يَشُوع 8:33 - الكتاب المقدس بالعربي الدارجي هنا تشاد

³³ وَ شَعَبْ بَنِي إِسْرَائِيلْ وَ شُيُوخْهُمْ وَ مَسَائِيلْهُمْ وَ قُضْيَاهُمْ وَقَفَوْا جَايْ وَ جَايْ لِصَنْدُوقْ مُعَاهَدَةْ اللّٰهْ قِدَّامْ رُجَالْ الدِّينْ اللَّاوِيِّينْ الشَّالَوْا الصَّنْدُوقْ دَا. الْأَجَانِبْ وَ الْمُوَاطِنِينْ كُلُّهُمْ قَاعِدِينْ. نُصُّهُمْ وَقَفَوْا قِدَّامْ جَبَلْ قَرِزِيمْ وَ نُصُّهُمْ وَقَفَوْا قِدَّامْ جَبَلْ عِبَالْ مِثِلْ مُوسَى عَبْد اللّٰهْ أَمَرَاهُمْ لِيِبَارُكُوا أَوَّلاً كَيْ بَنِي إِسْرَائِيلْ.

يَشُوع 8:33 Referenca të Kryqëzuara

تَثْنِية 11:29

وَ وَكِتْ اللّٰهْ إِلٰـهْكُو يِوَدِّيكُو فِي الْبَلَدْ التَّمْشُوا لَيْهَا وَ تِشِيلُوهَا وَرَثَةْ، أَطْلَعَوْا فِي رَاسْ جَبَلْ قَرِزِيمْ وَ بَلُّغُوا بِالْبَرَكَةْ وَ أَطْلَعَوْا فِي رَاسْ جَبَلْ عِبَالْ وَ بَلُّغُوا بِاللَّعَنَةْ.

تَثْنِية 31:12

وَ لِمّ كُلَّ الشَّعَبْ، الرُّجَالْ وَ الْعَوِينْ وَ الْعِيَالْ وَ الْأَجَانِبْ الْقَاعِدِينْ مَعَاكُو فِي حِلَّالْكُو، أَشَانْ يَسْمَعَوْا وَ يِلْعَلَّمَوْا الْخَوْف مِنْ اللّٰهْ إِلٰـهْكُو وَ يَحْفَضَوْا وَ يِطَبُّقُوا كُلَّ كَلَامْ الْوَصَايَا دَوْل.

تَثْنِية 31:9

وَ مُوسَى كَتَبْ الْوَصَايَا دَوْل وَ أَنْطَاهُمْ لِرُجَالْ الدِّينْ عِيَالْ لَاوِي الشَّايْلِينْ صَنْدُوقْ مُعَاهَدَةْ اللّٰهْ وَ لِكُلَّ شُيُوخْ بَنِي إِسْرَائِيلْ.

يَشُوع 24:1

وَ يَشُوعْ لَمَّ كُلَّ قَبَايِلْ بَنِي إِسْرَائِيلْ فِي شَكِيمْ وَ نَادَى شُيُوخْهُمْ وَ كُبَارَاتْهُمْ وَ قُضْيَاهُمْ وَ مَسَائِيلْهُمْ وَ هُمَّنْ جَوْا قِدَّامْ الرَّبّ.

يَشُوع 4:18

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ مَرَقَوْا مِنْ لُبّ بَحَرْ الْأُرْدُنْ. وَ وَكِتْ خَطَّوْا رِجْلَيْهُمْ فِي التُّرَابْ الْيَابِسْ، خَلَاصْ أَلْمِي الْبَحَرْ قَبَّلْ فِي بَكَانَهْ وَ قَاعِدْ يَجْرِي وَ سَالْ مِثِلْ أَوَّلْ.

يَشُوع 3:3

وَ أَنْطَوْا أَمُرْ وَ قَالَوْا: «وَكِتْ تِشِيفُوا صَنْدُوقْ مُعَاهَدَةْ اللّٰهْ إِلٰـهْكُو وَ رُجَالْ الدِّينْ اللَّاوِيِّينْ الْيِشِيلُوهْ، خَلَاصْ قُمُّوا مِنْ بَكَانْكُو الْقَاعِدِينْ فَوْقَهْ وَ تَابُعُوهْ.

