يَشُوع 9:13 - الكتاب المقدس بالعربي الدارجي هنا تشاد

¹³ وَ الْقِرَبْ دَوْل كُلَ، وَكِتْ مَلَيْنَاهُمْ خَمَرْ هُمَّنْ جُدَادْ. وَ لَاكِنْ هَسَّعْ شِيفُوا كِكَّيْف هُمَّنْ أَشَّرَّطَوْا. وَ خُلْقَانَّا وَ نِعْلَيْنَا كُلَ قِدْمَوْا أَشَانْ سَافَرْنَا وَ جِينَا لَيْكُو مِنْ بَعِيدْ.»

يَشُوع 9:13 Referenca të Kryqëzuara

مَتَّى 9:17

وَ النَّاسْ مَا يُصُبُّوا خَمَرْ جَدِيدْ فِي قِرْبَةْ قَدِيمَةْ أَشَانْ كَنْ سَوَّوْا مِثِلْ دَا، الْقِرْبَةْ تِنْشَقَّ. وَ مِثِلْ دَا، الْخَمَرْ يِدَفِّقْ وَ الْقِرْبَةْ تَتْلَفْ. وَ لَاكِنْ يُصُبُّوا الْخَمَرْ الْجَدِيدْ فِي قِرْبَةْ جَدِيدَةْ وَ مِثِلْ دَا يَحْفَضَوْا الْخَمَرْ مَعَ الْقِرْبَةْ سَوَا.»

يَشُوع 9:4

وَ هُمَّنْ كُلَ قَمَّوْا أَنَّاجَضَوْا. شَدَّوْا فِي حَمِيرْهُمْ شُوَالَاتْ قَدِيمِينْ وَ قِرَبْ هَنَا خَمَرْ مُشَرَّطِينْ وَ مُخَيَّطِينْ.

يَشُوع 9:12

وَ شِيفُوا الْخُبْزَةْ هِنْت زَادْنَا! وَكِتْ مَرَقْنَا لِنَجُوا لَيْكُو، شِلْنَاهَا حَامِيَةْ وَ لَاكِنْ هَسَّعْ، دِي هِي يَابْسَةْ وَ مُكَسَّرَةْ.

يَشُوع 9:14

وَ بَنِي إِسْرَائِيلْ قَصَّدَوْا بِعَلَاقِتْهُمْ وَ أَكَلَوْا مِنْ زَادْهُمْ وَ لَاكِنْ مَا سَأَلَوْا اللّٰهْ لِيَعَرْفُوا الْهُو يِدَوْرَهْ.

تَثْنِية 29:5

وَ اللّٰهْ قَالْ: «أَنَا قُدْتُكُو لِمُدَّةْ 40 سَنَةْ فِي الصَّحَرَاء وَ لَاكِنْ خُلْقَانْكُو مَا قِدْمَوْا فِي جِسِمْكُو وَ نِعْلَيْكُو مَا أَلْقَطَّعَوْا فِي رِجْلَيْكُو.

يَشُوع 9:5

وَ لِبْسَوْا نِعْلَيْ قَدِيمِينْ وَ مُخَيَّطِينْ وَ لِبْسَوْا خُلْقَانْ مُشَرَّطِينْ وَ شَالَوْا خُبْزَةْ يَابْسَةْ وَ مُكَسَّرَةْ.

مَرْخُوس 2:22

وَ مَا فِي نَادُمْ يُصُبّ خَمَرْ جَدِيدْ فِي قِرْبَةْ قَدِيمَةْ. وَ كَنْ يِسَوِّي مِثِلْ دَا، الْخَمَرْ الْجَدِيدْ يُشُقّ الْقِرْبَةْ وَ الْخَمَرْ يِدَفِّقْ وَ الْقِرْبَةْ تَتْلَفْ. وَ لَاكِنْ الْخَمَرْ الْجَدِيدْ يُصُبُّوهْ إِلَّا فِي قِرْبَةْ جَدِيدَةْ».

لُوقا 5:37

«وَ مَا فِي نَادُمْ يُصُبّ خَمَرْ جَدِيدْ فِي قِرْبَةْ قَدِيمَةْ. كَنْ يِسَوِّي مِثِلْ دَا، الْخَمَرْ الْجَدِيدْ يُشُقّ الْقِرْبَةْ وَ الْخَمَرْ يِدَفِّقْ وَ الْقِرْبَةْ تَتْلَفْ.