يَشُوع 5:2 - الكتاب المقدس بالعربي الدارجي هنا تشاد

² وَ فِي الْوَكِتْ دَا، اللّٰهْ قَالْ لِيَشُوعْ: «طَرِّقْ لَيْك حُجَارْ وَ طَهِّرْ الْمَا مُطَهَّرِينْ مِنْ بَنِي إِسْرَائِيلْ.»

يَشُوع 5:2 Referenca të Kryqëzuara

تَثْنِية 30:6

وَ اللّٰهْ إِلٰـهْكُو يِطَهِّرْ قُلُوبْكُو وَ قُلُوبْ ذُرِّيِّتْكُو وَ دَا لِتِحِبُّوا اللّٰهْ إِلٰـهْكُو بِكُلَّ قُلُوبْكُو وَ كُلَّ فِكِرْكُو وَ دَا أَشَانْ تَحْيَوْا.

تَثْنِية 10:16

طَهُّرُوا قُلُوبْكُو وَ مَا تِقَوُّوا رُوسَيْكُو وَ تَعَصَوْا اللّٰهْ بَتَّانْ.

خُروج 4:25

وَ طَوَّالِي، مَرْتَهْ صِفُّورَةْ شَالَتْ حَجَرْ طَرِينْ وَ طَهَّرَتْ وِلَيْدهَا. وَ لِمْسَتْ رِجِلَيْن مُوسَى بِالْفَرْوَةْ الْقَطَعَتَهْ مِنْ وِلَيْدهَا وَ قَالَتْ: «إِنْتَ بِقِيتْ لَيِّ زَوْج هَنَا دَمّ.»

كُلُوسِي 2:11

وَ فِي الْمَسِيحْ، إِنْتُو بِقِيتُوا مُطَهَّرِينْ بِطَهُورَةْ شِقْ مِنْ الطَّهُورَةْ الْيِسَوُّوهَا النَّاسْ. فِي طَهُورَةْ النَّاسْ، يَقْطَعَوْا جِلْدَةْ صَغَيْرَةْ. وَ لَاكِنْ فِي طَهُورَةْ الْمَسِيحْ، هُو سَلَّمْ نَفْسَهْ لِلْمَوْت وَ فِي الْمَوْت دَا، خَلَّى مِنَّهْ جِسْمَهْ كُلَّ كَيْ. وَ إِنْتُو شَارَكْتُوا فِي الطَّهُورَةْ دِي.

رَوْمَا 4:11

وَ اللّٰهْ أَنْطَى عَلَامَةْ الطَّهُورَةْ لِإِبْرَاهِيمْ أَشَانْ يِوَصِّفْ كَدَرْ قُبَّالْ مَا يِطَهُّرُوهْ، هُو بِقِي صَالِحْ بِسَبَبْ إِيمَانَهْ. وَ بِمِثِلْ دَا، إِبْرَاهِيمْ بِقِي أَبُو كُلَّ النَّاسْ الْاللّٰهْ جَعَلَاهُمْ صَالِحِينْ بِسَبَبْ إِيمَانْهُمْ حَتَّى كَانْ هُمَّنْ مَا مُطَهَّرِينْ كُلَ.

رَوْمَا 2:29

لَاكِنْ الْيَهُودِي الصَّحِيحْ، هُو يَهُودِي فِي قَلْبَهْ وَ طَهُورْتَهْ، هِي طَهُورَةْ الْقَلِبْ الْجَايَةْ مِنْ رُوحْ اللّٰهْ. وَ طَهُورْتَهْ مَا طَهُورَةْ الْمَكْتُوبَةْ فِي كِتَابْ التَّوْرَاةْ بَسْ. الْيَهُودِي الْمِثِلْ دَا، كَنْ النَّاسْ مَا يَشْكُرُوهْ كُلَ، اللّٰهْ يَرْضَى بَيَّهْ.

يَشُوع 5:3

وَ خَلَاصْ، يَشُوعْ طَرَّقْ حُجَارْ وَ طَهَّرْ بَنِي إِسْرَائِيلْ فِي جَبَلْ الطَّهُورَةْ.