تَثْنِية 31:25

أَنْطَى أَمُرْ لِلَّاوِيِّينْ الشَّايْلِينْ صَنْدُوقْ مُعَاهَدَةْ اللّٰهْ وَ قَالْ:

عَدد 15:29

كَنْ النَّادُمْ مِنْ بَنِي إِسْرَائِيلْ أَوْ كَنْ نَادُمْ أَجْنَبِي سَاكِنْ مَعَاهُمْ كُلَ، الْقَانُونْ هَنَا الذَّنِبْ الْيِسَوُّوهْ بَلَا رَايْهُمْ دَا وَاحِدْ بَسْ.

عَدد 15:16

وَ دَا يَبْقَى قَانُونْ وَاحِدْ وَ شَرْط وَاحِدْ لَيْكُو إِنْتُو وَ لِلْأَجْنَبِي الْقَاعِدْ مَعَاكُو.›»

خُروج 12:49

وَ دَا نَفْس الْقَانُونْ لِنَادُمْ الْمِنْ بَنِي إِسْرَائِيلْ وَ لِلْأَجْنَبِي السَّاكِنْ مَعَاكُو.»

يَشُوع 23:2

وَ هُو نَادَى كُلَّ بَنِي إِسْرَائِيلْ وَ شُيُوخْهُمْ وَ كُبَارَاتْهُمْ وَ قُضْيَاهُمْ وَ مَسَائِيلْهُمْ وَ قَالْ: «أَنَا شَيَّبْت وَ عُمْرِي بِقِي طَوِيلْ.

يَشُوع 6:6

وَ بَعَدْ دَا، يَشُوعْ وِلَيْد نُونْ نَادَى رُجَالْ الدِّينْ وَ قَالْ لَيْهُمْ: «شِيلُوا صَنْدُوقْ الْمُعَاهَدَةْ وَ خَلِّي سَبْعَةْ رُجَالْ دِينْ يَمْشُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ.»

يَشُوع 4:10

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ وَقَفَوْا فِي أُسُطْ بَحَرْ الْأُرْدُنْ لَحَدِّي تَمَّ كُلَّ الْكَلَامْ الْاللّٰهْ أَمَرْ بَيَّهْ يَشُوعْ لِيُقُولَهْ لِلشَّعَبْ. وَ دَا حَسَبْ الْكَلَامْ الْمُوسَى أَمَرْ بَيَّهْ يَشُوعْ. وَ الشَّعَبْ مَشَوْا عَجَلَةْ لِيَقْطَعَوْا الْبَحَرْ.

يَشُوع 3:14

وَ وَكِتْ الشَّعَبْ قَمَّوْا مِنْ خِيَمْهُمْ لِيَقْطَعَوْا بَحَرْ الْأُرْدُنْ، رُجَالْ الدِّينْ الشَّايْلِينْ صَنْدُوقْ الْمُعَاهَدَةْ مَشَوْا قِدَّامْهُمْ.

لاوِيِّين 24:22

عِنْدُكُو نَفْس الْحُقُوقْ لِلْأَجْنَبِي وَ الْمُوَاطِنْ أَشَانْ أَنَا بَسْ اللّٰهْ إِلٰـهْكُو.»

يَشُوع 3:6

وَ يَشُوعْ قَالْ لِرُجَالْ الدِّينْ: «شِيلُوا صَنْدُوقْ مُعَاهَدَةْ اللّٰهْ وَ أَمْشُوا قِدَّامْ الشَّعَبْ.» وَ خَلَاصْ هُمَّنْ شَالَوْا صَنْدُوقْ الْمُعَاهَدَةْ وَ مَشَوْا قِدَّامْ الشَّعَبْ.

يُوحَنَّا 4:20

جُدُودْنَا عَبَدَوْا اللّٰهْ فِي الْجَبَلْ دَا. وَ لَاكِنْ إِنْتُو الْيَهُودْ تُقُولُوا مَدِينَةْ الْقُدُسْ وِحَيْدهَا الْبَكَانْ الْفَوْقَهْ النَّاسْ وَاجِبْ يَعَبُدُوا اللّٰهْ.»

عَدد 15:15

وَ دَا يَبْقَى لَيْكُو شَرْط دَايِمْ مِنْ ذُرِّيَّةْ لِذُرِّيَّةْ لِإِنْتُو كُلُّكُو وَ لِلْأَجْنَبِي الْقَاعِدْ مَعَاكُو كُلَ. وَ تِسَوُّوا مِثِلْ دَا سَوَا سَوَا قِدَّامْ اللّٰهْ.