يَشُوع 6:4 - الكتاب المقدس بالعربي الدارجي هنا تشاد

⁴ وَ سَبْعَةْ رُجَالْ دِينْ يُرُوغُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ. وَ فِي الْيَوْم السَّابِعْ، رُوغُوا وَ حَوُّقُوا الْحِلَّةْ سَبْعَةْ مَرَّاتْ وَ رُجَالْ الدِّينْ يَضُرْبُوا الْبُوقْ.

يَشُوع 6:4 Referenca të Kryqëzuara

رُؤية 16:1

وَ فِي الْبَكَانْ دَا، سِمِعْت حِسّ شَدِيدْ مَرَقْ مِنْ لُبّ بَيْت الْعِبَادَةْ وَ هُو حَجَّى لِلسَّبْعَةْ مَلَائِكَةْ وَ قَالْ: «أَمْشُوا بِالسَّبْعَةْ كِيسَانْ هَنَا غَضَبْ اللّٰهْ وَ دَفُّقُوهُمْ فِي الْأَرْض.»

2 أخبار 20:17

مَا وَاجِبْ لَيْكُو تِحَارُبُوهُمْ. أَمْشُوا وَ أَقِيفُوا بَسْ وَ شِيفُوا النَّجَاةْ النِّجِيبْهَا لَيْكُو أَنَا اللّٰهْ. يَا نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ، مَا تَخَافَوْا وَ لَا تِنْبَهْتُوا! أَمْبَاكِرْ، أَمْشُوا وَاجُهُوهُمْ وَ أَنَا اللّٰهْ نُكُونْ مَعَاكُو.›»

رُؤية 8:2

وَ فِي الْبَكَانْ دَا، أَنَا شِفْت السَّبْعَةْ مَلَائِكَةْ الْوَاقْفِينْ قِدَّامْ اللّٰهْ. وَ أَنْطَوْهُمْ سَبْعَةْ بُرُنْجِي.

2 أخبار 20:21

وَ يَهُوشَفَطْ مَعَ الشَّعَبْ أَشَّاوَرَوْا وَ خَطَّ كُبَارَاتْ هَنَا غِنَيْ الشُّكُرْ أَشَانْ يَمْشُوا قِدَّامْ الدَّيْش لِيَشْكُرُوا اللّٰهْ الْقُدُّوسْ. وَ يُقُولُوا: «أَشْكُرُوا اللّٰهْ أَشَانْ رَحْمَتَهْ دَايْمَةْ إِلَى الْأَبَدْ!»

1 مُلوك 18:43

وَ بَعَدْ دَا، إِلِيَاسْ قَالْ لِخَدَّامَهْ: «أَطْلَعْ فَوْق وَ شِيفْ عَلَيْ الْبَحَرْ الْأَبْيَضْ.» وَ خَدَّامَهْ طَلَعْ وَ شَافْ وَ قَالْ لَيَّهْ: «مَا شِفْت شَيّءْ.» وَ سَبْعَةْ مَرَّاتْ إِلِيَاسْ قَالْ لَيَّهْ: «أَمْشِي شِيفْ بَتَّانْ.»

لاوِيِّين 14:16

وَ يِدِسّ أُصْبَعَهْ هَنَا إِيدَهْ الزَّيْنَةْ فِي الدِّهِنْ الْفِي كَفَّهْ الْإِسْرَايْ وَ يُرُشّ بِأُصْبَعَهْ الدِّهِنْ سَبْعَةْ مَرَّاتْ قِدَّامْ اللّٰهْ.

رُؤية 15:7

وَ وَاحِدْ مِنْ الْأَرْبَعَةْ مَخْلُوقِينْ السَّمَاوِيِّينْ أَنْطَاهُمْ سَبْعَةْ كِيسَانْ هَنَا دَهَبْ. وَ السَّبْعَةْ كِيسَانْ مَلَانِينْ بِغَضَبْ اللّٰهْ الْحَيّ دَايْماً وَ إِلَى الْأَبَدْ.

رُؤية 15:1

وَ أَنَا شِفْت عَلَامَةْ آخَرَةْ فِي السَّمَاءْ وَ هِي عَلَامَةْ عَجِيبَةْ وَ عَظِيمَةْ. شِفْت سَبْعَةْ مَلَائِكَةْ مَسْؤُولِينْ فِي سَبْعَةْ وَبَاءْ وَ بَعَدْ السَّبْعَةْ وَبَاءْ دَوْل، وَبَاءْ آخَرْ مَا فِيهْ أَشَانْ بَيْهُمْ غَضَبْ اللّٰهْ يِتِمّ.

رُؤية 10:3

وَ حَجَّى بِحِسّ شَدِيدْ مِثِلْ قَرْقَرَانْ الدُّودْ. وَ وَكِتْ هُو حَجَّى، السَّبْعَةْ رَعَدْ كَلَّمَوْا.

