يَشُوع 6:21 - الكتاب المقدس بالعربي الدارجي هنا تشاد

²¹ وَ هُمَّنْ دَمَّرَوْا كُلَّ شَيّءْ فِي الْحِلَّةْ. كَتَلَوْا بِالْسَّيْف كُلَّ الرُّجَالْ وَ الْعَوِينْ وَ الْعِيَالْ وَ الشِّيَّابْ وَ الْبَقَرْ وَ الْغَنَمْ وَ الْحَمِيرْ.

يَشُوع 6:21 Referenca të Kryqëzuara

إرْمِيا 48:18

يَا سُكَّانْ حِلَّةْ دِيبُونْ الْمِثِلْ بِنَيَّةْ! أَنْزُلُوا مِنْ شَرَفْكُو وَ دُوقُوا الْعَطَشْ. أَشَانْ مُدَمِّرْ مُوَابْ يَهْجِمْكُو إِنْتُو كُلَ وَ يِدَمِّرْ بَكَانَاتْكُو الْقَوِيِّينْ.

رُؤية 18:21

وَ فِي الْبَكَانْ دَا، مَلَكْ قَادِرْ قَلَّ لَيَّهْ حَجَرْ مِثِلْ مُرْحَاكَةْ كَبِيرَةْ وَ زَقَلَهْ فِي أُسْط الْبَحَرْ وَ قَالْ: «بِقُدْرَةْ مِثِلْ دِي بَسْ، مَدِينَةْ بَابِلْ الْكَبِيرَةْ يَرْمُوهَا وَ تَبْقَى مَا فِيهَا.

1 مُلوك 20:42

وَ هُو قَالْ لِلْمَلِكْ: «دَاهُو اللّٰهْ قَالْ: ‹أَشَانْ إِنْتَ خَلَّيْت الرَّاجِلْ الْوَاجِبْ تِدَمِّرَهْ عَرَّدْ مِنْ إِيدَيْنَكْ، هَسَّعْ حَيَاتَكْ إِنْتَ تُكُونْ فِي بَدَلْ حَيَاتَهْ وَ حَيَاةْ شَعَبَكْ فِي بَدَلْ حَيَاةْ شَعَبَهْ.›»

1 صَمُوِيل 15:8

وَ دَمَّرْ كُلَّ شَعَبْ عَمَالِقْ بِالْسَّيْف وَ كَرَبْ مَلِكْهُمْ أَقَاقْ.

1 صَمُوِيل 15:3

هَسَّعْ دَا، أَمْشِي وَ حَارِبْ شَعَبْ عَمَالِقْ وَ دَمِّرْ كُلَّ شَيّءْ الْعِنْدُهُمْ. وَ مَا تِحِنّ فَوْقهُمْ! أَكْتُلْ الرُّجَالْ وَ الْعَوِينْ وَ الْعِيَالْ وَ الْأَطْفَالْ وَ الْبَقَرْ وَ الْغَنَمْ وَ الْجُمَالْ وَ الْحَمِيرْ.›»

يَشُوع 11:14

وَ كُلَّ الْخُمَامْ هَنَا الْمُدُنْ دَوْل وَ الْبَهَايِمْ، بَنِي إِسْرَائِيلْ كَسَبَوْهُمْ مِثِلْ غَنِيمَةْ. وَ لَاكِنْ كَتَلَوْا كُلَّ نَاسْهُمْ بِالْسَّيْف لَحَدِّي مَا فَضَّلْ مِنْهُمْ مَخْلُوقْ حَيّ.

يَشُوع 10:39

وَ هُمَّنْ شَالَوْهَا وَ كُلَّ الْحِلَّالْ التَّابْعِينْهَا وَ كَتَلَوْا مَلِكْهَا بِالْسَّيْف وَ دَمَّرَوْا كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي دَبِيرْ وَ مَلِكْهَا مِثِلْ سَوَّى فِي حِبْرُونْ وَ مِثِلْ سَوَّى فِي لِبْنَةْ وَ مَلِكْهَا.

يَشُوع 10:28

وَ فِي الْيَوْم دَا، يَشُوعْ شَالْ حِلَّةْ مَقِيدَةْ وَ كَتَلْ مَلِكْهَا بِالْسَّيْف وَ دَمَّرْ كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي مَلِكْ مَقِيدَةْ مِثِلْ سَوَّى فِي مَلِكْ أَرِيحَا.

تَثْنِية 7:16

وَ تِدَمُّرُوا كُلَّ الشُّعُوبْ الْيِسَلِّمْهُمْ لَيْكُو اللّٰهْ إِلٰـهْكُو وَ مَا تِحِنُّوا فَوْقهُمْ. وَ مَا تَعَبُدُوا إِلٰـهَاتْهُمْ أَشَانْ مَا يَبْقَوْا لَيْكُو شَرَكْ.

تَثْنِية 2:34

وَ فِي الْوَكِتْ دَاكْ، أَنِحْنَ شِلْنَا كُلَّ مُدُنَهْ. وَ دَمَّرْنَا الرُّجَالْ وَ الْعَوِينْ وَ الْعِيَالْ لَحَدِّي وَاحِدْ مِنْهُمْ كُلَ مَا فَضَّلْ حَيّ.

تَثْنِية 13:16

وَ لِمُّوا كُلَّ الْغَنِيمَةْ اللِّقِيتُوهَا فِي نَقَعَةْ الْحِلَّةْ وَ حَرُّقُوا الْحِلَّةْ وَ كُلَّ الْغَنِيمَةْ قِدَّامْ اللّٰهْ إِلٰـهْكُو. وَ الْبَكَانْ دَا يَقْعُدْ مِثِلْ دُنْقُسْ أَشَانْ الْحِلَّةْ دِي أَبَداً مَا تَعَمِرْ بَتَّانْ.

يَشُوع 8:2

وَ إِنْتَ تِسَوِّي فِي حِلَّةْ عَايْ وَ مَلِكْهَا مِثِلْ سَوَّيْت فِي أَرِيحَا وَ مَلِكْهَا. وَ لَاكِنْ هَسَّعْ تَقْدَرَوْا تِشِيلُوا غَنِيمَةْ هَنَا الْخُمَامْ وَ الْبَهَايِمْ. وَ أَرْبُطْ كَمِينْ وَرَاءْ الْحِلَّةْ.»

يَشُوع 8:22

وَ الرُّجَالْ السَّوَّوْا الْكَمِينْ مَرَقَوْا مِنْ حِلَّةْ عَايْ لِيِحَارُبُوهُمْ هُمَّنْ كُلَ. وَ خَلَاصْ، رُجَالْ حِلَّةْ عَايْ بِقَوْا فِي أُسُطْ بَنِي إِسْرَائِيلْ، دَوْل قِدَّامْهُمْ وَ دَوْل وَرَاهُمْ. وَ بَنِي إِسْرَائِيلْ كَتَلَوْهُمْ لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ وَ لَا عَرَّدْ.

يَشُوع 9:3

وَ سُكَّانْ قِبْعُونْ مِنْ حِوِّيِّينْ سِمْعَوْا بِالشَّيّءْ السَّوَّاهْ يَشُوعْ فِي حِلَّالْ أَرِيحَا وَ حِلَّةْ عَايْ.

يَشُوع 11:11

وَ يَشُوعْ كَتَلْ كُلَّ نَاسْ حَاصُورْ بِالْسَّيْف وَ دَمَّرَاهُمْ لَحَدِّي مَا فَضَّلْ مِنْهُمْ مَخْلُوقْ حَيّ. وَ بَعَدْ دَا، حَرَّقْ الْمَدِينَةْ دِي.