يَشُوع 7:24 - الكتاب المقدس بالعربي الدارجي هنا تشاد

²⁴ وَ خَلَاصْ، يَشُوعْ وَ كُلَّ بَنِي إِسْرَائِيلْ شَالَوْا عَكَانْ وِلَيْد زَارَحْ وَ الْفُضَّةْ وَ الْخَلَقْ وَ الْحَفِيضَةْ هَنَا الدَّهَبْ وَ أَوْلَادَهْ وَ بَنَاتَهْ وَ تَوْرَهْ وَ حُمَارَهْ وَ غَنَمَهْ وَ خَيْمِتَهْ وَ كُلَّ شَيّءْ الْعِنْدَهْ وَ وَدَّوْهُمْ فِي وَادِي عَكُورْ.

يَشُوع 7:24 Referenca të Kryqëzuara

أمْثال 15:27

الْيَجْرِي وَرَاءْ الْمَالْ الْحَرَامْ يِبَرْجِلْ بَيْتَهْ لَاكِنْ الْيَكْرَهْ الرَّشْوَةْ يُطُولْ عُمْرَهْ.

هُوشَع 2:15

هِنَاكْ، نِقَبِّلْ لَيْهَا جِنَيْنَاتْهَا هَنَا الْعِنَبْ وَ وَادِي عَكُورْ الْهُو وَادِي الْفَسَالَةْ يَبْقَى لَيْهَا بَابْ الْيَجِي بَيَّهْ الْعَشَمْ. هِنَاكْ، هِي تِتَابِعْنِي مِثِلْ فِي أَيَّامْ صُبَاهَا وَ مِثِلْ فِي وَكِتْ هِي مَرَقَتْ مِنْ بَلَدْ مَصِرْ.»

إشَعْيا 65:10

وَ لِشَعَبِي الْيِفَتُّشُونِي، سَهَلَةْ شَارُونْ تَبْقَى مَرْعَى لِلْغَنَمْ وَ وَادِي عَكُورْ يَبْقَى بَكَانْ رَاحَةْ لِلْبَقَرْ.

يَشُوع 15:7

وَ الْحُدُودْ يَمْشُوا عَلَيْ دَبِيرْ بِوَادِي عَكُورْ وَ يِقَبُّلُوا مُنْشَاقْ عَلَيْ قِلْقَالْ الْمُقَابِلَةْ الْقَوْز هَنَا أَدُومِيمْ الْقَاعِدْ وَطِي لِلْوَادِي. الْحُدُودْ دَوْل يِعَدُّوا قَرِيبْ لِأَلْمِي هَنَا عَيْن شَمْس وَ يَمْشُوا لَحَدِّي عَيْن رُوقِلْ.

يَشُوع 7:26

وَ هُمَّنْ سَوَّوْا فَوْقهُمْ كَوْم كَبِيرْ هَنَا حُجَارْ الْقَاعِدْ لَحَدِّي الْيَوْم. وَ خَلَاصْ، اللّٰهْ مَا غِضِبْ عَلَيْهُمْ بَتَّانْ. وَ فِي شَانْ دَا، سَمَّوْا الْبَكَانْ دَا وَادِي عَكُورْ (مَعَنَاتَهْ وَادِي الْمَصِيبَةْ) لَحَدِّي الْيَوْم.

خُروج 20:5

وَ مَا تَسْجُدْ قِدَّامْ الْأَصْنَامْ دَوْل وَ لَا تَعَبُدْهُمْ أَشَانْ أَنَا بَسْ اللّٰهْ إِلٰـهَكْ. أَنَا اللّٰهْ غَيُّورْ يَعْنِي مَا نِدَوْر تَعَبُدْ إِلٰـهْ آخَرْ. وَ أَنَا نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ كَنْ هُمَّنْ يَكْرَهَوْنِي.

جامِعة 5:13

فِي الْأَرْض، أَنَا شِفْت فَسَالَةْ تَجْرَحْ الْقَلِبْ. الْغُنَى السِّيدَهْ يُضُمَّهْ يِسَبِّبْ لَيَّهْ الْهَلَاكْ.

أيُّوب 20:15

الْمَالْ الْهُو زَرَطَهْ يِقَدِّفَهْ وَ الرَّبّ بَسْ يَمُرْقَهْ مِنْ بَطْنَهْ.

يَشُوع 7:1

وَ بَنِي إِسْرَائِيلْ عِصَوْا اللّٰهْ فِي الْخُمَامْ الْهُو حَرَّمَهْ لَيْهُمْ. عَكَانْ وِلَيْد كَرْمِي وِلَيْد زَبْدِي وِلَيْد زَارَحْ مِنْ قَبِيلَةْ يَهُوذَا شَالْ مِنْ الْخُمَامْ الْحَرَامْ وَ خَلَاصْ، اللّٰهْ غِضِبْ لِبَنِي إِسْرَائِيلْ.

يَشُوع 6:21

وَ هُمَّنْ دَمَّرَوْا كُلَّ شَيّءْ فِي الْحِلَّةْ. كَتَلَوْا بِالْسَّيْف كُلَّ الرُّجَالْ وَ الْعَوِينْ وَ الْعِيَالْ وَ الشِّيَّابْ وَ الْبَقَرْ وَ الْغَنَمْ وَ الْحَمِيرْ.

يَشُوع 6:18

وَ كَنْ لَيْكُو إِنْتُو، أَنْقَرْعُوا مِنْ الْحَرَامْ. مَا تَطْمَعَوْا وَ تِشِيلُوا الْخُمَامْ الْحَرَامْ أَشَانْ تِنَجُّسُوا بَيَّهْ فَرِيقْ بَنِي إِسْرَائِيلْ وَ تِجِيبُوا فَوْقَهْ الْمَصِيبَةْ.

تكوين 18:25

أَبَداً مَا تَقْدَرْ تِسَوِّيهْ، يَا رَبّ! إِنْتَ مَا تِدَمِّرْ الْعَدِيلِينْ مَعَ الْفَسْلِينْ! أَشَانْ النَّاسْ الْعَدِيلِينْ مَا مِثِلْ النَّاسْ الْفَسْلِينْ! هَلْ الْحَاكِمْ هَنَا كُلَّ الْأَرْض مَا يِسَوِّي الْعَدَالَةْ وَلَّا؟»

يَشُوع 7:23

هُمَّنْ مَرَقَوْا الْخُمَامْ مِنْ الْخَيْمَةْ وَ وَدَّوْه لِيَشُوعْ وَ لِكُلَّ بَنِي إِسْرَائِيلْ. وَ خَطَّوْه قِدَّامْ اللّٰهْ.

يَشُوع 22:20

وَكِتْ عَكَانْ وِلَيْد زَارَحْ عِصِي وَ شَالْ الْخُمَامْ الْحَرَامْ، هُو مَا هِلِكْ وِحَيْدَهْ بِسَبَبْ خَطَايَهْ لَاكِنْ غَضَبْ اللّٰهْ وَقَعْ فِي كُلَّ مُجْتَمَعْ بَنِي إِسْرَائِيلْ!›»