يَشُوع 7:2 - الكتاب المقدس بالعربي الدارجي هنا تشاد

² وَ مِنْ أَرِيحَا، يَشُوعْ رَسَّلْ جَوَاسِيسْ لِحِلَّةْ عَايْ الْقَرِيبَةْ لِحِلَّةْ بَيْت آوَنْ صَبَاحْ لِحِلَّةْ بَيْت إِيلْ. وَ قَالْ: «أَمْشُوا أَكُّدُوا الْبَلَدْ.» وَ الْجَوَاسِيسْ دَوْل مَشَوْا أَكَّدَوْا حِلَّةْ عَايْ.

يَشُوع 7:2 Referenca të Kryqëzuara

يَشُوع 18:12

وَ مِنْ جِيهَةْ الْمُنْشَاقْ، حُدُودْهُمْ يَمْشُوا مِنْ بَحَرْ الْأُرْدُنْ لَحَدِّي الدِّلَّيَّةْ هَنَا أَرِيحَا فِي الْمُنْشَاقْ وَ لَحَدِّي بَلَدْ الْجِبَالْ الْفِي الْغَرِبْ وَ يَقِيفُوا فِي صَحَرَاء بَيْت آوَنْ.

هُوشَع 4:15

يَا بَنِي إِسْرَائِيلْ، كَنْ إِنْتُو أَشَّرْمَطْتُوا كُلَ، خَلِّي بَنِي يَهُوذَا مَا يَخْطَوْا! مَا تَمْشُوا لِبَكَانْ الْعِبَادَةْ فِي قِلْقَالْ وَ لَا تَطْلَعَوْا عَلَيْ بَيْت إِيلْ الْفَسْلَةْ وَ مَا تَحَلْفُوا بِاللّٰهْ الْحَيّ.

1 صَمُوِيل 14:23

وَ فِي الْيَوْم دَا، اللّٰهْ نَجَّى بَنِي إِسْرَائِيلْ. وَ الْحَرِبْ لِحِقْ لَحَدِّي غَادِي لِحِلَّةْ بَيْت آوَنْ.

1 صَمُوِيل 13:5

وَ الْفِلِسْطِيِّينْ كُلَ لَمَّوْا لِيِحَارُبُوا بَنِي إِسْرَائِيلْ وَ هُمَّنْ عِنْدُهُمْ 30 000 عَرَبَاتْ الْحَرِبْ وَ 6 000 سِيَادْ الْخَيْل وَ رُجَالْ كَتِيرِينْ مِثِلْ رَمْلَةْ هَنَا خَشُمْ الْبَحَرْ. وَ جَوْا وَ دَلَّوْا فِي حِلَّةْ مِكْمَاشْ صَبَاحْ لِحِلَّةْ بَيْت آوَنْ.

مَتَّى 10:16

«أَسْمَعَوْا! نِرَسِّلْكُو فِي أُسْط النَّاسْ وَ تَبْقَوْا مِثِلْ غَنَمْ فِي أُسْط الْمَرَافْعِينْ. أَشَانْ دَا، وَاجِبْ تَبْقَوْا حَضِيرِينْ مِثِلْ الدَّابِي وَ بَرِيِّينْ مِثِلْ الْحَمَامَةْ.

أمْثال 24:6

أَشَانْ بِالرَّايْ تَقْدَرْ تِحَارِبْ وَ النَّصُرْ يَجِي بِكَتَرَةْ الْمُسْتَشَارِينْ.

أمْثال 20:18

بِالشَّوْرَةْ، الْخِدْمَةْ تَبْقَى قَوِيَّةْ وَ قُودْ الْحَرِبْ بِمَعْلُومَاتْ.

تكوين 12:8

وَ بَعَدْ دَا، أَبْرَامْ مَشَى عَلَيْ الْحُجَارْ الْقَاعِدِينْ صَبَاحْ لِحِلَّةْ بَيْت إِيلْ وَ سَوَّى فَرِيقَهْ غَرِبْ لِحِلَّةْ عَايْ وَ صَبَاحْ لِبَيْت إِيلْ. وَ هِنَاكْ كُلَ بَنَى مَدْبَحْ لِلّٰهْ وَ سَأَلْ بِأُسُمْ اللّٰهْ.

