يَشُوع 5:14 - الكتاب المقدس بالعربي الدارجي هنا تشاد

¹⁴ وَ هُو قَالْ: «لَا! أَنَا قَايِدْ دَيْش اللّٰهْ. وَ هَسَّعْ جِيتْ.» وَ خَلَاصْ، يَشُوعْ وَقَعْ فِي الْأَرْض وَ سَجَدْ قِدَّامَهْ وَ قَالْ لَيَّهْ: «يَا سَيِّدِي! شُنُو كَلَامَكْ لَيِّ أَنَا عَبْدَكْ؟»

يَشُوع 5:14 Referenca të Kryqëzuara

إشَعْيا 55:4

وَ دَاهُو أَنَا ثَبَّتَّهْ مِثِلْ شَاهِدْ فِي الْأُمَمْ وَ قَايِدْ الْيُقُودْ الشَّعَبْ.

تكوين 17:3

أَبْرَامْ سَجَدْ قِدَّامْ الرَّبّ وَ هُو قَالْ لَيَّهْ:

لُوقا 20:42

نَسْأَلْكُو أَشَانْ فِي كِتَابْ الزَّبُورْ، دَاوُدْ ذَاتَهْ قَالْ: ‹اللّٰهْ حَجَّى لِسِيدِي الْمَلِكْ وَ قَالْ: <أَقْعُدْ بِنُصِّي الزَّيْنَايْ

دَنْيال 12:1

وَ هُو قَالْ بَتَّانْ لِدَنْيَالْ: «فِي الْوَكِتْ دَا، يُقُمّ مِكَايِيلْ الْمُكَلَّفْ بِشَعَبَكْ. وَ دَا يَبْقَى فِي وَكِتْ هَنَا تَعَبْ الْأَبَداً مَا بِقِي مِثْلَهْ مِنْ الْأُمَّةْ دِي قَاعِدَةْ لَحَدِّي الْوَكِتْ دَا. وَ بَيْدَا كُلَ، يَنْجَى أَيِّ وَاحِدْ مِنْ شَعَبَكْ الْأُسْمَهْ مَكْتُوبْ فِي كِتَابْ الْحَيَاةْ.

دَنْيال 10:13

وَ لَاكِنْ الرُّوحْ الْمُكَلَّفْ بِمَمْلَكَةْ الْفَارِسِيِّينْ سَدَّ لَيِّ الدَّرِبْ وَ أَخَّرَانِي لِمُدَّةْ 21 يَوْم. وَ وَاحِدْ مِنْ كُبَارَاتْ الْأَرْوَاحْ الْأُسْمَهْ مِكَايِيلْ جَاءْ وَ سَاعَدْنِي وَ بَيْدَا، أَنَا قِدِرْت دَخَلْت فِي مَمْلَكَةْ الْفَارِسِيِّينْ.

رُؤية 12:7

وَ دُوَاسْ بِقِي فِي السَّمَاوَاتْ. وَ مِكَايِيلْ وَ الْمَلَائِكَةْ الْمَعَايَهْ دَاوَسَوْا الْغُولْ وَ مَلَائِكَتَهْ.

يُوحَنَّا 20:28

وَ تُومَا رَدَّ لَيَّهْ وَ قَالْ: «إِنْتَ رَبِّي. إِنْتَ إِلٰـهِي!»

مَتَّى 22:44

‹اللّٰهْ حَجَّى لِسِيدِي الْمَلِكْ وَ قَالْ: <أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.>›

مَتَّى 8:2

وَ رَاجِلْ وَاحِدْ عِنْدَهْ جِدَامْ جَاءْ سَجَدْ قِدَّامْ عِيسَى وَ قَالْ: «يَا سَيِّدْنَا، كَنْ تِدَوْر تَشْفِينِي، أَكِيدْ إِنْتَ تَقْدَرْ وَ أَنَا نَبْقَى طَاهِرْ.»

إشَعْيا 6:8

وَ أَنَا سِمِعْت حِسّ الرَّبّ قَالْ: «يَاتُو النِّرَسِّلَهْ؟ وَ يَاتُو الْيَمْشِي لَيْنَا؟» وَ أَنَا قُلْت: «دَاهُونِي أَنَا! رَسِّلْنِي!»

