يَشُوع 7:26 - الكتاب المقدس بالعربي الدارجي هنا تشاد

²⁶ وَ هُمَّنْ سَوَّوْا فَوْقهُمْ كَوْم كَبِيرْ هَنَا حُجَارْ الْقَاعِدْ لَحَدِّي الْيَوْم. وَ خَلَاصْ، اللّٰهْ مَا غِضِبْ عَلَيْهُمْ بَتَّانْ. وَ فِي شَانْ دَا، سَمَّوْا الْبَكَانْ دَا وَادِي عَكُورْ (مَعَنَاتَهْ وَادِي الْمَصِيبَةْ) لَحَدِّي الْيَوْم.

يَشُوع 7:26 Referenca të Kryqëzuara

هُوشَع 2:15

هِنَاكْ، نِقَبِّلْ لَيْهَا جِنَيْنَاتْهَا هَنَا الْعِنَبْ وَ وَادِي عَكُورْ الْهُو وَادِي الْفَسَالَةْ يَبْقَى لَيْهَا بَابْ الْيَجِي بَيَّهْ الْعَشَمْ. هِنَاكْ، هِي تِتَابِعْنِي مِثِلْ فِي أَيَّامْ صُبَاهَا وَ مِثِلْ فِي وَكِتْ هِي مَرَقَتْ مِنْ بَلَدْ مَصِرْ.»

إشَعْيا 65:10

وَ لِشَعَبِي الْيِفَتُّشُونِي، سَهَلَةْ شَارُونْ تَبْقَى مَرْعَى لِلْغَنَمْ وَ وَادِي عَكُورْ يَبْقَى بَكَانْ رَاحَةْ لِلْبَقَرْ.

تَثْنِية 13:17

وَ مَا تِشِيلُوا لِنُفُوسْكُو أَيِّ شَيّءْ حَرَامْ الْخَصَّصَوْه لِلدَّمَارْ. وَ كَنْ مَا شِلْتُوهْ، اللّٰهْ يِخَلِّي غَضَبَهْ الشَّدِيدْ وَ يَرْحَمْكُو وَ يِسَوِّيكُو كَتِيرِينْ مِثِلْ هُو حَلَفْ لِجُدُودْكُو.

مَراثِي إرْمِيا 3:53

وَ فِي نُقْرَةْ، زَقَلَوْنِي وَ خَطَّوْا حَجَرْ مِنْ فَوْق لَيِّ.

2 صَمُوِيل 18:17

وَ شَالَوْا جَنَازَةْ أَبْشَلُومْ وَ زَقَلَوْهَا فِي نُقْرَةْ فِي الْغَابَةْ وَ رَدَمَوْا فَوْقَهْ حُجَارْ. وَ كُلَّ بَنِي إِسْرَائِيلْ عَرَّدَوْا وَ أَيِّ وَاحِدْ قَبَّلْ بَيْتَهْ.

يَشُوع 8:29

وَ يَشُوعْ شَنَقْ مَلِكْ حِلَّةْ عَايْ فِي شَدَرَةْ وَ خَلَّاهْ مُعَلَّقْ فَوْقهَا لَحَدِّي الْعَشِيَّةْ. وَ وَكِتْ الْحَرَّايْ وَقَعَتْ، يَشُوعْ أَمَرْ يِدَلُّوا جَنَازْتَهْ. وَ وَكِتْ دَلَّوْهَا، زَقَلَوْهَا فِي خَشُمْ بَابْ الْحِلَّةْ وَ سَوَّوْا فَوْقهَا كَوْم كَبِيرْ هَنَا حُجَارْ الْقَاعِدْ لَحَدِّي الْيَوْم.

يَشُوع 7:24

وَ خَلَاصْ، يَشُوعْ وَ كُلَّ بَنِي إِسْرَائِيلْ شَالَوْا عَكَانْ وِلَيْد زَارَحْ وَ الْفُضَّةْ وَ الْخَلَقْ وَ الْحَفِيضَةْ هَنَا الدَّهَبْ وَ أَوْلَادَهْ وَ بَنَاتَهْ وَ تَوْرَهْ وَ حُمَارَهْ وَ غَنَمَهْ وَ خَيْمِتَهْ وَ كُلَّ شَيّءْ الْعِنْدَهْ وَ وَدَّوْهُمْ فِي وَادِي عَكُورْ.

زَكَرِيَّا 6:8

وَ بَعَدْ دَا، اللّٰهْ نَادَانِي بِحِسّ عَالِي وَ قَالْ: «شِيفْ! الْيَمْشُوا فِي بَلَدْ الْمُنْشَاقْ يِهَدُّوا غَضَبِي فِي الْبَلَدْ دِي.»

يُوِيل 2:18

اللّٰهْ يِحِبّ بَلَدَهْ زِيَادَةْ وَ يِحِنّ فِي شَعَبَهْ.

يُوِيل 2:13

مَا تِشَرُّطُوا خُلْقَانْكُو بَسْ وَ لَاكِنْ تُوبُوا مِنْ دَاخَلْ قَلِبْكُو وَ قَبُّلُوا لِلّٰهْ إِلٰـهْكُو. أَشَانْ هُو الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ يِخَلِّي الْغَضَبْ الْأَوَّلْ هُو قَرَّرْ يِنَزِّلَهْ فَوْقكُو.