أفَسُس 5:15

فَكُّرُوا تَمَامْ فِي حَالْكُو. مَا تِعِيشُوا بِحَالْ الْمُغَفَّلِينْ لَاكِنْ بِحَالْ الْفَاهِمِينْ.

نَحَمْيا 11:31

وَ نَاسْ قَبِيلَةْ بَنْيَامِينْ كَمَانْ جَوْا سَكَنَوْا فِي حِلَّالْ قَبَعْ وَ مِكْمَاشْ وَ عَيَّةْ وَ بَيْت إِيلْ وَ الْحِلَّالْ التَّابْعِينْ لَيْهَا

يَشُوع 12:9

وَ الْمُلُوكْ الدَّمَّرَوْهُمْ هُمَّنْ مَلِكْ أَرِيحَا وَ مَلِكْ حِلَّةْ عَايْ الْقَاعِدَةْ جَنْب بَيْت إِيلْ

يَشُوع 2:1

وَ مِنْ فَرِيقْهُمْ فِي شِطِّيمْ، يَشُوعْ وِلَيْد نُونْ رَسَّلْ جَوَاسِيسْ إِتْنَيْن بِسِرّ وَ قَالْ لَيْهُمْ: «أَمْشُوا أَكُّدُوا الْبَلَدْ وَ حِلَّةْ أَرِيحَا.» وَ هُمَّنْ مَشَوْا. وَكِتْ وَصَّلَوْا فِي حِلَّةْ أَرِيحَا، دَخَلَوْا فِي بَيْت هَنَا مَرَةْ وَاحِدَةْ شَرْمُوطَةْ أُسُمْهَا رَاحَابْ وَ نَامَوْا فِي الْبَكَانْ دَا.

تكوين 28:19

وَ سَمَّى الْبَكَانْ دَا بَيْت إِيلْ (مَعَنَاتَهْ بَيْت اللّٰهْ). وَ لَاكِنْ زَمَانْ، الْحِلَّةْ دِي أُسُمْهَا لُوزْ.

يَشُوع 7:3

وَ وَكِتْ قَبَّلَوْا، قَالَوْا لِيَشُوعْ: «خَلِّي الشَّعَبْ كُلُّهُمْ مَا يَمْشُوا. خَلِّي نَاسْ مِثِلْ 2 000 أَوْ 3 000 بَسْ يَمْشُوا يَهْجُمُوا حِلَّةْ عَايْ أَشَانْ سُكَّانْهَا شِيَّةْ وَ فِي شَانْ دَا، مَا تِتَعِّبْ الشَّعَبْ كُلُّهُمْ كَيْ.»

1 صَمُوِيل 30:27

وَ دَاوُدْ رَسَّلْهَا لِكُبَارَاتْ هَنَا حِلَّالْ بَيْت إِيلْ وَ رَامُوتْ فِي الْوَطِي وَ يَتِّيرْ

إرْمِيا 49:3

يَا نَاسْ مَدِينَةْ حَشْبُونْ، أَحْزَنَوْا أَشَانْ حِلَّةْ عَايْ أَدَّمَّرَتْ! يَا سُكَّانْ حِلَّالْ رَبَّةْ، أَبْكُوا! أَلْبَسَوْا خُلْقَانْ الْحِزِنْ وَ نُوحُوا! وَ أَجْرُوا جَايْ وَ جَايْ فِي لُبّ الدُّرْدُرْ. أَشَانْ صَنَمْكُو مُولَكْ يِوَدُّوهْ فِي الْغُرْبَةْ مَعَ رُجَالْ الدِّينْ هِنَيْه وَ خَدَّامِينَهْ.

1 مُلوك 12:29

وَ خَطَّ الْأَصْنَامْ دَوْل وَاحِدْ فِي حِلَّةْ بَيْت إِيلْ وَ الْآخَرْ فِي حِلَّةْ دَانْ.

إشَعْيا 10:28

وَ عَسْكَرْ أَشُورْ يَجُوا فِي حِلَّةْ عَيَّتْ وَ يُشُقُّوا حِلَّةْ مِقْرُونْ وَ فِي حِلَّةْ مِكْمَاشْ، يِخَلُّوا مُعِدَّاتْهُمْ.