مَراثِي إرْمِيا 2:11 - الكتاب المقدس بالعربي الدارجي هنا تشاد

¹¹ وَ عُيُونِي دُمُوعْهُمْ كَمَّلَوْا وَ بُطُونِي حِرْقَوْا وَ قُدُرْتِي بِقَتْ مَا فِيهَا بِسَبَبْ الدَّمَارْ اللِّحِقْ أُمَّتِي الْمِثِلْ بِنْت أَمِّي. وَكِتْ الْأَطْفَالْ وَ الْعِيَالْ الدُّقَاقْ قَاعِدِينْ يَغْمَرَوْا فِي شَوَارِعْ الْمَدِينَةْ،

مَراثِي إرْمِيا 2:11 Referenca të Kryqëzuara

مَراثِي إرْمِيا 1:20

يَا اللّٰهْ، شِيفْ الضِّيقَةْ الْفَوْقِي! نَفْسِي مُبَرْجَلَةْ وَ قَلْبِي مُنْجَرِحْ أَشَانْ أَنَا عِصِيتَكْ عِصْيَانْ شَدِيدْ. كَنْ مَرَقْت فِي الشَّارِعْ، الْمَوْت يِلَاقِينِي وَ كَنْ قَعَدْت فِي الْبَيْت، السَّيْف يَقْطَعْ رَقَبَتِي.

مَراثِي إرْمِيا 1:16

وَ فِي شَانْ دَا، أَنَا بَكَيْت وَ دُمُوعِي جَرَوْا وُدْيَانْ أَشَانْ الْيِصَبِّرْنِي وَ الْيِحَيِّينِي بِقِي بَعِيدْ مِنِّي. وَ عِيَالِي هِلْكَوْا أَشَانْ الْعَدُو أَنَّصَرْ فَوْقِي.»

أيُّوب 16:13

وَ نَشَاشِيبَهْ لِحْقَوْنِي. هُو طَعَنِّي فِي نَايْطِي بَلَا مَحَنَّةْ وَ دَفَّقْ أَمْ مَرَّارْتِي فِي التُّرَابْ.

إرْمِيا 4:19

وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إشَعْيا 22:4

وَ فِي شَانْ دَا، أَنَا قُلْت: «مَا تِشِيفُونِي! خَلُّونِي نَبْكِي بِحُرْقَةْ. وَ مَا تِحَاوُلُوا تِحَنُّسُونِي أَشَانْ أُمَّتِي الْمِثِلْ بِنْت أَمِّي أَدَّمَّرَتْ.»

زَبُور 22:14

أَنَا أَنْقَطَعْت مِثِلْ أَلْمِي وَ عُضَامِي مَاعَوْا وَ قَلْبِي كُلَ مَاعْ مِثِلْ الشَّمْعَةْ فِي دَاخِلِي.

زَبُور 6:7

وَ عُيُونِي ضِعْفَوْا مِنْ الْحِزِنْ وَ بِسَبَبْ كُلَّ الْيِضَايُقُونِي.

لُوقا 23:29

أَبْكَنْ أَشَانْ وَكِتْ وَاحِدْ يَجِي وَ فِي الْوَكِتْ دَا، يُقُولُوا: ‹مَبْرُوكْ لِعَوِينْ الْعَاقِرَاتْ وَ الْمَا وِلْدَنْ عِيَالْ وَ أَبَداً مَا رَضَّعَنْ صَغِيرْ.›

إرْمِيا 44:7

دَاهُو اللّٰهْ الْإِلٰـهْ الْقَادِرْ إِلٰـهْ بَنِي إِسْرَائِيلْ قَالْ: «مَالَا تِسَوُّوا لِنُفُوسْكُو فَسَالَةْ كَبِيرَةْ مِثِلْ دِي؟ وَ مَالَا تِدَوْرُوا تِدَمُّرُوا الرُّجَالْ وَ الْعَوِينْ وَ الْعِيَالْ وَ الْأَطْفَالْ؟ وَ بِمِثِلْ دَا، وَاحِدْ كُلَ مِنْ بَنِي يَهُوذَا مَا يِفَضِّلْ لَيْكُو.

