يَشُوع 6:13 - الكتاب المقدس بالعربي الدارجي هنا تشاد

¹³ وَ رُجَالْ الدِّينْ السَّبْعَةْ مَشَوْا قِدَّامْ صَنْدُوقْ اللّٰهْ وَ أَيِّ وَاحِدْ شَالْ بُوقْ وَ يَضُرْبَهْ. وَ الرُّجَالْ الْمُسَلَّحِينْ مَاشِينْ قِدَّامْهُمْ وَ رُجَالْ مُسَلَّحِينْ آخَرِينْ مَاشِينْ وَرَاءْ صَنْدُوقْ اللّٰهْ. وَكِتْ هُمَّنْ مَاشِينْ، رُجَالْ الدِّينْ قَاعِدِينْ يَضُرْبُوا الْبُوقْ.

يَشُوع 6:13 Referenca të Kryqëzuara

غَلاطِية 6:9

أَشَانْ دَا، خَلِّي نِسَوُّوا الْخَيْر دَايْماً وَ أَبَداً مَا نَكْسَلَوْا مِنَّهْ. بَعَدَيْن كَنْ مَا كِسِلْنَا، نَلْقَوْا مِنَّهْ فَايْدَةْ.

مَتَّى 24:13

وَ لَاكِنْ النَّادُمْ الْقَاعِدْ ثَابِتْ لَحَدِّي كُمَالَةْ كُلَّ شَيّءْ، يَنْجَى.

1 أخبار 15:26

وَ بِمُسَاعَدَةْ الرَّبّ، اللَّاوِيِّينْ شَالَوْا الصَّنْدُوقْ. وَ قَدَّمَوْا ضَحَايَا لِلّٰهْ هَنَا سَبْعَةْ تَوْر وَ سَبْعَةْ كَبِشْ.

عَدد 10:25

وَ فِي الأَخِيرْ، مُعَسْكَرْ دَانْ هُو مَشَى وَرَاءْ كُلَّ الْمُعَسْكَرَاتْ لِيَحْفَضَوْهُمْ مِنْ وَرَاءْ. وَ هُو سَارْ تِحِتْ رَايْتَهْ حَسَبْ مَجْمُوعْتَهْ الْعَسْكَرِيَّةْ. وَ قَايْدَهْ أَخِعَازَرْ وِلَيْد عَمِشَدَايْ.

يَشُوع 6:4

وَ سَبْعَةْ رُجَالْ دِينْ يُرُوغُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ. وَ فِي الْيَوْم السَّابِعْ، رُوغُوا وَ حَوُّقُوا الْحِلَّةْ سَبْعَةْ مَرَّاتْ وَ رُجَالْ الدِّينْ يَضُرْبُوا الْبُوقْ.

يَشُوع 6:9

وَ الرُّجَالْ الْمُسَلَّحِينْ مَاشِينْ قِدَّامْ رُجَالْ الدِّينْ الْيَضُرْبُوا الْبُوقْ وَ رُجَالْ مُسَلَّحِينْ آخَرِينْ مَاشِينْ وَرَاءْ الصَّنْدُوقْ. وَكِتْ هُمَّنْ مَاشِينْ رُجَالْ الدِّينْ قَاعِدِينْ يَضُرْبُوا الْبُوقْ.

يَشُوع 6:12

وَ يَشُوعْ قَمَّ بِفَجُرْ بَدْرِي وَ رُجَالْ الدِّينْ شَالَوْا صَنْدُوقْ اللّٰهْ.

يَشُوع 6:14

وَ هُمَّنْ حَوَّقَوْا الْحِلَّةْ مَرَّةْ وَاحِدَةْ فِي الْيَوْم التَّانِي وَ بَعَدْ دَا، قَبَّلَوْا فِي الْفَرِيقْ. وَ هُمَّنْ سَوَّوْا مِثِلْ دَا لَحَدِّي سِتَّةْ يَوْم.