يَشُوع 7:15 - الكتاب المقدس بالعربي الدارجي هنا تشاد

¹⁵ وَ الرَّاجِلْ الْيَعَزِلَهْ اللّٰهْ بِسَبَبْ هُو شَالْ خُمَامْ حَرَامْ، الرَّاجِلْ دَا يِحَرُّقُوهْ فِي النَّارْ هُو وَ كُلَّ شَيّءْ الْعِنْدَهْ أَشَانْ هُو نَقَضْ مُعَاهَدَةْ اللّٰهْ وَ سَوَّى فِعِلْ شَيْن فِي بَنِي إِسْرَائِيلْ.“›»

يَشُوع 7:15 Referenca të Kryqëzuara

تكوين 34:7

وَ وَكِتْ أَوْلَادْ يَعْقُوبْ سِمْعَوْا بِالشَّيّءْ الْكَانْ دَا، جَوْا مِنْ الْخَلَاءْ وَ زَعْلَانِينْ زَعَلْ شَدِيدْ. أَشَانْ شَكِيمْ سَوَّى فِعِلْ شَيْن فِي قَبِيلَةْ إِسْرَائِيلْ وَكِتْ خَطَفْهَا وَ تَلَّفْ شَرَفْهَا لِبِنَيَّةْ يَعْقُوبْ. وَ الشَّيّءْ دَا، مَا وَاجِبْ يُكُونْ أَبَداً.

قُضياء 20:6

وَ أَنَا شِلْت جَنَازَةْ سِرِّيتِي وَ قَطَّعْتَهَا وَ رَسَّلْتَهَا فِي كُلَّ أَرْض وَرَثَةْ هَنَا بَنِي إِسْرَائِيلْ أَشَانْ النَّاسْ دَوْل سَوَّوْا فَسَالَةْ وَ فِعِلْ شَيْن فِي بَنِي إِسْرَائِيلْ.

2 صَمُوِيل 13:13

فَكِّرْ فَوْقِي، أَنَا نَمْشِي وَيْن بِعَيْبِي دَا؟ وَ فَكِّرْ فِي نَفْسَكْ، إِنْتَ تَبْقَى مِثِلْ مَطْمُوسْ فِي إِسْرَائِيلْ. هَسَّعْ دَا، نَشْحَدَكْ حَجِّي لِأَبُونَا الْمَلِكْ. هُو مَا يَابَى، يَنْطِينِي لَيْك.»

1 صَمُوِيل 26:21

وَ شَاوُولْ قَالْ: «أَنَا أَذْنَبْت. قَبِّلْ، يَا وِلَيْدِي دَاوُدْ! أَنَا بَتَّانْ مَا نِسَوِّي لَيْك شَيّءْ فَسِلْ. أَشَانْ فِي الْيَوْم دَا، إِنْتَ شِفْت حَيَاتِي عِنْدَهَا قِيمَةْ قِدَّامَكْ. وَ أَنَا خِطِيتْ زِيَادَةْ وَكِتْ قَمَّيْت ضِدَّكْ مِثِلْ نَادُمْ مَا عِنْدَهْ فِكِرْ.»

يَشُوع 7:11

بَنِي إِسْرَائِيلْ أَذْنَبَوْا! أَيْوَى، هُمَّنْ نَقَضَوْا مُعَاهَدَتِي الْأَنَا أَمَرْتُهُمْ بَيْهَا وَ شَالَوْا مِنْ الْخُمَامْ الْحَرَامْ، سِرْقَوْه وَ لَبَّدَوْه فِي خُمَامْهُمْ.

يَشُوع 7:16

وَ خَلَاصْ، يَشُوعْ قَمَّ بِفَجُرْ بَدْرِي وَ قَدَّمْ بَنِي إِسْرَائِيلْ حَسَبْ قَبَايِلْهُمْ وَ خَلَاصْ، قَبِيلَةْ يَهُوذَا عَزَلَوْهَا.

قُضياء 20:5

وَ سُكَّانْ قِبَيْعَةْ قَمَّوْا ضِدِّي وَ بِاللَّيْل، حَوَّقَوْا الْبَيْت الْأَنَا دَلَّيْت فَوْقَهْ وَ دَوَّرَوْا يَكْتُلُونِي. وَ شَالَوْا سِرِّيتِي وَ رَقَدَوْا مَعَاهَا بِقُوءْ لَحَدِّي مَاتَتْ.

قُضياء 20:10

وَ نِشِيلُوا رُجَالْ مِنْ كُلَّ قَبَايِلْ بَنِي إِسْرَائِيلْ. مِنْ الْمِيَةْ، نِشِيلُوا 10 وَ مِنْ الْأَلِفْ، نِشِيلُوا 100 وَ مِنْ الْعَشَرَةْ أَلِفْ نِشِيلُوا 1 000. وَ النَّاسْ دَوْل يِجِيبُوا أَكِلْ لِلرُّجَالْ الْيَمْشُوا يَهْجُمُوا قِبَيْعَةْ هَنَا بَنْيَامِينْ لِيِسَوُّوا فَوْقهُمْ حَسَبْ فِعِلْهُمْ الشَّيْن السَّوَّوْه فِي بَنِي إِسْرَائِيلْ.»