يَشُوع 6:7 - الكتاب المقدس بالعربي الدارجي هنا تشاد

⁷ وَ هُو قَالْ لِلشَّعَبْ: «أَمْشُوا وَ حَوُّقُوا الْحِلَّةْ وَ الرُّجَالْ الْمُسَلَّحِينْ خَلِّي يَمْشُوا قِدَّامْ صَنْدُوقْ اللّٰهْ.»

يَشُوع 6:7 Referenca të Kryqëzuara

يَشُوع 4:13

وَ حَوَالَيْ 40 000 رُجَالْ مُسَلَّحِينْ قَطَعَوْا الْبَحَرْ جَاهِزِينْ لِلْحَرِبْ وَ اللّٰهْ مَعَاهُمْ. وَ هُمَّنْ مُتَوَجِّهِينْ عَلَيْ كَدَادَةْ أَرِيحَا.

يَشُوع 6:3

وَ شِيلْ كُلَّ الرُّجَالْ الْمُحَارِبِينْ وَ رُوغُوا حَوُّقُوا الْحِلَّةْ دِي. وَ حَوُّقُوا الْحِلَّةْ دِي مَرَّةْ وَاحِدَةْ أَيِّ يَوْم لَحَدِّي سِتَّةْ يَوْم.

يَشُوع 1:14

هَسَّعْ دَا، عَوِينْكُو وَ عِيَالْكُو وَ بَهَايِمْكُو يَقْعُدُوا هِنِي فِي الْبَلَدْ الْأَنْطَاهَا لَيْكُو مُوسَى، صَبَاحْ لِبَحَرْ الْأُرْدُنْ. وَ لَاكِنْ إِنْتُو كُلُّكُو الرُّجَالْ الْفُرَّاسْ، جَهُّزُوا لِلْحَرِبْ وَ أَمْشُوا قِدَّامْ أَخْوَانْكُو وَ سَاعُدُوهُمْ.

يَشُوع 6:6

وَ بَعَدْ دَا، يَشُوعْ وِلَيْد نُونْ نَادَى رُجَالْ الدِّينْ وَ قَالْ لَيْهُمْ: «شِيلُوا صَنْدُوقْ الْمُعَاهَدَةْ وَ خَلِّي سَبْعَةْ رُجَالْ دِينْ يَمْشُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ.»

يَشُوع 6:8

وَ كُلَّ شَيّءْ بِقِي مِثِلْ يَشُوعْ قَالَهْ لِلشَّعَبْ. وَ رُجَالْ الدِّينْ السَّبْعَةْ مَشَوْا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ شَالْ بُوقْ وَ يَضُرْبَهْ. وَ صَنْدُوقْ مُعَاهَدَةْ اللّٰهْ كَمَانْ مَاشِي وَرَاهُمْ.