رُؤية 8:6

وَ خَلَاصْ، السَّبْعَةْ مَلَائِكَةْ الْعِنْدُهُمْ السَّبْعَةْ بُرُنْجِي، أَيِّ وَاحِدْ رَفَعْ الْبُرُنْجِي الْعِنْدَهْ وَ قَعَدْ جَاهِزْ لِيَضُرْبَهْ.

رُؤية 5:6

وَ فِي الْبَكَانْ دَا، أَنَا شِفْت حَمَلْ وَاقِفْ أُسْط الْعَرْش أَمْبَيْن الْأَرْبَعَةْ مَخْلُوقِينْ قِدَّامْ الشُّيُوخْ. وَ الْحَمَلْ يِشَابِهْ مِثِلْ أَوَّلْ دَبَحَوْه. وَ عِنْدَهْ سَبْعَةْ قُرُونْ وَ سَبْعَةْ عُيُونْ وَ هُمَّنْ الْأَرْوَاحْ السَّبْعَةْ الْاللّٰهْ رَسَّلَاهُمْ فِي كُلَّ الْأَرْض.

رُؤية 5:1

وَ أَنَا شِفْت مَكْتُوبْ مَلْفُوفْ فِي الْإِيدْ الزَّيْنَةْ هَنَا الْقَاعِدْ فِي الْعَرْش وَ الْمَكْتُوبْ دَا عِنْدَهْ كِتَابَةْ مِنْ دَاخَلْ وَ مِنْ بَرَّا. وَ الْمَكْتُوبْ مَخْتُومْ بِسَبْعَةْ خِتِمْ.

رُؤية 1:20

نِفَسِّرْ لَيْك السِّرّ هَنَا السَّبْعَةْ نُجُومْ الشِّفْتُهُمْ فِي إِيدِي الزَّيْنَةْ وَ السَّبْعَةْ فَانُوسْ هَنَا دَهَبْ. السَّبْعَةْ نُجُومْ دَوْل هُمَّنْ يِمَثُّلُوا الْمَلَائِكَةْ الْيَحْفَضَوْا جَمَاعَاتْ الْمُؤمِنِينْ السَّبْعَةْ. وَ السَّبْعَةْ فَانُوسْ، هُمَّنْ السَّبْعَةْ جَمَاعَاتْ ذَاتْهُمْ.»

رُؤية 1:4

وَ دَاهُو أَنَا يُوحَنَّا نَكْتِبْ وَ نِرَسِّلْ الْكَلَامْ دَا لِجَمَاعَاتْ الْمُؤمِنِينْ السَّبْعَةْ الْفِي بَلَدْ آسِيَا. عَلَيْكُمْ السَّلَامْ وَ الرَّحْمَةْ مِنْ اللّٰهْ الْقَاعِدْ فِي الْوَكِتْ الْفَاتْ وَ الْوَكِتْ الْحَاضِرْ وَ الْوَكِتْ الْجَايِ. وَ السَّلَامْ مِنْ الْأَرْوَاحْ السَّبْعَةْ الْقَاعِدِينْ قِدَّامْ عَرْشَهْ

2 مُلوك 5:10

وَ أَلْيَسَعْ رَسَّلْ خَدَّامَهْ أَشَانْ يُقُولْ لَيَّهْ: «أَمْشِي أَلْبَرَّد سَبْعَةْ مَرَّاتْ فِي بَحَرْ الْأُرْدُنْ. وَ تَلْقَى الْعَافَيْ وَ جِسْمَكْ يَبْقَى طَاهِرْ.»

عَدد 23:1

وَ بَلْعَامْ قَالْ لِبَلَاقْ: «أَبْنِي لَيِّ هِنِي سَبْعَةْ مَدْبَحْ وَ جِيبْ لَيِّ سَبْعَةْ تِيرَانْ وَ سَبْعَةْ كُبْشَانْ.»

زَكَرِيَّا 4:6

وَ خَلَاصْ، هُو قَالْ لَيِّ: «اللّٰهْ حَجَّى لِزَرُبَابِلْ وَ قَالْ: ‹الْخِدْمَةْ دِي مَا بِقُوَّةْ وَ لَا بِقُدْرَةْ وَ لَاكِنْ بِرُوحِي أَنَا. وَ دَا، اللّٰهْ الْقَادِرْ بَسْ قَالَهْ.

زَكَرِيَّا 4:2

وَ هُو قَالْ لَيِّ: «قَاعِدْ تِشِيفْ شُنُو؟» وَ أَنَا قُلْت: «قَاعِدْ نِشِيفْ فَانُوسْ كُلَّ كَيْ هَنَا دَهَبْ وَ الْبَكَانْ الْيُصُبُّوا فَوْقَهْ الدِّهِنْ قَاعِدْ مِنْ فَوْق لَيَّهْ وَ عِنْدَهْ سَبْعَةْ طِيَيْسَاتْ الْعِنْدُهُمْ سَبْعَةْ نِيرَانْ.

