مَراثِي إرْمِيا 2:6 - الكتاب المقدس بالعربي الدارجي هنا تشاد

⁶ هُو خَرَبْ زَرِيبْتَهْ مِثِلْ زَرِيبَةْ هَنَا جِنَيْنَةْ وَ اللّٰهْ دَمَّرْ بَكَانَهْ هَنَا الْمَلَمَّةْ. وَ فِي صَهْيُون، هُو نَسَّاهُمْ يَوْم الْعِيدْ وَ يَوْم السَّبْت. وَ مِنْ شِدَّةْ غَضَبَهْ، هُو أَبَاهُمْ لِلْمُلُوكْ وَ رُجَالْ الدِّينْ.

مَراثِي إرْمِيا 2:6 Referenca të Kryqëzuara

صَفَنْيا 3:18

وَ اللّٰهْ قَالْ: «يَا شَعَبِي، أَنَا نِلِمّ النَّاسْ الْمَا قِدْرَوْا عَيَّدَوْا مَعَاكُو وَ الْبَعِيدِينْ مِنْكُو وَ نَمْرُقْ عَيْبهُمْ الْبِقِي لَيْهُمْ تَقِيلْ.

مَراثِي إرْمِيا 1:4

وَ شَوَارِعْ صَهْيُون حِزْنَوْا وَ مَا فِي نَاسْ مَاشِينْ لِلْعِيدْ وَ كُلَّ بِيبَانْ الْمَدِينَةْ دَفَّقَوْا. وَ رُجَالْ الدِّينْ هِنَيْهَا يَقُنْتُوا وَ بَنَاتْهَا الْعُدْرِيَّاتْ حَزْنَانَاتْ وَ مَدِينَةْ صَهْيُون قَاعِدَةْ فِي الْمُرّ.

مَراثِي إرْمِيا 4:16

اللّٰهْ مَا يِدَوْر يِشِيفْهُمْ. هُو بَانْ لَيْهُمْ وَ شَتَّتَاهُمْ. وَ الشَّعَبْ كُلَ مَا أَحْتَرَمَوْا رُجَالْ الدِّينْ وَ مَا كَرَّمَوْا الشُّيُوخْ.

مَلاخِـي 2:9

وَ خَلَاصْ، أَنَا كُلَ نِسَوِّيكُو مَحْقُورِينْ وَ مَكْرُوهِينْ قِدَّامْ كُلَّ الشَّعَبْ أَشَانْ إِنْتُو مَا تِتَابُعُوا دَرْبِي وَ تِدَنْقُسُوا الشَّرِيعَةْ.»

حِزْقِيال 17:18

الْمَلِكْ دَا قَطَعْ حَلِيفْتَهْ وَ نَقَضْ مُعَاهَدَتَهْ الْهُو مَضَى فَوْقهَا وَ سَوَّى كُلَّ الشَّيّءْ دَا. وَ بَيْدَا، هُو مَا يَنْجَى.›»

مَراثِي إرْمِيا 5:12

وَ هُمَّنْ عَلَّقَوْا مَسَائِيلْنَا مِنْ إِيدَيْهُمْ وَ مَا أَحْتَرَمَوْا الشُّيُوخْ.

مَراثِي إرْمِيا 4:20

الْمَلِكْ الْاللّٰهْ مَسَحَهْ وَ دَرَّجَهْ، هُو مِثِلْ رُوحْنَا وَ قُلْنَا نِعِيشُوا تِحْتَهْ مَعَ الْأُمَمْ. وَ لَاكِنْ الْعَدُو رَمَاهْ فِي الشَّرَكْ وَ كَرَبَهْ.

إشَعْيا 64:11

بَيْتنَا الْمُقَدَّسْ الْجَمِيلْ الْفَوْقَهْ جُدُودْنَا شَكَرَوْك، بِقِي لُقْمَةْ الْأَكَلَتْهَا النَّارْ وَ كُلَّ شَيّءْ غَالِي الْعِنْدِنَا أَدَّمَّرْ!

إشَعْيا 63:18

وَ شَعَبَكْ الْمُخَصَّصْ شَالَوْا الْبَلَدْ دِي لِمُدَّةْ قِصَيْرَةْ بَسْ. وَ بَعَدْ دَا، خُصْمَانَّا جَوْا وَ فَجَّقَوْا بَيْتَكْ الْمُقَدَّسْ.

إشَعْيا 43:28

وَ أَنَا مَا شَرَّفْت كُبَارَاتَكْ هَنَا الْبَكَانْ الْمُقَدَّسْ وَ يَعْقُوبْ، خَصَّصْتَكْ لِلدَّمَارْ وَ إِسْرَائِيلْ، عَاقَبْتَكْ بِالْمُعْيَارْ.»

إشَعْيا 5:5

«وَ هَسَّعْ نِأَوْرِيكُو النِّسَوِّيهْ لِجِنَيْنِتِي. أَنَا نَمْرُقْ الزَّرِيبَةْ وَ الْبَهَايِمْ يَاكُلُوهَا وَ نِقِدّ خُرْمَةْ فِي الدُّرْدُرْ لِيَدْخُلُوا يِفَجُّقُوهَا.

