يَشُوع 9:1 - الكتاب المقدس بالعربي الدارجي هنا تشاد

¹ وَ كُلَّ مُلُوكْ الْبَلَدْ سِمْعَوْا بِنَصُرْ بَنِي إِسْرَائِيلْ وَ هُمَّنْ سَاكْنِينْ غَرِبْ لِبَحَرْ الْأُرْدُنْ فِي الْجِبَالْ وَ فِي السَّهَلَةْ وَ فِي خَشُمْ الْبَحَرْ الْأَبْيَضْ لَحَدِّي لُبْنَانْ. وَ هُمَّنْ مُلُوكْ الْحِتِّيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

يَشُوع 9:1 Referenca të Kryqëzuara

عَدد 34:6

«‹وَ مِنْ الْغَرِبْ، الْبَحَرْ الْأَبْيَضْ يَبْقَى لَيْكُو حُدُودْ وَ دَوْل بَسْ حُدُودْكُو مِنْ الْغَرِبْ.

خُروج 3:17

وَ قَالْ يَمْرُقْكُو مِنْ مَصِرْ الْبَكَانْ الْقَاعِدِينْ تَتْعَبَوْا فَوْقَهْ. وَ يِوَدِّيكُو فِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ فِي الْبَلَدْ الْمَلَانَةْ بِاللَّبَنْ وَ الْعَسَلْ.›

يَشُوع 3:10

وَ بَتَّانْ يَشُوعْ قَالْ: «وَكِتْ تِشِيفُوا صَنْدُوقْ مُعَاهَدَةْ اللّٰهْ رَبّ كُلَّ الْأَرْض يَقْطَعْ بَحَرْ الْأُرْدُنْ، خَلَاصْ فِي الْوَكِتْ دَا، تَعَرْفُوا كَدَرْ اللّٰهْ الْحَيّ قَاعِدْ فِي أُسُطْكُو. وَ تَعَرْفُوا كَدَرْ هُو يَقْلَعْ قِدَّامْكُو أَرْض الْكَنْعَانِيِّينْ وَ الْحِتِّيِّينْ وَ الْحِوِّيِّينْ وَ الْفِرِزِّيِّينْ وَ الْقِرْقَاشِيِّينْ وَ الْأَمُورِيِّينْ وَ الْيَبُوسِيِّينْ.

خُروج 23:23

وَ مَلَكِي يَمْشِي قِدَّامْكُو وَ يِوَدِّيكُو فِي بَلَدْ الْأَمُورِيِّينْ وَ الْحِتِّيِّينْ وَ الْفِرِزِّيِّينْ وَ الْكَنْعَانِيِّينْ وَ الْحِوِّيِّينْ وَ الْيَبُوسِيِّينْ وَ نِدَمِّرْهُمْ.

يَشُوع 24:11

«‹وَ قَطَعْتُوا بَحَرْ الْأُرْدُنْ وَ وَصَّلْتُوا أَرِيحَا. وَ سُكَّانْهَا قَمَّوْا حَارَبَوْكُو وَ مَعَاهُمْ الْأَمُورِيِّينْ وَ الْفِرِزِّيِّينْ وَ الْكَنْعَانِيِّينْ وَ الْحِتِّيِّينْ وَ الْقِرْقَاشِيِّينْ وَ الْحِوِّيِّينْ وَ الْيَبُوسِيِّينْ. وَ لَاكِنْ أَنَا سَلَّمْتُهُمْ لَيْكُو فِي إِيدَيْكُو.

يَشُوع 23:4

وَ شِيفُوا، أَنَا أَنْطَيْتكُو أَرْض وَرَثَتْكُو بِأَمْ عِيَيْدَاتْ حَسَبْ قَبَايِلْكُو. وَ دِي أَرْض الْأُمَمْ الْأَنَا دَمَّرْتُهُمْ وَ أَرْض الْأُمَمْ اللِّسَّاعْهُمْ قَاعِدِينْ. وَ الْأَرْض دِي تَمْشِي مِنْ بَحَرْ الْأُرْدُنْ فِي الصَّبَاحْ لَحَدِّي الْبَحَرْ الْأَبْيَضْ فِي الْغَرِبْ.