إشَعْيا 27:13

وَ فِي الْيَوْم دَا، يَضُرْبُوا الْبُوقْ الْكَبِيرْ. وَ خَلَاصْ، يَجُوا الْوَدَّرَوْا فِي بَلَدْ أَشُورْ وَ الْمُشَتَّتِينْ فِي بَلَدْ مَصِرْ. وَ هُمَّنْ يَسْجُدُوا قِدَّامْ اللّٰهْ فِي الْجَبَلْ الْمُقَدَّسْ، فِي مَدِينَةْ الْقُدُسْ.

أيُّوب 42:8

وَ بِسَبَبْ دَا، شِيلُوا سَبْعَةْ تَوْر وَ سَبْعَةْ كَبِشْ وَ أَمْشُوا أَلْقَوْه لِعَبْدِي أَيُّوبْ وَ قَدُّمُوا الْبَهَايِمْ دَوْل ضَحِيَّةْ مُحَرَّقَةْ. وَ عَبْدِي أَيُّوبْ يَسْأَلْ لَيْكُو. وَ فِي شَانَهْ هُو بَسْ، أَنَا مَا نِسَوِّي فَوْقكُو حَسَبْ طَمَاسِتْكُو. وَ إِنْتُو مَا حَجَّيْتُوا بَيِّ بِكَلَامْ صَحِيحْ مِثِلْ كَلَامْ عَبْدِي أَيُّوبْ.»

2 أخبار 20:19

وَ اللَّاوِيِّينْ الْمِنْ ذُرِّيَّةْ قَهَاتْ وَ الْمِنْ ذُرِّيَّةْ قُورَحْ قَمَّوْا يَحْمُدُوا اللّٰهْ إِلٰـهْ بَنِي إِسْرَائِيلْ بِحِسّ عَالِي.

2 أخبار 13:12

شِيفُوا! اللّٰهْ وَ رُجَالْ الدِّينْ هِنَيْه قَاعِدِينْ مَعَانَا وَ عِنْدِنَا الْبُرُنْجِي النَّضُرْبُوهْ لِحَرَكَةْ الْحَرِبْ ضِدُّكُو. يَا نَاسْ مَمْلَكَةْ إِسْرَائِيلْ، مَا تِحَارُبُوا اللّٰهْ رَبّ جُدُودْكُو أَشَانْ إِنْتُو مَا تَنْجَحَوْا!»

لاوِيِّين 4:6

وَ رَاجِلْ الدِّينْ يِدِسّ أُصْبَعَهْ فِي الدَّمّ وَ يُرُشَّهْ سَبْعَةْ مَرَّاتْ قِدَّامْ اللّٰهْ، مُقَابِلْ السِّتَارَةْ فِي الْبَكَانْ الْمُقَدَّسْ.

تكوين 2:3

وَ خَلَاصْ، الرَّبّ بَارَكْ الْيَوْم السَّابِعْ وَ قَدَّسَهْ أَشَانْ فِي الْيَوْم دَا هُو ذَاتَهْ وَقَفْ مِنْ كُلَّ خِدِمْتَهْ هَنَا الْخَلِيقَةْ.

يَشُوع 6:3

وَ شِيلْ كُلَّ الرُّجَالْ الْمُحَارِبِينْ وَ رُوغُوا حَوُّقُوا الْحِلَّةْ دِي. وَ حَوُّقُوا الْحِلَّةْ دِي مَرَّةْ وَاحِدَةْ أَيِّ يَوْم لَحَدِّي سِتَّةْ يَوْم.

يَشُوع 6:5

وَ وَكِتْ تَسْمَعَوْا رُجَالْ الدِّينْ يَضُرْبُوا حِسّ طَوِيلْ فِي الْبُوقْ، خَلِّي كُلَّ الشَّعَبْ يِعِيطُوا. وَ الدُّرْدُرْ الْمُحَوِّقْ الْحِلَّةْ يَقَعْ وَ خَلَاصْ، كُلُّكُو تَهْجُمُوا الْحِلَّةْ، أَيِّ وَاحِدْ بِالْفَرَقَةْ الْقِدَّامَهْ.»

يَشُوع 6:13

وَ رُجَالْ الدِّينْ السَّبْعَةْ مَشَوْا قِدَّامْ صَنْدُوقْ اللّٰهْ وَ أَيِّ وَاحِدْ شَالْ بُوقْ وَ يَضُرْبَهْ. وَ الرُّجَالْ الْمُسَلَّحِينْ مَاشِينْ قِدَّامْهُمْ وَ رُجَالْ مُسَلَّحِينْ آخَرِينْ مَاشِينْ وَرَاءْ صَنْدُوقْ اللّٰهْ. وَكِتْ هُمَّنْ مَاشِينْ، رُجَالْ الدِّينْ قَاعِدِينْ يَضُرْبُوا الْبُوقْ.

2 مُلوك 5:14

وَ خَلَاصْ، نَعَمَانْ نَزَلْ فِي بَحَرْ الْأُرْدُنْ وَ أَلْبَرَّدْ سَبْعَةْ مَرَّةْ حَسَبْ كَلَامْ نَبِي اللّٰهْ. وَ جِسْمَهْ بِقِي مِثِلْ جِسِمْ الْوِلَيْد الصَّغَيَّرْ وَ هُو بِقِي طَاهِرْ.