إشَعْيا 1:13

وَقُّفُوا مَا تِجِيبُوا لَيِّ بَتَّانْ ضَحَايَاكُو الْمَكْرُوهِينْ وَ بَخُورْكُو دَا مُحَرَّمْ لَيِّ! وَقُّفُوا ضَحَايَاكُو هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ مَلَمَّاتْكُو أَشَانْ أَنَا مَا نَقْبَلْ الْفَسَالَةْ فِي مَلَمَّاتْكُو الْخَاصِّينْ.

إشَعْيا 1:8

مَدِينَةْ صَهْيُون الْمِثِلْ بِنَيَّةْ، أَبَوْهَا وَ بِقَتْ مِثِلْ لِقْدَابَةْ فِي جِنَيْنَةْ عِنَبْ بَعَدْ الْقَطِعْ. أَبَوْهَا مِثِلْ عِلِّيَّةْ فِي أُسُطْ زَرَعْ الْفَقُّوسْ وَ مِثِلْ حِلَّةْ مُحَاصَرَةْ.

زَبُور 89:40

إِنْتَ سَوَّيْت خُرَمْ فِي كُلَّ زَرَايِبَهْ وَ دَمَّرْت مُدُنَهْ الْقَوِيِّينْ.

زَبُور 80:12

مَالَا سَوَّيْت خُرَمْ كَتِيرِينْ فِي زَرِيبِتْهَا الْبَيْهُمْ النَّاسْ الْفَايْتِينْ يَقْطَعَوْا الْعِنَبْ؟

زَبُور 76:2

وَ خَيْمِتَهْ فِي أُورُشَلِيمْ وَ مَسْكَنَهْ فِي صَهْيُون.

إرْمِيا 17:27

«‹”وَ لَاكِنْ كَنْ مَا تَسْمَعَوْا كَلَامِي وَ مَا تَجْعَلَوْا يَوْم السَّبْت يَوْم مُقَدَّسْ وَ كَنْ تِشِيلُوا التَّقَلَةْ وَ تُفُوتُوا بَيْهَا بِبِيبَانْ مَدِينَةْ الْقُدُسْ فِي يَوْم السَّبْت دَا، خَلَاصْ أَنَا نِقَبِّضْ نَارْ فِي بِيبَانْ مَدِينَةْ الْقُدُسْ التَّاكُلْ كُلَّ بُيُوتْهَا السَّمْحِينْ وَ مَا تُمُوتْ أَبَداً.“›»

إرْمِيا 50:28

أَسْمَعَوْا كُرَوْرَاكْ الْمُعَرِّدِينْ وَ الْجَارِيِينْ مِنْ بَلَدْ بَابِلْ. فِي صَهْيُون يِبَلُّغُوا وَ يُقُولُوا: «اللّٰهْ إِلٰـهْنَا شَالْ التَّارْ، شَالْ التَّارْ لِبَيْتَهْ الْمُقَدَّسْ الدَّمَّرَوْه!»

لاوِيِّين 26:31

وَ نِسَوِّي مُدُنْكُو خَرَابْ وَ بَكَانَاتْ الْمُقَدَّسِينْ فَاضِيِينْ وَ مَا نُشُمّ الرِّيحَةْ التِّحَرُّقُوهَا لِرِضَايِ.

زَبُور 74:7

وَ دَسَّوْا نَارْ فِي بَيْتَكْ الْمُقَدَّسْ. أَيْوَى، الْبَكَانْ الْخَطَّيْت فَوْقَهْ أُسْمَكْ، رَمَوْه وَ مَا جَعَلَوْه مُقَدَّسْ.

إشَعْيا 5:6

الْجِنَيْنَةْ دِي، أَنَا نَخْرِبْهَا وَ لَا نِعَدِّلْهَا وَ لَا نِجَنْكِبْهَا وَ الشَّوْك وَ أَنْدِرَيْسَةْ يُقُمُّوا فَوْقهَا. وَ نَنْطِي أَمُرْ لِلسَّحَابْ مَا يِنَزِّلْ الْمَطَرَةْ فَوْقهَا.»

إرْمِيا 42:18

أَشَانْ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ‹مِثِلْ أَنَا نَزَّلْت غَضَبِي وَ زَعَلِي فِي سُكَّانْ مَدِينَةْ الْقُدُسْ، دَاهُو أَنَا نِنَزِّلْ غَضَبِي فَوْقكُو إِنْتُو كُلَ وَكِتْ تَدْخُلُوا فِي بَلَدْ مَصِرْ. وَ إِنْتُو تَبْقَوْا مَلْعُونِينْ وَ مُخِيفِينْ وَ نَاسْ يَلْعَنَوْكُو وَ يِعَيُّبُوكُو وَ بَتَّانْ بَلَدْكُو مَا تِشِيفُوهَا.›»

إرْمِيا 45:4

«دَاهُو كَلَامْ اللّٰهْ الْحَجَّاهْ لَيِّ لِنُقُولَهْ لَيْك. هُو قَالْ: ‹أَنَا نَخْرِبْ الْبَنَيْتَهْ وَ نَمْرُقْ الثَّبَّتَّهْ. وَ دَا نِسَوِّيهْ فِي كُلَّ الْأَرْض.