إشَعْيا 40:2

رَقُّدُوا قَلِبْ مَدِينَةْ الْقُدُسْ وَ قُولُوا لَيْهَا كَدَرْ خِدْمِتْهَا الْإِجْبَارِيَّةْ كَمَّلَتْ وَ خَطَاهَا أَنْمَحَى وَ هِي لِقَتْ مِنْ إِيدْ اللّٰهْ مَرَّتَيْن جَزَا هَنَا كُلَّ ذُنُوبْهَا.»

2 صَمُوِيل 21:14

وَ دَفَنَوْا عُضَامْ شَاوُولْ وَ يُونَتَانْ وَ الرُّجَالْ السَّبْعَةْ دَوْل فِي بَلَدْ بَنْيَامِينْ فِي حِلَّةْ صِيلَعْ فِي قَبُرْ قِيشْ أَبُو شَاوُولْ. وَ النَّاسْ سَوَّوْا كُلَّ شَيّءْ الْمَلِكْ أَمَرَاهُمْ بَيَّهْ. وَ بَعَدْ دَا، الرَّبّ رَحَمْ الْبَلَدْ دِي.

يَشُوع 10:27

وَ بَعَدْ الْحَرَّايْ وَقَعَتْ، يَشُوعْ أَمَرْ يِنَزُّلُوا جَنَازَاتْهُمْ مِنْ الشَّدَرْ وَ يَزْقُلُوهُمْ فِي الْكَرْكُورْ الْأَوَّلْ هُمَّنْ أَلَّبَّدَوْا فَوْقَهْ. وَ سَدَّوْا خَشْمَهْ بِحُجَارْ كُبَارْ وَ الْحُجَارْ دَوْل قَاعِدِينْ لَحَدِّي الْيَوْم.

خُروج 32:12

وَ مَالَا تِخَلِّي الْمَصْرِيِّينْ يِشَّمَّتَوْا فَوْقنَا وَ يُقُولُوا: ‹أَشَانْ اللّٰهْ مَا يِدَوْرهُمْ بَسْ هُو مَرَقَاهُمْ مِنْ هِنِي وَ وَدَّاهُمْ لِيَكْتُلْهُمْ فِي لُبّ الْجِبَالْ. وَ بَيْدَا، هُو يُقُشُّهُمْ مَرَّةْ وَاحِدْ مِنْ الْأَرْض.› يَا رَبّ، مَا تَغْضَبْ لِشَعَبَكْ وَ خَلِّي غَضَبَكْ الْأَوَّلْ قَرَّرْت تِنَزِّلَهْ فَوْقهُمْ.

عَدد 25:8

وَ تَابَعْ الرَّاجِلْ لَحَدِّي فِي لُبّ الْخَيْمَةْ وَ طَعَنَاهُمْ هُمَّنْ الْإِتْنَيْن طَعْنَةْ وَاحِدَةْ بَسْ. الرَّاجِلْ وَ الْمَرَةْ طَعَنَاهُمْ فِي بُطُونْهُمْ. وَ خَلَاصْ الْوَبَاءْ وَقَفْ مِنْ بَنِي إِسْرَائِيلْ.

تَثْنِية 13:18

وَ دَا أَشَانْ تَسْمَعَوْا كَلَامْ اللّٰهْ إِلٰـهْكُو وَ تَحْفَضَوْا كُلَّ الْوَصَايَا الْأَنَا نَنْطِيهُمْ لَيْكُو الْيَوْم. وَ تِسَوُّوا الْعَدِيلْ قِدَّامْ اللّٰهْ إِلٰـهْكُو.

2 أخبار 29:10

وَ هَسَّعْ دَا، أَنَا شِلْت نِيَّةْ نِسَوُّوا مُعَاهَدَةْ مَعَ اللّٰهْ إِلٰـهْ بَنِي إِسْرَائِيلْ أَشَانْ يَرْفَعْ مِنِّنَا غَضَبَهْ الْمُحْرِقْ.

عَزْرا 10:14

وَ خَلِّي كُبَارَاتْنَا بَسْ يَقْعُدُوا فِي بَدَلْنَا أَنِحْنَ الشَّعَبْ. وَ أَيِّ نَادُمْ الْقَاعِدْ فِي حِلَّالْنَا وَ أَخَدْ مَرَةْ أَجْنَبِيَّةْ، خَلِّي يَجِي فِي الْوَعَدْ الْيَقْطَعَوْه. وَ خَلِّي يِلِمّ مَعَ شُيُوخْ وَ حُكَّامْ حِلِّتَهْ. وَ بِمِثِلْ دَا، نِسَوُّوا الْيِدَوْرَهْ إِلٰـهْنَا فِي الْكَلَامْ دَا لَحَدِّي غَضَبَهْ الْمُحْرِقْ يِبَعِّدْ مِنِّنَا.»

زَبُور 85:4

قَبِّلْنَا عَلَيْك، يَا إِلٰـهْنَا وَ مُنَجِّينَا، وَ مَا تِخَلِّي غَضَبَكْ يَلْحَقْنَا.

هُوشَع 2:17

أَنَا نَمْرُقْ مِنْ خَشُمْكِ أُسُمْ أَصْنَامْ بَعَلْ وَ بَتَّانْ مَا تِنَادِي أُسُمْهُمْ.

يُونُس 1:15

خَلَاصْ، شَالَوْا يُونُسْ وَ زَقَلَوْه فِي الْبَحَرْ وَ طَوَّالِي الشَّلَّالْ وَقَفْ.