يَشُوع 7:3 - الكتاب المقدس بالعربي الدارجي هنا تشاد

³ وَ وَكِتْ قَبَّلَوْا، قَالَوْا لِيَشُوعْ: «خَلِّي الشَّعَبْ كُلُّهُمْ مَا يَمْشُوا. خَلِّي نَاسْ مِثِلْ 2 000 أَوْ 3 000 بَسْ يَمْشُوا يَهْجُمُوا حِلَّةْ عَايْ أَشَانْ سُكَّانْهَا شِيَّةْ وَ فِي شَانْ دَا، مَا تِتَعِّبْ الشَّعَبْ كُلُّهُمْ كَيْ.»

يَشُوع 7:3 Referenca të Kryqëzuara

2 بُطْرُس 1:10

أَشَانْ دَا، يَا أَخْوَانِي، سَوُّوا جُهُدْ بِزِيَادَةْ أَشَانْ بِحَالْكُو دِي تِأَكُّدُوا كَدَرْ اللّٰهْ عَزَلَاكُو وَ نَادَاكُو فِي دَرْبَهْ. وَ كَنْ تِسَوُّوا مِثِلْ أَنَا قُلْتَهْ، أَبَداً مَا تَمُرْقُوا مِنْ الدَّرِبْ الْعَدِيلْ دَا.

2 بُطْرُس 1:5

وَ أَشَانْ دَا، قُمُّوا بِكُلَّ جُهُدْكُو أَشَانْ تِزِيدُوا فِي الْإِيمَانْ، الْخَيْر. وَ تِزِيدُوا فِي الْخَيْر، الْمَعْرَفَةْ.

عِبْرَانِيِّين 4:11

وَ خَلَاصْ، خَلِّي نِجَاهُدُوا لِنَدْخُلُوا فِي الرَّاحَةْ دِي، أَشَانْ نَادُمْ مِنِّنَا مَا يِوَدِّرْ بِسَبَبْ الْعِصْيَانْ مِثِلْ جُدُودْنَا.

لُوقا 13:24

«جَاهُدُوا لِتَدْخُلُوا بِدَرِبْ الضَّيِّقْ أَشَانْ نُقُولْ لَيْكُو بَعَدَيْن نَاسْ كَتِيرِينْ يِدَوْرُوا يَدْخُلُوا وَ مَا يَقْدَرَوْا.

أمْثال 21:25

مُنَى الْكَسْلَانْ يَكْتُلَهْ أَشَانْ إِيدَيْنَهْ أَبَوْا الْخِدْمَةْ.

أمْثال 13:4

الْكَسْلَانْ يِتْمَنَّى وَ مَا يَلْقَى وَ لَاكِنْ النَّشِيطْ يَنْجَحْ وَ يَشْبَعْ.

يَشُوع 7:2

وَ مِنْ أَرِيحَا، يَشُوعْ رَسَّلْ جَوَاسِيسْ لِحِلَّةْ عَايْ الْقَرِيبَةْ لِحِلَّةْ بَيْت آوَنْ صَبَاحْ لِحِلَّةْ بَيْت إِيلْ. وَ قَالْ: «أَمْشُوا أَكُّدُوا الْبَلَدْ.» وَ الْجَوَاسِيسْ دَوْل مَشَوْا أَكَّدَوْا حِلَّةْ عَايْ.

يَشُوع 7:4

وَ خَلَاصْ، حَوَالَيْ 3 000 رُجَالْ مَشَوْا هَجَمَوْا الْحِلَّةْ. وَ لَاكِنْ مَا قِدْرَوْا يِشِيلُوهَا وَ عَرَّدَوْا قِدَّامْ سُكَّانْ حِلَّةْ عَايْ.