يَشُوع 8:29 - الكتاب المقدس بالعربي الدارجي هنا تشاد

²⁹ وَ يَشُوعْ شَنَقْ مَلِكْ حِلَّةْ عَايْ فِي شَدَرَةْ وَ خَلَّاهْ مُعَلَّقْ فَوْقهَا لَحَدِّي الْعَشِيَّةْ. وَ وَكِتْ الْحَرَّايْ وَقَعَتْ، يَشُوعْ أَمَرْ يِدَلُّوا جَنَازْتَهْ. وَ وَكِتْ دَلَّوْهَا، زَقَلَوْهَا فِي خَشُمْ بَابْ الْحِلَّةْ وَ سَوَّوْا فَوْقهَا كَوْم كَبِيرْ هَنَا حُجَارْ الْقَاعِدْ لَحَدِّي الْيَوْم.

يَشُوع 8:29 Referenca të Kryqëzuara

2 صَمُوِيل 18:17

وَ شَالَوْا جَنَازَةْ أَبْشَلُومْ وَ زَقَلَوْهَا فِي نُقْرَةْ فِي الْغَابَةْ وَ رَدَمَوْا فَوْقَهْ حُجَارْ. وَ كُلَّ بَنِي إِسْرَائِيلْ عَرَّدَوْا وَ أَيِّ وَاحِدْ قَبَّلْ بَيْتَهْ.

يَشُوع 7:26

وَ هُمَّنْ سَوَّوْا فَوْقهُمْ كَوْم كَبِيرْ هَنَا حُجَارْ الْقَاعِدْ لَحَدِّي الْيَوْم. وَ خَلَاصْ، اللّٰهْ مَا غِضِبْ عَلَيْهُمْ بَتَّانْ. وَ فِي شَانْ دَا، سَمَّوْا الْبَكَانْ دَا وَادِي عَكُورْ (مَعَنَاتَهْ وَادِي الْمَصِيبَةْ) لَحَدِّي الْيَوْم.

أعمال الرُسُل 12:23

وَ طَوَّالِي، وَاحِدْ مِنْ مَلَائِكَةْ اللّٰهْ ضَرَبْ هِرُودُسْ أَشَانْ هُو مَا أَبَى شَكِّرِينْ النَّاسْ وَ مَا مَجَّدْ اللّٰهْ. وَ دُودْ الْبَطُنْ أَكَلْ مُصْرَانْ هِرُودُسْ وَ خَلَاصْ، هُو مَاتْ.

زَبُور 110:5

يَا اللّٰهْ! صَحِيحْ سِيدِي الْمَلِكْ قَاعِدْ بِإِيدَكْ الزَّيْنَةْ. وَ بَيْدَا، هُو يِدَمِّرْ مُلُوكْ فِي يَوْم غَضَبَهْ.

زَبُور 107:40

هُو يِجِيبْ الْحُقْرَةْ أَمْبَيْنَاتْ الْحُكَّامْ وَ يِوَدِّرْهُمْ فِي صَحَرَاء بَلَا دَرِبْ.

أسْتِير 7:10

وَ خَلَاصْ، عَلَّقَوْا هَمَانْ فِي رَاسْ الْعُودْ الْهُو جَهَّزَهْ لِمَرْدَكَايْ. وَ بَعَدْ دَا، زَعَلْ الْمَلِكْ دَلَّى.

يَشُوع 10:33

وَ هُرَامْ مَلِكْ قَازَرْ جَاءْ فَزَعْ لِحِلَّةْ لَكِيشْ. وَ لَاكِنْ يَشُوعْ قِدِرْ فَوْقهُمْ هُو وَ نَاسَهْ وَ كَتَلَاهُمْ لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ.

يَشُوع 10:30

وَ لِبْنَةْ كُلَ اللّٰهْ سَلَّمَاهَا هِي وَ مَلِكْهَا فِي إِيدْ بَنِي إِسْرَائِيلْ وَ هُمَّنْ كَتَلَوْا مَلِكْهَا بِالْسَّيْف وَ دَمَّرَوْا كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي مَلِكْ لِبْنَةْ مِثِلْ سَوَّى فِي مَلِكْ أَرِيحَا.

يُوحَنَّا 19:31

وَ دَا الْيَوْم الْيِجَهُّزُوا فَوْقَهْ لِيَوْم السَّبْت. وَ أَمْبَاكِرْ، يَوْم كَبِيرْ فِي الْعِيدْ. وَ الْيَهُودْ مَا دَوَّرَوْا الْجَنَازَاتْ دَوْل يَقْعُدُوا فِي الصَّلِيبْ فِي يَوْم السَّبْت. وَ أَشَانْ دَا، طَلَبَوْا مِنْ بِلَاطُسْ يِكَسُّرُوا رِجِلَيْن الْمَصْلُوبِينْ أَشَانْ يُمُوتُوا عَجَلَةْ وَ خَلَاصْ الْجَنَازَاتْ يِدَلُّوهُمْ.

يَشُوع 12:9

وَ الْمُلُوكْ الدَّمَّرَوْهُمْ هُمَّنْ مَلِكْ أَرِيحَا وَ مَلِكْ حِلَّةْ عَايْ الْقَاعِدَةْ جَنْب بَيْت إِيلْ

يَشُوع 8:23

وَ كَنْ لِمَلِكْ حِلَّةْ عَايْ كَمَانْ، كَرَبَوْه حَيّ وَ وَدَّوْه لِيَشُوعْ.