاعِدِينْ يِحَاصُرُوا مَدِينِتْكُو. وَ أَنَا نِجِيبْهُمْ فِي أُسْط الْمَدِينَةْ.

إرْمِيا 50:28

أَسْمَعَوْا كُرَوْرَاكْ الْمُعَرِّدِينْ وَ الْجَارِيِينْ مِنْ بَلَدْ بَابِلْ. فِي صَهْيُون يِبَلُّغُوا وَ يُقُولُوا: «اللّٰهْ إِلٰـهْنَا شَالْ التَّارْ، شَالْ التَّارْ لِبَيْتَهْ الْمُقَدَّسْ الدَّمَّرَوْه!»

مَراثِي إرْمِيا 1:4

وَ شَوَارِعْ صَهْيُون حِزْنَوْا وَ مَا فِي نَاسْ مَاشِينْ لِلْعِيدْ وَ كُلَّ بِيبَانْ الْمَدِينَةْ دَفَّقَوْا. وَ رُجَالْ الدِّينْ هِنَيْهَا يَقُنْتُوا وَ بَنَاتْهَا الْعُدْرِيَّاتْ حَزْنَانَاتْ وَ مَدِينَةْ صَهْيُون قَاعِدَةْ فِي الْمُرّ.

2 مُلوك 25:9

وَ هُو تَشَّ بَيْت اللّٰهْ وَ قَصِرْ الْمَلِكْ وَ كُلَّ بُيُوتْ مَدِينَةْ الْقُدُسْ. وَ كُلَّ بُيُوتْ الْمَسَائِيلْ، هُو حَرَّقَاهُمْ بِنَارْ.

إشَعْيا 64:9

يَا اللّٰهْ! مَا تَغْضَبْ فَوْقنَا! مَا تِذَّكَّرْ دَايْماً فِي خَطَانَا! شِيفْ! أَنِحْنَ كُلِّنَا شَعَبَكْ.

إرْمِيا 4:26

أَنَا شِفْت. دَاهُو الْبَلَدْ الْخَضْرَةْ بِقَتْ صَحَرَاء وَ كُلَّ الْمُدُنْ أَلْهَدَّمَوْا وَ دَا مِنْ غَضَبْ اللّٰهْ الْمُحْرِقْ.

إرْمِيا 4:27

وَ دَاهُو اللّٰهْ قَالْ: «كُلَّ الْأَرْض تَخْرَبْ وَ لَاكِنْ بَيْدَا كُلَ، أَنَا مَا نِدَمِّرْهَا مَرَّةْ وَاحِدْ.