يَشُوع 7:16 - الكتاب المقدس بالعربي الدارجي هنا تشاد

¹⁶ وَ خَلَاصْ، يَشُوعْ قَمَّ بِفَجُرْ بَدْرِي وَ قَدَّمْ بَنِي إِسْرَائِيلْ حَسَبْ قَبَايِلْهُمْ وَ خَلَاصْ، قَبِيلَةْ يَهُوذَا عَزَلَوْهَا.

يَشُوع 7:16 Referenca të Kryqëzuara

جامِعة 9:10

أَيِّ شَيّءْ التِّسَوِّيهْ، سَوِّيهْ بِكُلَّ قُدُرْتَكْ. أَشَانْ مَا فِي خِبْرَةْ وَ لَا مَعْرَفَةْ وَ لَا حِكْمَةْ فِي الْقَبُرْ، الْبَكَانْ الْإِنْتَ مَاشِي لَيَّهْ.

زَبُور 119:60

وَ بَلَا تَأخِيرْ عَجَلَةْ كَيْ، أَنَا حَفَضْت قَوَانِينَكْ.

يَشُوع 3:1

وَ بِفَجُرْ بَدْرِي، يَشُوعْ وَ كُلَّ بَنِي إِسْرَائِيلْ قَمَّوْا مِنْ فَرِيقْهُمْ فِي شِطِّيمْ وَ نَزَلَوْا فِي خَشُمْ بَحَرْ الْأُرْدُنْ. وَ هُمَّنْ قَعَدَوْا فِي الْبَكَانْ دَا قُبَّالْ مَا يَقْطَعَوْا.

تكوين 22:3

وَ خَلَاصْ بِفَجُرْ بَدْرِي، إِبْرَاهِيمْ قَمَّ وَ شَقَّقْ حَطَبْ هَنَا الضَّحِيَّةْ. هُو شَالْ حُمَارَهْ وَ نَاسَيْن مِنْ خَدَّامِينَهْ وَ وِلَيْدَهْ إِسْحَاقْ. وَ مَشَوْا عَلَيْ الْبَكَانْ الْوَصَّفَهْ لَيَّهْ الرَّبّ.

يَشُوع 7:15

وَ الرَّاجِلْ الْيَعَزِلَهْ اللّٰهْ بِسَبَبْ هُو شَالْ خُمَامْ حَرَامْ، الرَّاجِلْ دَا يِحَرُّقُوهْ فِي النَّارْ هُو وَ كُلَّ شَيّءْ الْعِنْدَهْ أَشَانْ هُو نَقَضْ مُعَاهَدَةْ اللّٰهْ وَ سَوَّى فِعِلْ شَيْن فِي بَنِي إِسْرَائِيلْ.“›»

يَشُوع 7:17

وَ قَدَّمْ قَبِيلَةْ يَهُوذَا حَسَبْ خُشُومْ بُيُوتْهَا وَ خَشُمْ بَيْت زَارَحْ عَزَلَوْه. وَ قَدَّمْ خَشُمْ بَيْت زَارَحْ حَسَبْ عَايِلَاتَهْ وَ عَايِلَةْ زَبْدِي عَزَلَوْهَا.

قُضياء 20:19

وَ خَلَاصْ، بَنِي إِسْرَائِيلْ قَمَّوْا بِفَجُرْ بَدْرِي وَ مَشَوْا نَزَلَوْا جَنْب قِبَيْعَةْ.