عَدد 16:45

«أَمُرْقُوا مِنْ أُسُطْ مُجْتَمَعْ بَنِي إِسْرَائِيلْ دَوْل أَشَانْ أَنَا نِدَمِّرْهُمْ هَسَّعْ.» فِي الْبَكَانْ دَا، مُوسَى وَ هَارُونْ وَقَعَوْا بِوُجُوهُّمْ فِي التُّرَابْ.

عِبْرَانِيِّين 2:10

اللّٰهْ الْخَلَقْ كُلَّ شَيّءْ وَ فِي شَانَهْ كُلَّ شَيّءْ مَوْجُودْ، هُو دَوَّرْ نَاسْ كَتِيرِينْ يَبْقَوْا عِيَالَهْ وَ يَدْخُلُوا فِي مَجْدَهْ. وَ أَشَانْ دَا، اللّٰهْ سَوَّى شَيّءْ مُوَافِقْ لَيْهُمْ. هُو رَسَّلْ النَّادُمْ الْيَفْتَحْ لَيْهُمْ دَرِبْ النَّجَاةْ. وَ جَعَلْ لِلْمَسِيحْ التَّعَبْ وَ بِتَعَبَهْ دَا، هُو بِقِي الْمُنَجِّي الْكَامِلْ.

فِلِبِّي 3:8

أَيْوَى وَ زِيَادَةْ مِنْ دَا، عِرْفَةْ الْمَسِيحْ عِيسَى رَبِّي بِقَتْ لَيِّ أَخَيْر مِنْ كُلَّ شَيّءْ وَ نَجْعَلْ كُلَّ شَيّءْ آخَرْ سَاكِتْ. فِي شَانْ الْمَسِيحْ، أَنَا خَلَّيْت كُلَّ شَيّءْ الْعِنْدِي. وَ كُلَّ شَيّءْ الْأَوَّلْ عِنْدَهْ لَيِّ فَايْدَةْ، جَعَلْتَهْ مِثِلْ وَسَخْ أَشَانْ نَلْقَى الْفَايْدَةْ الْكَبِيرَةْ وَ هِي الْعَلَاقَةْ مَعَ الْمَسِيحْ.

أعمال الرُسُل 9:6

قُمّ وَ أَدْخُلْ فِي دِمَشْق وَ نَادُمْ وَاحِدْ يِأَوْرِيكْ بِالشَّيّءْ الْوَاجِبْ تِسَوِّيهْ.»

لُوقا 1:43

وَ كِكَّيْف اللّٰهْ أَنْطَانِي نِعْمَةْ كَبِيرَةْ مِثِلْ دِي لَحَدِّي إِنْتِ أَمّ رَبِّي تَجِي تِسَلِّمِينِي؟

زَبُور 110:1

اللّٰهْ حَجَّى لِسِيدِي الْمَلِكْ وَ قَالْ: «أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.»

لاوِيِّين 9:24

وَ مَرَقَتْ نَارْ مِنْ قِدَّامْ اللّٰهْ وَ أَكَلَتْ الضَّحِيَّةْ الْمُحَرَّقَةْ وَ الشَّحَمْ. وَ كُلَّ الشَّعَبْ شَافَوْا الشَّيّءْ دَا وَ كَوْرَكَوْا مِنْ الْفَرْحَةْ وَ وَقَعَوْا بِوُجُوهُّمْ فِي الْأَرْض وَ سَجَدَوْا.

خُروج 4:10

وَ لَاكِنْ مُوسَى قَالْ لِلّٰهْ: «يَا رَبّ، أَنَا مَا نَادُمْ الْيَقْدَرْ يِحَجِّي عَدِيلْ وَ لَا مِنْ أَوَّلْ وَ لَا مِنْ إِنْتَ نَادَيْتنِي أَنَا عَبْدَكْ. أَنَا خَشْمِي تَقِيلْ وَ مَا نَقْدَرْ نِحَجِّي عَجَلَةْ.»