يَشُوع 22:7

وَ لِنُصّ وَاحِدْ مِنْ قَبِيلَةْ مَنَسَّى، مُوسَى أَنْطَاهُمْ أَرْض فِي بَاشَانْ صَبَاحْ لِبَحَرْ الْأُرْدُنْ. وَ النُّصّ الْآخَرْ، يَشُوعْ أَنْطَاهُمْ أَرْض مَعَ أَخْوَانْهُمْ غَرِبْ لِبَحَرْ الْأُرْدُنْ. وَ وَكِتْ يَشُوعْ قَالْ لَيْهُمْ يَمْشُوا لِخِيَمْهُمْ، هُو بَارَكَاهُمْ

يَشُوع 22:4

وَ هَسَّعْ اللّٰهْ إِلٰـهْكُو أَنْطَى الرَّاحَةْ لِأَخْوَانْكُو مِثِلْ هُو وَاعَدَاهُمْ بَيْهَا. وَ هَسَّعْ تَقْدَرَوْا تَمْشُوا لِخِيَمْكُو فِي بَلَدْكُو الْأَنْطَاهَا لَيْكُو مُوسَى عَبْد اللّٰهْ صَبَاحْ غَادِي لِبَحَرْ الْأُرْدُنْ.

يَشُوع 15:12

وَ خَلَاصْ الْبَحَرْ الْأَبْيَضْ يَبْقَى حُدُودْهُمْ فِي الْغَرِيبْ. وَ دَوْل بَسْ الْحُدُودْ مِنْ كُلِّ جِيهَةْ هَنَا أَرْض قَبِيلَةْ يَهُوذَا حَسَبْ خُشُومْ بُيُوتْهُمْ.

يَشُوع 13:5

وَ شِيلُوا بَلَدْ الْقِبَالِيِّينْ وَ كُلَّ لُبْنَانْ فِي الصَّبَاحْ مِنْ بَعَلْ قَادْ قَعَرْ جَبَلْ حَرْمُونْ لَحَدِّي لَبُو حَمَاتْ.

يَشُوع 11:17

وَ مِنْ الْجَبَلْ الْأَمْلَسْ الْقَاعِدْ جَنْب سَعِيرْ فِي الْوَطِي لَحَدِّي بَعَلْ قَادْ فِي وَادِي لُبْنَانْ فِي قَعَرْ جَبَلْ حَرْمُونْ فِي الْمُنْشَاقْ، هُو كَرَبْ كُلَّ مُلُوكْهُمْ وَ كَتَلَاهُمْ.

يَشُوع 10:23

وَ بِمِثِلْ دَا، هُمَّنْ مَرَقَوْهُمْ لِلْمُلُوكْ الْخَمْسَةْ مِنْ الْكَرْكُورْ وَ جَابَوْهُمْ قِدَّامْ يَشُوعْ. وَ هُمَّنْ مُلُوكْ أُورُشَلِيمْ وَ حِبْرُونْ وَ يَرْمُوتْ وَ لَكِيشْ وَ عَقْلُونْ.

يَشُوع 5:1

وَ كُلَّ مُلُوكْ الْأَمُورِيِّينْ الْقَاعِدِينْ فِي النُّصّ الْغَرْبَانِي لِبَحَرْ الْأُرْدُنْ وَ كُلَّ مُلُوكْ الْكَنْعَانِيِّينْ الْفِي خَشُمْ الْبَحَرْ الْأَبْيَضْ سِمْعَوْا كَدَرْ اللّٰهْ يَبَّسْ أَلْمِي بَحَرْ الْأُرْدُنْ قِدَّامْ بَنِي إِسْرَائِيلْ لَحَدِّي قِدْرَوْا قَطَعَوْا. وَ وَكِتْ سِمْعَوْه خَلَاصْ، قُلُوبْ الْمُلُوكْ دَوْل أَنْقَطَعَوْا وَ مَا قِدْرَوْا يَقْعُدُوا قِدَّامْ بَنِي إِسْرَائِيلْ.

يَشُوع 3:17

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ وَقَفَوْا ثَابْتِينْ فِي التُّرَابْ الْيَابِسْ فِي أُسُطْ بَحَرْ الْأُرْدُنْ. وَ كُلَّ بَنِي إِسْرَائِيلْ قَاعِدِينْ يَقْطَعَوْا فِي التُّرَابْ الْيَابِسْ دَا، لَحَدِّي كُلَّ الْأُمَّةْ قَطَعَتْ بَحَرْ الْأُرْدُنْ.

يَشُوع 1:15

سَاعُدُوا أَخْوَانْكُو لَحَدِّي اللّٰهْ يَنْطِيهُمْ الرَّاحَةْ مِثِلْكُو وَ هُمَّنْ كُلَ يِشِيلُوا الْأَرْض الْأَنْطَاهَا لَيْهُمْ اللّٰهْ إِلٰـهْكُو. وَ بَعَدْ دَا، تِقَبُّلُوا فِي أَرْض وَرَثَتْكُو، صَبَاحْ لِبَحَرْ الْأُرْدُنْ، الْأَنْطَاهَا لَيْكُو مُوسَى عَبْد اللّٰهْ.»

