مَراثِي إرْمِيا 1:5 - الكتاب المقدس بالعربي الدارجي هنا تشاد

⁵ وَ خُصْمَانْهَا بِقَوْا سِيَادْهَا وَ عُدْوَانْهَا قَاعِدِينْ فِي الرَّاحَةْ. وَ اللّٰهْ جَابْ فَوْقهَا الْحِزِنْ بِسَبَبْ كُتُرْ عِصْيَانْهَا. وَ كَرَبَوْا عِيَالْهَا وَ وَدَّوْهُمْ عَبِيدْ.

مَراثِي إرْمِيا 1:5 Referenca të Kryqëzuara

حِزْقِيال 9:9

وَ هُو قَالْ لَيِّ: «خَطَا بَنِي إِسْرَائِيلْ وَ بَنِي يَهُوذَا دَا كَبِيرْ مَرَّةْ وَاحِدْ! الْبَلَدْ أَنْمَلَتْ بِالدَّمّ وَ الْمَدِينَةْ أَنْمَلَتْ بِالظُّلُمْ. أَشَانْ هُمَّنْ قَالَوْا: ‹اللّٰهْ خَلَّى بَلَدْنَا! هُو مَا يَقْدَرْ يِشِيفْنَا!›

إرْمِيا 39:9

وَ الشَّعَبْ الْفَضَّلَوْا فِي الْمَدِينَةْ وَ النَّاسْ الْأَنْضَمَّوْا لِمَلِكْ بَابِلْ وَ النَّاسْ الْآخَرِينْ دَا، نَبُوزَرَدَانْ كَبِيرْ الْحُرَّاسْ هَنَا الْمَلِكْ كَرَبَاهُمْ وَ وَدَّاهُمْ فِي الْغُرْبَةْ فِي بَابِلْ.

مَراثِي إرْمِيا 3:46

وَ كُلَّ عُدْوَانَّا فَتَحَوْا خُشُومْهُمْ وَ عَيَّرَوْنَا.

مَراثِي إرْمِيا 2:17

اللّٰهْ سَوَّى حَسَبْ هُو دَوَّرَهْ وَ حَقَّقْ كَلَامَهْ الْوَاعَدْ بَيَّهْ مِنْ زَمَانْ وَ دَمَّرْ كُلَّ شَيّءْ بَلَا مَحَنَّةْ. وَ خَلَّى عُدْوَانْكِ يِشَّمَّتَوْا لَيْكِ وَ أَنْطَاهُمْ قُدْرَةْ لِيَقِيفُوا ضِدِّكِ.

مَراثِي إرْمِيا 1:18

وَ مَدِينَةْ الْقُدُسْ قَالَتْ: «اللّٰهْ عَادِلْ أَشَانْ أَنَا عِصِيتْ أَمْرَهْ. أَسْمَعَوْا، يَا كُلَّ الشُّعُوبْ، وَ شِيفُوا تَعَبِي. كُلَّ صُبْيَانِي وَ بَنَاتِي كَرَبَوْهُمْ وَ وَدَّوْهُمْ فِي الْغُرْبَةْ.

إرْمِيا 23:14

وَ لَاكِنْ فِي أَنْبِيَاء مَدِينَةْ الْقُدُسْ، أَنَا شِفْت شَيّءْ مُحَرَّمْ زِيَادَةْ. هُمَّنْ قَاعِدِينْ يِسَوُّوا الزِّنَى وَ حَيَاتْهُمْ كُلَّهَا غَشّ. وَ يِشَجُّعُوا النَّاسْ الْيِسَوُّوا الْفَسَالَةْ أَشَانْ وَاحِدْ مِنْهُمْ كُلَ مَا يِقَبِّلْ مِنْ فَسَالْتَهْ. وَ كُلُّهُمْ نِشِيفْهُمْ مِثِلْ نَاسْ سَدُومْ الْفَسْلِينْ. وَ سُكَّانْ مَدِينَةْ الْقُدُسْ نِشِيفْهُمْ مِثِلْ نَاسْ عَمُورَةْ الْهَوَانِينْ.

إرْمِيا 12:7

وَ اللّٰهْ قَالْ: «أَنَا نِخَلِّي بَيْتِي وَ نَابَى شَعَبِي الْمِثِلْ وَرَثَتِي. وَ أُمَّتِي الْمَحْبُوبَةْ، أَنَا نِسَلِّمْهَا لِلْعَدُو.

