يَشُوع 7:7 - الكتاب المقدس بالعربي الدارجي هنا تشاد

⁷ وَ يَشُوعْ قَالْ: «يَا اللّٰهْ رَبِّي، مَالَا إِنْتَ جِبْت الشَّعَبْ لَحَدِّي قَطَعَوْا بَحَرْ الْأُرْدُنْ؟ وَ دَا أَشَانْ تِسَلِّمْنَا لِلْأَمُورِيِّينْ وَ يِدَمُّرُونَا وَلَّا؟ وَ هَسَّعْ دَا، أَنِحْنَ نِدِمْنَا. مَالَا مَا سَكَنَّا صَبَاحْ لِبَحَرْ الْأُرْدُنْ؟

يَشُوع 7:7 Referenca të Kryqëzuara

عِبْرَانِيِّين 12:5

إِنْتُو نِسِيتُوا كَلَامْ الشَّجَاعَةْ الْاللّٰهْ قَالَهْ لَيْكُو إِنْتُو أَوْلَادَهْ؟ قَالْ: <يَا وِلَيْدِي، مَا تَابَى أَدَبْ اللّٰهْ وَ مَا تَكْسَلْ كَنْ يِعَاقِبَكْ

2 مُلوك 3:10

وَ فِي الْبَكَانْ دَا، مَلِكْ مَمْلَكَةْ إِسْرَائِيلْ قَالْ: «أَكِيدْ اللّٰهْ جَابَانَا أَنِحْنَ الْمُلُوكْ التَّلَاتَةْ دَوْل هِنِي أَشَانْ يِسَلِّمْنَا فِي إِيدْ مَلِكْ بَلَدْ مُوَابْ.»

مَتَّى 17:20

وَ رَدَّ لَيْهُمْ وَ قَالْ: «أَشَانْ إِيمَانْكُو ضَعِيفْ. وَ نُقُولْ لَيْكُو الْحَقّ، كَنْ إِيمَانْكُو صَغَيَّرْ مِثِلْ حَبَّةْ كِرَيْب كُلَ، تَقْدَرَوْا تُقُولُوا لِلْحَجَرْ دَا: ‹أَزْحَفْ مِنْ هِنِي وَ أَمْشِي هِنَاكْ!› وَ خَلَاصْ، الْحَجَرْ يَزْحَفْ. وَ أَيِّ شَيّءْ يَبْقَى لَيْكُو مُمْكِنْ.

مَتَّى 17:17

وَ عِيسَى رَدَّ وَ قَالْ: «يَا النَّاسْ الْعُوُجْ وَ مَا عِنْدُكُو إِيمَانْ! لَحَدِّي مَتَى نَقْعُدْ مَعَاكُو؟ لَحَدِّي مَتَى نِلْحَمَّلْكُو؟ جِيبُوا لَيِّ الْوِلَيْد هِنِي.»

زَبُور 116:11

وَ فِي بَرْجَلَتِي، أَنَا قُلْت: «كُلَّ النَّاسْ كَدَّابِينْ.»

عَدد 14:3

مَالَا اللّٰهْ يِوَدِّينَا فِي الْبَلَدْ دِي أَشَانْ يَكْتُلُونَا بِالْسَّيْف؟ وَ عِيَالْنَا وَ عَوِينَّا يَبْقَوْا كَسِيبَةْ. وَ دَا أَخَيْر لَيْنَا كَنْ نِقَبُّلُوا فِي بَلَدْ مَصِرْ.»

خُروج 17:3

وَ الشَّعَبْ الْعَطَشْ سَوَّاهُمْ بِزِيَادَةْ وَ قَمَّوْا يُلُومُوا مُوسَى وَ قَالَوْا: «مَالَا مَرَقْتِنَا مِنْ مَصِرْ لِتَكْتُلْنَا أَنِحْنَ وَ عِيَالْنَا وَ بَهَايِمْنَا بِالْعَطَشْ؟»

خُروج 16:3

وَ قَالَوْا لَيْهُمْ: «أَخَيْر لَيْنَا كَنْ اللّٰهْ كَتَلَانَا فِي بَلَدْ مَصِرْ وَكِتْ أَنِحْنَ شَبْعَانِينْ جَنْب الْبُرَامْ هَنَا اللَّحَمْ. وَ لَاكِنْ إِنْتُو مَرَقْتُونَا فِي الصَّحَرَاء دِي لِنُمُوتُوا كُلِّنَا مِنْ الْجُوعْ!»

عَدد 14:16

‹دَاهُو اللّٰهْ مَا قِدِرْ يِوَدِّي الشَّعَبْ فِي الْبَلَدْ الْهُو حَلَفْ وَ قَالْ يَنْطِيهَا لَيْهُمْ. أَشَانْ دَا، هُو دَمَّرَاهُمْ فِي الصَّحَرَاء.›

يَشُوع 7:6

وَ فِي الْبَكَانْ دَا، يَشُوعْ وَ شُيُوخْ بَنِي إِسْرَائِيلْ شَرَّطَوْا خُلْقَانْهُمْ مِنْ الْحِزِنْ وَ صَبَّوْا تُرَابْ فِي رُوسَيْهُمْ. وَ وَقَعَوْا بِوُجُوهُّمْ فِي التُّرَابْ وَ سَجَدَوْا قِدَّامْ صَنْدُوقْ اللّٰهْ لَحَدِّي الْعَشِيَّةْ.

يَشُوع 7:8

يَا رَبّ، سَامِحْنِي. هَسَّعْ أَنَا نُقُولْ شُنُو بَعَدْ بَنِي إِسْرَائِيلْ عَرَّدَوْا مِنْ عُدْوَانْهُمْ؟

قُضياء 20:23

وَ بَنِي إِسْرَائِيلْ مَشَوْا بَكَوْا قِدَّامْ اللّٰهْ لَحَدِّي الْعَشِيَّةْ وَ سَأَلَوْه وَ قَالَوْا: «بَتَّانْ نَمْشُوا نِحَارُبُوا ضِدّ أَخْوَانَّا نَاسْ قَبِيلَةْ بَنْيَامِينْ وَلَّا؟» وَ اللّٰهْ رَدَّ لَيْهُمْ وَ قَالْ: «قُمُّوا ضِدُّهُمْ.»

1 صَمُوِيل 4:3

وَ وَكِتْ النَّاسْ الْعَرَّدَوْا مِنْ الْحَرِبْ وَصَّلَوْا فِي الْمُعَسْكَرْ دَا، شُيُوخْ بَنِي إِسْرَائِيلْ قَالَوْا: «مَالَا اللّٰهْ هَزَمْنَا الْيَوْم قِدَّامْ الْفِلِسْطِيِّينْ؟ يَلَّا! نَمْشُوا نِجِيبُوا صَنْدُوقْ مُعَاهَدَةْ اللّٰهْ مِنْ حِلَّةْ شِيلَوْه وَ نِشِيلُوهْ مَعَانَا أَشَانْ يِنَجِّينَا مِنْ عَدُونَا.»