مَراثِي إرْمِيا 1:6 - الكتاب المقدس بالعربي الدارجي هنا تشاد

⁶ وَ مَدِينَةْ صَهْيُون الْمِثِلْ بِنَيَّةْ وَدَّرَتْ كُلَّ شَرَفْهَا. وَ دَاهُو كُبَارَاتْهَا بِقَوْا مِثِلْ تَيْتَلْ الْمَا لِقَوْا بَكَانْ مَرْعَاهُمْ وَ عَرَّدَوْا بَلَا قُدْرَةْ قِدَّامْ طَرَّادِينْهُمْ.

مَراثِي إرْمِيا 1:6 Referenca të Kryqëzuara

حِزْقِيال 24:25

«أَسْمَعْ، يَا إِبْن آدَمْ. فِي الْيَوْم دَا، أَنَا نِشِيلْ مِنْهُمْ بَيْتِي الْمُقَدَّسْ الْهُو مَلْجَئْهُمْ الْهُمَّنْ فَرْحَانِينْ بِعَظَمَتَهْ وَ هُو فَرَحْ قُلُوبْهُمْ وَ عَشَمْهُمْ فِي الْحَيَاةْ. وَ نِشِيلْ أَوْلَادْهُمْ وَ بَنَاتْهُمْ كُلَ.

حِزْقِيال 24:21

‹قُولْ لِبَنِي إِسْرَائِيلْ: دَاهُو اللّٰهْ الرَّبّ قَالْ: ”أَكِيدْ أَنَا مَا نَجْعَلْ بَيْتِي مُقَدَّسْ. وَ دَا بَسْ الْبَيْت التِّسْتَكْبَرَوْا بَيَّهْ الْبِقِي فَرَحْ قُلُوبْكُو وَ عَشَمْكُو فِي الْحَيَاةْ. وَ أَوْلَادْكُو وَ بَنَاتْكُو الْخَلَّيْتُوهُمْ وَرَاكُو فِي مَدِينَةْ الْقُدُسْ يُمُوتُوا فِي الْحَرِبْ.

إرْمِيا 52:13

وَ هُو تَشَّ بَيْت اللّٰهْ وَ قَصِرْ الْمَلِكْ وَ كُلَّ بُيُوتْ مَدِينَةْ الْقُدُسْ. وَ كُلَّ بُيُوتْ الْمَسَائِيلْ، هُو حَرَّقَاهُمْ بِنَارْ.

إرْمِيا 52:11

وَ بَعَدْ دَا، مَلِكْ بَابِلْ قَدَّدْ عُيُونْ صِدْقِيَّا وَ جَنْزَرَهْ بِجِنْزِيرْ هَنَا نَحَاسْ مَطْبُوقْ وَ وَدَّاهْ فِي بَابِلْ. وَ خَطَّاهْ فِي السِّجِنْ لَحَدِّي مَوْتَهْ.

إرْمِيا 48:41

حِلَّةْ قَرْيُوتْ يِشِيلُوهَا وَ بَكَانَاتْهَا الْقَوِيِّينْ يَكُرْبُوهُمْ. وَ فِي الْيَوْم دَا، قَلِبْ عَسْكَرْ مُوَابْ يَبْقَى مِثِلْ قَلِبْ الْمَرَةْ الْقَاعِدَةْ تِطَالِقْ.

إرْمِيا 47:3

وَ مِنْ يَسْمَعَوْا شِدَّةْ حَرَكَةْ رِجْلَيْ الْخَيْل وَ حَرَكَةْ عَرَبَاتْهُمْ هَنَا حَرِبْ وَ عَجَلَاتْهُمْ، الْأَبَّهَاتْ يِعَرُّدُوا يِخَلُّوا عِيَالْهُمْ وَ دَا مِنْ شِدَّةْ الْخَوْف.

إرْمِيا 29:4

دَاهُو كَلَامْ اللّٰهْ الْقَادِرْ إِلٰـهْ بَنِي إِسْرَائِيلْ لِكُلَّ النَّاسْ الْفِي الْغُرْبَةْ وَ دَوْل النَّاسْ الْاللّٰهْ وَدَّاهُمْ فِي الْغُرْبَةْ مِنْ مَدِينَةْ الْقُدُسْ لِبَابِلْ.

