يَشُوع 9:4 - الكتاب المقدس بالعربي الدارجي هنا تشاد

⁴ وَ هُمَّنْ كُلَ قَمَّوْا أَنَّاجَضَوْا. شَدَّوْا فِي حَمِيرْهُمْ شُوَالَاتْ قَدِيمِينْ وَ قِرَبْ هَنَا خَمَرْ مُشَرَّطِينْ وَ مُخَيَّطِينْ.

يَشُوع 9:4 Referenca të Kryqëzuara

لُوقا 16:8

«وَ وَكِتْ سِيدْ الْمَالْ عِرِفْ الشَّيّءْ الْوَكِيلَهْ الْخَايِنْ سَوَّاهْ، هُو قَصَّدْ بِنَجَاضْتَهْ. أَشَانْ نَاسْ هَنَا الدُّنْيَا الضَّلْمَةْ دِي فَاهِمِينْ زِيَادَةْ مِنْ نَاسْ النُّورْ وَ يَعَرْفُوا كِكَّيْف يَلْقَوْا الشَّيّءْ الْيِدَوْرُوهْ مِنْ النَّاسْ الْمِثِلْهُمْ.

مَرْخُوس 2:22

وَ مَا فِي نَادُمْ يُصُبّ خَمَرْ جَدِيدْ فِي قِرْبَةْ قَدِيمَةْ. وَ كَنْ يِسَوِّي مِثِلْ دَا، الْخَمَرْ الْجَدِيدْ يُشُقّ الْقِرْبَةْ وَ الْخَمَرْ يِدَفِّقْ وَ الْقِرْبَةْ تَتْلَفْ. وَ لَاكِنْ الْخَمَرْ الْجَدِيدْ يُصُبُّوهْ إِلَّا فِي قِرْبَةْ جَدِيدَةْ».

مَتَّى 10:16

«أَسْمَعَوْا! نِرَسِّلْكُو فِي أُسْط النَّاسْ وَ تَبْقَوْا مِثِلْ غَنَمْ فِي أُسْط الْمَرَافْعِينْ. أَشَانْ دَا، وَاجِبْ تَبْقَوْا حَضِيرِينْ مِثِلْ الدَّابِي وَ بَرِيِّينْ مِثِلْ الْحَمَامَةْ.

مَتَّى 9:17

وَ النَّاسْ مَا يُصُبُّوا خَمَرْ جَدِيدْ فِي قِرْبَةْ قَدِيمَةْ أَشَانْ كَنْ سَوَّوْا مِثِلْ دَا، الْقِرْبَةْ تِنْشَقَّ. وَ مِثِلْ دَا، الْخَمَرْ يِدَفِّقْ وَ الْقِرْبَةْ تَتْلَفْ. وَ لَاكِنْ يُصُبُّوا الْخَمَرْ الْجَدِيدْ فِي قِرْبَةْ جَدِيدَةْ وَ مِثِلْ دَا يَحْفَضَوْا الْخَمَرْ مَعَ الْقِرْبَةْ سَوَا.»

زَبُور 119:83

أَنَا قِدِمْت مِثِلْ قِرْبَةْ فِي أُسْط الدُّخَّانْ لَاكِنْ أَبَداً مَا نَنْسَى شُرُوطَكْ.

تكوين 34:13

وَ أَوْلَادْ يَعْقُوبْ رَدَّوْا بِنَجَاضَةْ لِشَكِيمْ وَ حَمُورْ أَبُوهْ أَشَانْ شَكِيمْ تَلَّفْ شَرَفْ أَخُتْهُمْ دِينَةْ

يَشُوع 9:3

وَ سُكَّانْ قِبْعُونْ مِنْ حِوِّيِّينْ سِمْعَوْا بِالشَّيّءْ السَّوَّاهْ يَشُوعْ فِي حِلَّالْ أَرِيحَا وَ حِلَّةْ عَايْ.

يَشُوع 9:5

وَ لِبْسَوْا نِعْلَيْ قَدِيمِينْ وَ مُخَيَّطِينْ وَ لِبْسَوْا خُلْقَانْ مُشَرَّطِينْ وَ شَالَوْا خُبْزَةْ يَابْسَةْ وَ مُكَسَّرَةْ.

يَشُوع 9:13

وَ الْقِرَبْ دَوْل كُلَ، وَكِتْ مَلَيْنَاهُمْ خَمَرْ هُمَّنْ جُدَادْ. وَ لَاكِنْ هَسَّعْ شِيفُوا كِكَّيْف هُمَّنْ أَشَّرَّطَوْا. وَ خُلْقَانَّا وَ نِعْلَيْنَا كُلَ قِدْمَوْا أَشَانْ سَافَرْنَا وَ جِينَا لَيْكُو مِنْ بَعِيدْ.»

يَشُوع 9:12

وَ شِيفُوا الْخُبْزَةْ هِنْت زَادْنَا! وَكِتْ مَرَقْنَا لِنَجُوا لَيْكُو، شِلْنَاهَا حَامِيَةْ وَ لَاكِنْ هَسَّعْ، دِي هِي يَابْسَةْ وَ مُكَسَّرَةْ.