إرْمِيا 14:17

وَ اللّٰهْ أَمَرْ إِرْمِيَا يِكَلِّمْ لِلشَّعَبْ. «دُمُوعِي يِسِيلُوا لَيْل وَ نَهَارْ وَ مَا يَقِيفُوا. أَشَانْ دَمَارْ كَبِيرْ جَاءْ لِأُمَّتِي الْمِثِلْ بِنْت أَمِّي الْعُدْرِيَّةْ وَ دَمَارْهَا مِثِلْ الْجِرَاحْ الْمَا بِدَّاوَى.

إرْمِيا 8:19

دَاهُو قَاعِدْ نَسْمَعْ أُمَّتِي الْمِثِلْ بِنْت أَمِّي قَاعِدَةْ تِكَوْرِكْ لِلْفَزَعْ فِي كُلَّ الْبَلَدْ. وَ هِي تُقُولْ: «اللّٰهْ مَا قَاعِدْ فِي صَهْيُون وَلَّا؟ وَ صَهْيُون مَا عِنْدَهَا مَلِكْ وَلَّا؟» وَ اللّٰهْ قَالْ: «هُمَّنْ غَضَّبَوْنِي بِأَصْنَامْهُمْ وَ بِإِلٰـهَاتْهُمْ الْأَجْنَبِيِّينْ الزَّايْلِينْ.»

زَبُور 69:3

أَنَا عِيِيتْ مِنْ الْمُنَادَاةْ وَ حَلْقُومِي يِبِسْ. وَ عُيُونِي ضِعْفَوْا وَكِتْ نَرْجَى إِلٰـهِي.

زَبُور 31:9

حِنّ فَوْقِي، يَا اللّٰهْ، أَشَانْ أَنَا فِي الضِّيقَةْ، الْحِزِنْ ضَعَّفْ عُيُونِي وَ نَفْسِي وَ جِسْمِي.

1 صَمُوِيل 30:4

وَ دَاوُدْ وَ نَاسَهْ بَكَوْا بَكِي شَدِيدْ لَحَدِّي عِيَوْا مِنْ الْبَكِي.

إشَعْيا 38:14

وَ مِثِلْ أَبُنْ جَرَارِي، أَنَا نَبْكِي وَ مِثِلْ قِمْرِيَّةْ، أَنَا نِزَقِّي. وَ عُيُونِي ضِعْفَوْا وَ يِصَنْقُعُوا عَلَيْك. يَا رَبّ، أَضَّايَقْت! قُمّ وَ أَضْمَنِّي!

أيُّوب 30:27

وَ بُطُونِي حِرْقَوْا أَيِّ وَكِتْ وَ أَنَا وَاجَهْت أَيَّامْ التَّعَبْ.

زَبُور 38:8

أَنَا عِيِيتْ وَ قُدُرْتِي كَمَّلَتْ وَ نَقْنِتْ مِنْ ضَرَبَانْ قَلْبِي.

زَبُور 119:82

عُيُونِي عِيَوْا مِنْ فَتِّشِينْ كَلَامَكْ وَ أَنَا قُلْت: «مَتَى تِصَبِّرْنِي؟»

مَراثِي إرْمِيا 5:17

وَ فِي شَانْ دَا بَسْ، قُلُوبْنَا وَجَعَوْنَا وَ عُيُونَّا مَا بِشِيفُوا عَدِيلْ.

إشَعْيا 51:20

وَ عِيَالْكِ مَا عِنْدُهُمْ قُدْرَةْ وَ مُدَفِّقِينْ فِي كُلَّ مَشْبَكْ الشَّوَارِعْ مِثِلْ تَيْتَلْ الْوَقَعَتْ فِي الشَّرَكْ. وَ غَضَبْ اللّٰهْ لِحِقْهُمْ زِيَادَةْ أَيْوَى، تَهْدِيدْ إِلٰـهْكِ.

مَراثِي إرْمِيا 1:11

وَ كُلَّ شَعَبْهَا قَاعِدِينْ يَقُنْتُوا وَكِتْ يِفَتُّشُوا الْأَكِلْ. وَ يِبَدُّلُوا كُلَّ زِينَةْ بُيُوتْهُمْ الْيَفْرَحَوْا بَيْهَا بِأَكِلْ أَشَانْ يِعِيشُوا. وَ صَهْيُون قَالَتْ: «يَا اللّٰهْ! أَسْمَعْ وَ شِيفْ كِكَّيْف أَنَا مَحْقُورَةْ.