يَشُوع 5:5 - الكتاب المقدس بالعربي الدارجي هنا تشاد

⁵ وَ الشَّعَبْ الْمَرَقَوْا مِنْ مَصِرْ كُلُّهُمْ مُطَهَّرِينْ. لَاكِنْ عِيَالْهُمْ الْوِلْدَوْهُمْ فِي الصَّحَرَاء فِي الدَّرِبْ وَكِتْ جَايِينْ مِنْ مَصِرْ، وَاحِدْ كُلَ مِنْهُمْ مَا مُطَهَّرْ.

يَشُوع 5:5 Referenca të Kryqëzuara

غَلاطِية 6:15

أَشَانْ كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، أَيِّ نَادُمْ وَاجِبْ يَدْخُلْ فِي الْخَلِيقَةْ الْجَدِيدَةْ.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

1 كُرُنْتُس 7:19

كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. لَاكِنْ الْمُهِمّ، النَّادُمْ يِتَابِعْ وَصَايَا اللّٰهْ.

رَوْمَا 2:26

وَ كَنْ نَادُمْ وَاحِدْ مَا مُطَهَّرْ يَعْنِي مَا يَهُودِي وَ قَاعِدْ يِتَابِعْ شُرُوطْ التَّوْرَاةْ، نُقُولْ لَيْك اللّٰهْ يَجْعَلْ النَّادُمْ دَا مِثِلْ مُطَهَّرْ.

مَتَّى 12:7

وَ اللّٰهْ قَالْ: <نِدَوْر الرَّحْمَةْ زِيَادَةْ مِنْ الضَّحَايَا.> وَ كَنْ أَوَّلْ فِهِمْتُوا مَعَنَى الْكَلَامْ دَا، مَا تُلُومُوا النَّاسْ الْمَا مُذْنِبِينْ.

يَشُوع 5:4

وَ دَاهُو السَّبَبْ الطَّهَّرَاهُمْ فَوْقَهْ يَشُوعْ. أَوَّلْ، كُلَّ الرُّجَالْ الْمُحَارِبِينْ الْمَرَقَوْا مِنْ مَصِرْ مَاتَوْا فِي الصَّحَرَاء فِي دَرِبْهُمْ وَكِتْ جَايِينْ مِنْ مَصِرْ.

يَشُوع 5:6

بَنِي إِسْرَائِيلْ رَاغَوْا لِمُدَّةْ 40 سَنَةْ فِي الصَّحَرَاء لَحَدِّي كُلَّ الرُّجَالْ الْمُحَارِبِينْ الْمَرَقَوْا مِنْ مَصِرْ مَاتَوْا أَشَانْ هُمَّنْ مَا سِمْعَوْا كَلَامْ اللّٰهْ. وَ فِي شَانْ عِصْيَانْهُمْ، اللّٰهْ قَرَّرْ كَدَرْ مَا يِشَوِّفْهُمْ الْبَلَدْ الْأَوَّلْ هُو حَلَفْ لِجُدُودْهُمْ وَ قَالْ يَنْطِيهَا لَيْهُمْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.