تكوين 17:17

وَ بَعَدْ دَا، إِبْرَاهِيمْ سَجَدْ قِدَّامْ اللّٰهْ وَ ضِحِكْ وَ قَالْ فِي قَلْبَهْ: «كِكَّيْف نَقْدَرْ نَلْدَ، أَنَا الْعِنْدِي 100 سَنَةْ؟ وَ كِكَّيْف سَارَةْ الْعِنْدَهَا 90 سَنَةْ تَقْدَرْ تَلْدَ؟»

لُوقا 5:12

وَ يَوْم وَاحِدْ، عِيسَى قَاعِدْ فِي حِلَّةْ وَاحِدَةْ وَ رَاجِلْ وَاحِدْ عِنْدَهْ جِدَامْ جَاءْ لَيَّهْ. وَ الرَّاجِلْ دَا عِنْدَهْ جِدَامْ شَيْن. وَ وَكِتْ شَافْ عِيسَى، هُو سَجَدْ قِدَّامَهْ وَ قَالْ: «يَا سَيِّدْنَا، كَنْ تِدَوْر تَشْفِينِي أَكِيدْ إِنْتَ تَقْدَرْ وَ أَنَا نَبْقَى طَاهِرْ.»

عَدد 16:22

وَ لَاكِنْ فِي الْبَكَانْ دَا، مُوسَى وَ هَارُونْ وَقَعَوْا بِوُجُوهُّمْ فِي التُّرَابْ وَ قَالَوْا: «يَا رَبّ، إِنْتَ الْإِلٰـهْ التَّمْلُكْ فِي كُلَّ مَخْلُوقْ حَيّ. تَغْضَبْ لِكُلَّ مُجْتَمَعْ بَنِي إِسْرَائِيلْ بِسَبَبْ نَادُمْ وَاحِدْ سَوَّى ذَنِبْ وَلَّا؟»

خُروج 4:13

وَ مُوسَى قَالْ: «نَشْحَدَكْ، يَا رَبّ. رَسِّلْ نَادُمْ آخَرْ!»

زَبُور 24:10

يَاتُو الْمَلِكْ الْعَظِيمْ؟ هُو اللّٰهْ الْقَادِرْ، هُو الْمَلِكْ الْعَظِيمْ. وَقْفَةْ.

عَدد 22:31

وَ فِي الْبَكَانْ دَا، اللّٰهْ كَشَفْ لِبَلْعَامْ وَ هُو شَافْ مَلَكْ اللّٰهْ وَاقِفْ فِي أُسْط الدَّرِبْ وَ سَيْفَهْ مَسْلُولْ فِي إِيدَهْ. وَ طَوَّالِي، بَلْعَامْ دَنْقَرْ فِي الْأَرْض وَ سَجَدْ.

يَشُوع 20:1

وَ اللّٰهْ حَجَّى لِيَشُوعْ وَ قَالْ:

2 صَمُوِيل 7:19

وَ دَا شَيّءْ هَيِّنْ سَاكِتْ لَيْك إِنْتَ، يَا اللّٰهْ رَبِّي، وَ إِنْتَ عَاهَدْت عَايِلَةْ بَيْتِي أَنَا عَبْدَكْ فِي الْمُسْتَقْبَلْ. وَ يَا اللّٰهْ رَبِّي، شَيّءْ مِثِلْ دَا يِشَابِهْ لَيِّ أَنَا الْإِنْسَانِي وَلَّا؟

2 صَمُوِيل 7:20

يَا اللّٰهْ رَبِّي، إِنْتَ تَعَرِفْنِي تَمَامْ أَنَا عَبْدَكْ. وَ نَقْدَرْ نُقُولْ شُنُو بَتَّانْ؟

حِزْقِيال 3:23

وَ أَنَا قَمَّيْت وَ مَشَيْت الْوَادِي وَ دَاهُو أَنَا شِفْت مَجْد اللّٰهْ وَاقِفْ مِثِلْ الْمَجْد الْأَنَا شِفْتَهْ فِي خَشُمْ بَحَرْ خَابُورْ. وَ خَلَاصْ، أَنَا وَقَعْت بِوِجْهِي فِي الْأَرْض.

دَنْيال 8:11

وَ مَا خَلَّى قَايِدْهُمْ كُلَ. وَ هُو مَنَعْ الضَّحِيَّةْ الْقَاعِدِينْ يِقَدُّمُوهَا كُلَّ يَوْم لِلّٰهْ وَ كَسَّرْ الْبَيْت الْمُقَدَّسْ لَحَدِّي أَسَاسَهْ.