يَشُوع 1:4

وَ مِنْ الْوَطِي لِلْمُنْشَاقْ، أَرْضُكُو تَمْشِي مِنْ الصَّحَرَاء لِجِبَالْ لُبْنَانْ. وَ مِنْ الصَّبَاحْ لِلْغَرِبْ، تَمْشِي مِنْ بَحَرْ الْفُرَاتْ، الْبَحَرْ الْكَبِيرْ، لَحَدِّي الْبَحَرْ الْأَبْيَضْ وَ كُلَّ بَلَدْ الْحِتِّيِّينْ.

تَثْنِية 7:1

وَ مُوسَى قَالْ بَتَّانْ: وَكِتْ اللّٰهْ إِلٰـهْكُو يِوَدِّيكُو فِي الْبَلَدْ التَّدْخُلُوا فَوْقهَا وَ تِشِيلُوهَا وَرَثَةْ، هُو يَطْرُدْ قِدَّامْكُو سَبْعَةْ أُمَمْ كَتِيرِينْ وَ شُدَادْ مِنْكُو وَ هُمَّنْ الْحِتِّيِّينْ وَ الْقِرْقَاشِيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تَثْنِية 4:49

وَ كُلَّ الْعَرَبَةْ صَبَاحْ غَادِي لِبَحَرْ الْأُرْدُنْ لَحَدِّي الْبَحَرْ الْمَيِّتْ فِي قَعَرْ جَبَلْ الْفِسْقَةْ.

تَثْنِية 3:25

يَا اللّٰهْ، نَشْحَدَكْ خَلِّينِي نَقْطَعْ غَرِبْ لِبَحَرْ الْأُرْدُنْ أَشَانْ نِشِيفْ الْبَلَدْ الْعَدِيلَةْ دِي وَ الْجِبَالْ السَّمْحِينْ وَ لُبْنَانْ.»

خُروج 34:11

خَلِّي يِطَبُّقُوا دَايْماً كَلَامِي النُّقُولَهْ لَيْك الْيَوْم. وَ بَيْدَا، أَنَا نَطْرُدْ مِنْ قِدَّامْكُو الْأَمُورِيِّينْ وَ الْكَنْعَانِيِّينْ وَ الْحِتِّيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

خُروج 23:31

وَ نِسَوِّي حُدُودْكُو مِنْ الْبَحَرْ الْأَحْمَرْ لَحَدِّي الْبَحَرْ الْأَبْيَضْ وَ مِنْ الصَّحَرَاء لَحَدِّي بَحَرْ الْفُرَاتْ. نِدِسّ فِي إِيدَيْكُو سُكَّانْ الْبَلَدْ وَ تَطُرْدُوهُمْ قِدَّامْكُو.

عَدد 13:29

وَ الْعَمَالِقْ سَاكْنِينْ فِي صَحَرَاء نَقَبْ وَ الْحِتِّيِّينْ وَ الْيَبُوسِيِّينْ وَ الْأَمُورِيِّينْ سَاكْنِينْ فِي بَلَدْ الْجِبَالْ. وَ الْكَنْعَانِيِّينْ سَاكْنِينْ جَنْب الْبَحَرْ الْأَبْيَضْ وَ فِي خَشُمْ بَحَرْ الْأُرْدُنْ.»

يَشُوع 6:27

وَ اللّٰهْ كَانْ مَعَ يَشُوعْ وَ كُلَّ نَاسْ الْبَلَدْ سِمْعَوْا بَيَّهْ.

يَشُوع 9:7

وَ رُجَالْ بَنِي إِسْرَائِيلْ قَالَوْا لِلْحِوِّيِّينْ دَوْل: «مُمْكِنْ إِنْتُو سَاكْنِينْ فِي أُسُطْنَا! وَ بَيْدَا، مَا نَقْدَرَوْا نِسَوُّوا مَعَاكُو عَلَاقَةْ.»

تَثْنِية 1:7

قُمُّوا سِيرُوا بَتَّانْ وَ أَمْشُوا لِجِبَالْ الْأَمُورِيِّينْ وَ لِكُلَّ النَّاسْ الْحَوَالَيْهُمْ فِي الْعَرَبَةْ وَ بَلَدْ الْجِبَالْ وَ السَّهَلَةْ وَ صَحَرَاء نَقَبْ وَ خَشُمْ الْبَحَرْ الْأَبْيَضْ وَ بَلَدْ الْكَنْعَانِيِّينْ وَ لُبْنَانْ وَ لَحَدِّي الْفُرَاتْ الْبَحَرْ الْكَبِيرْ.

2 صَمُوِيل 24:7

وَ دَخَلَوْا فِي صُورْ الْمَدِينَةْ الْقَوِيَّةْ وَ فِي كُلَّ مُدُنْ الْحِوِّيِّينْ وَ الْكَنْعَانِيِّينْ. وَ فِي الْآخِرْ، مَشَوْا وَطِي بَلَدْ يَهُوذَا فِي حِلَّةْ بِيرْ سَبْعَةْ.