يَشُوع 6:15 - الكتاب المقدس بالعربي الدارجي هنا تشاد

¹⁵ وَ فِي الْيَوْم السَّابِعْ، هُمَّنْ قَمَّوْا بِفَجُرْ بَدْرِي حَوَّقَوْا الْحِلَّةْ مِثِلْ فِي الْعَادَةْ. وَ لَاكِنْ فِي الْيَوْم دَا بَسْ، هُمَّنْ حَوَّقَوْا الْحِلَّةْ سَبْعَةْ مَرَّاتْ.

يَشُوع 6:15 Referenca të Kryqëzuara

زَبُور 119:147

قَمَّيْت قَبُلْ الشَّقَاقْ وَ طَلَبْت فَزَعَكْ وَ بِعَشَمْ، نَرْجَى كَلَامَكْ.

2 بُطْرُس 1:19

وَ بَيْدَا، أَنِحْنَ مُؤَكِّدِينْ زِيَادَةْ كَدَرْ كَلَامْ الْأَنْبِيَاء صَحِيحْ. وَ خَلَاصْ، وَاجِبْ تُخُطُّوا بَالْكُو لِكَلَامْهُمْ الْمِثِلْ ضَيّ الْيِضَوِّي فِي بَكَانْ أَضْلَمْ لَحَدِّي الْوَطَاةْ تَبْقَى مِثِلْ نَهَارْ وَ نَجْمَةْ الْفَجُرْ تَطْلَعْ فِي قُلُوبْكُو.

مَتَّى 28:1

أَوَّلْ يَوْم فِي سُبُوعْ وَكِتْ يَوْم السَّبْت كَمَّلْ، مَرْيَمْ الْمَقْدَلِيَّةْ وَ مَرْيَمْ الْآخَرَةْ لَمَّنْ. وَ قُبَّالْ الْحَرَّايْ مَا تَطْلَعْ هِنَّ مَشَنْ أَشَانْ يِشِيفَنْ الْقَبُرْ.

عِبْرَانِيِّين 11:30

وَ بِالْإِيمَانْ، دَرَادِرْ هَنَا مَدِينَةْ أَرِيحَا وَقَعَوْا وَ دَا بَعَدْ بَنِي إِسْرَائِيلْ حَوَّقَوْهَا سَبْعَةْ مَرَّاتْ.

يَشُوع 6:14

وَ هُمَّنْ حَوَّقَوْا الْحِلَّةْ مَرَّةْ وَاحِدَةْ فِي الْيَوْم التَّانِي وَ بَعَدْ دَا، قَبَّلَوْا فِي الْفَرِيقْ. وَ هُمَّنْ سَوَّوْا مِثِلْ دَا لَحَدِّي سِتَّةْ يَوْم.

يَشُوع 6:16

وَ فِي الْمَرَّةْ السَّابْعَةْ، رُجَالْ الدِّينْ ضَرَبَوْا الْبُوقْ وَ يَشُوعْ قَالْ لِلشَّعَبْ: «عِيطُوا أَشَانْ اللّٰهْ أَنْطَاكُو الْحِلَّةْ!

يَشُوع 3:1

وَ بِفَجُرْ بَدْرِي، يَشُوعْ وَ كُلَّ بَنِي إِسْرَائِيلْ قَمَّوْا مِنْ فَرِيقْهُمْ فِي شِطِّيمْ وَ نَزَلَوْا فِي خَشُمْ بَحَرْ الْأُرْدُنْ. وَ هُمَّنْ قَعَدَوْا فِي الْبَكَانْ دَا قُبَّالْ مَا يَقْطَعَوْا.