إرْمِيا 5:29

هَلْ أَنَا مَا نِعَاقِبْ الْأَشْيَاءْ دَوْل؟ هَلْ مَا نِلْكَفَّى فِي الْأُمَّةْ الْمِثِلْ دِي؟ وَ دَا كَلَامْ اللّٰهْ.

إشَعْيا 63:18

وَ شَعَبَكْ الْمُخَصَّصْ شَالَوْا الْبَلَدْ دِي لِمُدَّةْ قِصَيْرَةْ بَسْ. وَ بَعَدْ دَا، خُصْمَانَّا جَوْا وَ فَجَّقَوْا بَيْتَكْ الْمُقَدَّسْ.

زَبُور 89:42

وَ إِنْتَ رَفَعْت الْإِيدْ الزَّيْنَةْ هَنَا عُدْوَانَهْ وَ فَرَّحْت كُلَّ خُصْمَانَهْ.

زَبُور 80:6

وَ إِنْتَ سَوَّيْتنَا سَبَبْ هَنَا هُرَاجْ لِجِيرَانَّا وَ عُدْوَانَّا يِشَّمَّتَوْا فَوْقنَا.

تَثْنِية 31:29

أَشَانْ أَنَا نَعَرِفْ بَعَدْ مَوْتِي هُمَّنْ يِتَلُّفُوا مَرَّةْ وَاحِدْ وَ يِخَلُّوا الدَّرِبْ الْأَمَرْتُهُمْ بَيَّهْ وَ فِي الأَخِيرْ، الشَّرّ يَلْحَقْهُمْ أَشَانْ يِسَوُّوا الْفَسَالَةْ قِدَّامْ اللّٰهْ وَ يِغَضُّبُوهْ بِخِدْمِتْهُمْ.

إشَعْيا 22:5

أَشَانْ دَا يَوْم هَنَا بَرْجَالْ وَ دَمَارْ وَ شَكّ. وَ دَا جَايِ مِنْ اللّٰهْ الرَّبّ الْقَادِرْ فِي وَادِي الرُّؤْيَةْ. الدُّرْدُرْ وَقَعْ وَ الْكُرَوْرَاكْ أَنْسَمَعْ عَلَيْ الْجَبَلْ.

إرْمِيا 10:20

وَ خِيَمْنَا أَشَّلَّعَوْا وَ كُلَّ حُبَالْهُمْ أَلْقَطَّعَوْا. وَ عِيَالْنَا فَاتَوْا وَ بِقَوْا مَا فِيهُمْ. وَ مَا فِي نَادُمْ الْيِسَاعِدْنَا نَبْنُوا خِيَمْنَا وَ نَعَمُرُوا فَرِيقْنَا.»

مَراثِي إرْمِيا 1:8

مَدِينَةْ الْقُدُسْ أَذْنَبَتْ وَ بَيْدَا، نَجَّسَتْ نَفِسْهَا. وَ كُلَّ النَّاسْ الزَّمَانْ كَرَّمَوْهَا، هَسَّعْ نَكَرَوْهَا أَشَانْ شَافَوْا عِرَيْهَا. وَ لَاكِنْ هِي قَاعِدَةْ تَقْنِتْ وَ تَنْطِيهُمْ ضَهَرْهَا.

حِزْقِيال 9:10

وَ بَيْدَا، مَا نِشِيفْهُمْ بِعَيْن الرَّحْمَةْ وَ لَا نِحِنّ فَوْقهُمْ. وَ نِحَمِّلْهُمْ كُلَّ نَتِيجَةْ عَمَلْهُمْ.»

2 مُلوك 21:15

أَشَانْ شَعَبِي قَاعِدِينْ يِسَوُّوا دَايْماً الْفَسَالَةْ قِدَّامِي. وَ هُمَّنْ قَاعِدِينْ دَايْماً يِغَضُّبُونِي مِنْ يَوْم الْجُدُودْهُمْ مَرَقَوْا مِنْ مَصِرْ لَحَدِّي الْيَوْم.»

مَراثِي إرْمِيا 1:16

وَ فِي شَانْ دَا، أَنَا بَكَيْت وَ دُمُوعِي جَرَوْا وُدْيَانْ أَشَانْ الْيِصَبِّرْنِي وَ الْيِحَيِّينِي بِقِي بَعِيدْ مِنِّي. وَ عِيَالِي هِلْكَوْا أَشَانْ الْعَدُو أَنَّصَرْ فَوْقِي.»