إرْمِيا 13:18

وَ اللّٰهْ قَالْ: «قُولْ لِلْمَلِكْ وَ لِلْمَلِكَةْ الْأُمّ: ‹أَنْزُلُوا مِنْ كُرْسِي الْمُلُكْ وَ أَقْعُدُوا فِي الْأَرْض أَشَانْ تَاجْ الْمُلُكْ الْعَظِيمْ وَقَعْ مِنْ رَاسْكُو.

إشَعْيا 12:6

عِيطُوا بِفَرَحْ وَ زَغْرُطُوا، يَا سُكَّانْ صَهْيُون! أَشَانْ قُدُّوسْ إِسْرَائِيلْ الْقَاعِدْ فِي أُسُطْكُو، هُو عَظِيمْ.»

إشَعْيا 4:5

اللّٰهْ يَخْلِقْ فِي كُلَّ بَكَانْ فِي جَبَلْ صَهْيُون وَ فِي كُلَّ الْبَكَانَاتْ الْيِلِمُّوا فَوْقهُمْ سَحَابَايْ وَ دُخَّانْ بِالنَّهَارْ. وَ ضَيّ هَنَا نَارْ أَمْ بَلْبَالَةْ بِاللَّيْل وَ مَجْد اللّٰهْ يِغَطِّي كُلَّ شَيّءْ.

إشَعْيا 1:21

كِكَّيْف الْمَدِينَةْ الْأَمِينَةْ بِقَتْ شَرْمُوطَةْ؟ أَوَّلْ هِي مَلَانَةْ بِالْعَدَالَةْ. أَيْوَى، أَوَّلْ الْعَدَالَةْ سَاكْنَةْ فَوْقهَا لَاكِنْ هَسَّعْ سَاكْنِينْ فَوْقهَا كَتَّالِينْ دِمَمْ.

زَبُور 96:9

أَسْجُدُوا لِلّٰهْ أَشَانْ هُو الْقُدُّوسْ. أَرْجُفُوا قِدَّامَهْ، يَا كُلَّ سُكَّانْ الْأَرْض.

زَبُور 50:2

فِي صَهْيُون جَمَالْ كَامِلْ، مَجْد الرَّبّ يِبِينْ.

2 مُلوك 19:21

وَ إِشَعْيَا قَالْ بَتَّانْ: «دَاهُو كَلَامْ اللّٰهْ الْقَالَهْ ضِدّ سَنْحَرِيبْ: ‹صَهْيُون الْمِثِلْ بِنَيَّةْ عُدْرِيَّةْ تَحْقِرَكْ وَ تِشَّمَّتْ فَوْقَكْ! أَيْوَى! مَدِينَةْ الْقُدُسْ الْمِثِلْ بِنَيَّةْ تِهِزّ رَاسْهَا وَرَاكْ.

تَثْنِية 32:30

كِكَّيْف رَاجِلْ وَاحِدْ يَطْرُدْ أَلِفْ نَاسْ وَ رُجَالْ إِتْنَيْن يَطُرْدُوا عَشَرَةْ أَلِفْ كَنْ اللّٰهْ بَسْ مَا سَلَّمَاهُمْ وَ مَلْجَئْهُمْ مَا بَاعَاهُمْ؟

تَثْنِية 28:25

وَ اللّٰهْ يَطْرُدْكُو قِدَّامْ عُدْوَانْكُو وَ إِنْتُو تَمُرْقُوا ضِدُّهُمْ بِدَرِبْ وَاحِدْ وَ لَاكِنْ تَجْرُوا قِدَّامْهُمْ بِسَبْعَةْ دُرُوبْ. وَ اللّٰهْ يِسَوِّيكُو مَثَلْ مُخِيفْ لِكُلَّ مَمَالِكْ الْأَرْض.

2 مُلوك 25:4

قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَانْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا شَالْ الدَّرِبْ الْمَاشِي عَلَيْ وَادِي الْأُرْدُنْ.

2 مُلوك 25:5

وَ لَاكِنْ عَسْكَرْ بَابِلْ طَرَدَوْه لِلْمَلِكْ وَ لِحْقَوْه وَ كَرَبَوْه فِي كَدَادَةْ أَرِيحَا. وَ كُلَّ عَسْكَرَهْ عَرَّدَوْا خَلَّوْه.