يَشُوع 6:5 - الكتاب المقدس بالعربي الدارجي هنا تشاد

⁵ وَ وَكِتْ تَسْمَعَوْا رُجَالْ الدِّينْ يَضُرْبُوا حِسّ طَوِيلْ فِي الْبُوقْ، خَلِّي كُلَّ الشَّعَبْ يِعِيطُوا. وَ الدُّرْدُرْ الْمُحَوِّقْ الْحِلَّةْ يَقَعْ وَ خَلَاصْ، كُلُّكُو تَهْجُمُوا الْحِلَّةْ، أَيِّ وَاحِدْ بِالْفَرَقَةْ الْقِدَّامَهْ.»

يَشُوع 6:5 Referenca të Kryqëzuara

عِبْرَانِيِّين 11:30

وَ بِالْإِيمَانْ، دَرَادِرْ هَنَا مَدِينَةْ أَرِيحَا وَقَعَوْا وَ دَا بَعَدْ بَنِي إِسْرَائِيلْ حَوَّقَوْهَا سَبْعَةْ مَرَّاتْ.

خُروج 19:19

وَ ضَرِبِينْ الْبُوقْ قَاعِدْ يِزِيدْ. وَكِتْ مُوسَى قَاعِدْ يِكَلِّمْ مَعَ الرَّبّ، هُو يُرُدّ لَيَّهْ بِحِسّ مِثِلْ حِسّ الرَّعَدْ.

1 صَمُوِيل 17:52

وَ رُجَالْ بَنِي إِسْرَائِيلْ وَ قَبِيلَةْ يَهُوذَا عَاطَوْا وَ طَارَدَوْا الْفِلِسْطِيِّينْ لَحَدِّي قَرِيبْ لِخَشُمْ الْوَادِي وَ لَحَدِّي خَشُمْ بَابْ مَدِينَةْ عَقْرُونْ. وَ جِثَثْ الْفِلِسْطِيِّينْ مُشَتَّتِينْ فِي دَرِبْ حِلَّةْ شَعَرَايِمْ لَحَدِّي حِلَّالْ قَاتْ وَ عَقْرُونْ.

1 صَمُوِيل 17:20

وَ دَاوُدْ قَمَّ بِفَجُرْ بَدْرِي وَ خَلَّى الْغَنَمْ مَعَ الْحَرَسْ وَ شَالْ خُمَامَهْ وَ مَشَى مِثِلْ أَبُوهْ يَسَّى أَمَرَهْ بَيَّهْ. وَ وِصِلْ فِي الْمُعَسْكَرْ وَكِتْ الْعَسْكَرْ كُلُّهُمْ مَرَقَوْا وَ رَصَّوْا لِلدُّوَاسْ وَ قَاعِدِينْ يِشَجُّعُوا نُفُوسْهُمْ بِحِسّ عَالِي.

1 صَمُوِيل 4:5

وَ وَكِتْ صَنْدُوقْ مُعَاهَدَةْ اللّٰهْ وَصَّلْ فِي الْمُعَسْكَرْ دَا، بَنِي إِسْرَائِيلْ صَرَخَوْا مِنْ الْفَرْحَةْ وَ مِنْ صِرَاخْهُمْ، الْأَرْض رَجَفَتْ.

يَشُوع 6:20

وَ ضَرَبَوْا الْبُوقْ وَ وَكِتْ الشَّعَبْ سِمْعَوْا ضَرِبِينْ الْبُوقْ، عَاطَوْا بِشِدَّةْ. وَ طَوَّالِي، دُرْدُرْ الْحِلَّةْ وَقَعْ وَ بَنِي إِسْرَائِيلْ هَجَمَوْا الْحِلَّةْ أَيِّ وَاحِدْ بِالْفَرَقَةْ الْقِدَّامَهْ وَ شَالَوْا الْحِلَّةْ.

يَشُوع 6:16

وَ فِي الْمَرَّةْ السَّابْعَةْ، رُجَالْ الدِّينْ ضَرَبَوْا الْبُوقْ وَ يَشُوعْ قَالْ لِلشَّعَبْ: «عِيطُوا أَشَانْ اللّٰهْ أَنْطَاكُو الْحِلَّةْ!

إرْمِيا 50:15

حَوُّقُوهَا مِنْ كُلِّ جِيهَةْ وَ كَوْرُكُوا كُرَوْرَاكْ الْحَرِبْ ضِدَّهَا. وَ خَلَاصْ، هِي تِسَلِّمْ نَفِسْهَا وَ قُصُورْهَا يِدَفُّقُوا وَ دَرَادِرْهَا يَقَعَوْا. اللّٰهْ كَفَّى التَّارْ فَوْقهَا. إِنْتُو كُلَ كَفُّوا التَّارْ وَ سَوُّوا فَوْقهَا مِثِلْ هِي سَوَّتْ.

إشَعْيا 30:25

وَ فِي يَوْم الْمَوْت الْكَتِيرْ وَكِتْ الْخَنَادِقْ يَقَعَوْا، وُدْيَانْ أَلْمِي يَجْرُوا بِكَتَرَةْ فِي أَيِّ جَبَلْ عَالِي وَ أَيِّ حَجَرْ طَوِيلْ.

إشَعْيا 25:12

يَا مُوَابْ! اللّٰهْ يَرْمِي وَ يِنَزِّلْ دَرَادِرْكِ الْقَوِيِّينْ وَ طُوَالْ وَ يَرْمِيهُمْ فِي الْعَجَاجْ وَ التُّرَابْ.

يَشُوع 6:4

وَ سَبْعَةْ رُجَالْ دِينْ يُرُوغُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ. وَ فِي الْيَوْم السَّابِعْ، رُوغُوا وَ حَوُّقُوا الْحِلَّةْ سَبْعَةْ مَرَّاتْ وَ رُجَالْ الدِّينْ يَضُرْبُوا الْبُوقْ.

يَشُوع 6:6

وَ بَعَدْ دَا، يَشُوعْ وِلَيْد نُونْ نَادَى رُجَالْ الدِّينْ وَ قَالْ لَيْهُمْ: «شِيلُوا صَنْدُوقْ الْمُعَاهَدَةْ وَ خَلِّي سَبْعَةْ رُجَالْ دِينْ يَمْشُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ.»

قُضياء 20:37

وَ بِسُرْعَةْ، نَاسْ الْكَمِينْ قَمَّوْا هَجَمَوْا قِبَيْعَةْ وَ كَتَلَوْا كُلَّ نَاسْ الْحِلَّةْ بِالْسَّيْف.