يَشُوع 4:9 - الكتاب المقدس بالعربي الدارجي هنا تشاد

⁹ وَ بَعَدْ دَا، يَشُوعْ أَمَرْ يِشِيلُوا 12 حُجَارْ آخَرِينْ وَ يُرُصُّوهُمْ فِي أُسُطْ بَحَرْ الْأُرْدُنْ فِي بَكَانْ رِجْلَيْ رُجَالْ الدِّينْ الشَّايْلِينْ صَنْدُوقْ الْمُعَاهَدَةْ. وَ الْحُجَارْ دَوْل قَاعِدِينْ لَحَدِّي الْيَوْم.

يَشُوع 4:9 Referenca të Kryqëzuara

1 صَمُوِيل 7:12

وَ صَمُوِيلْ شَالْ حَجَرْ وَ غَزَّاهْ بَيْن مِصْفَةْ وَ الْحَجَرْ الْأُسْمَهْ سِنّ وَ سَمَّى الْحَجَرْ دَا حَجَرْ الْمُسَاعَدَةْ. وَ قَالْ: «لَحَدِّي هِنِي، اللّٰهْ سَاعَدْنَا.»

2 أخبار 5:9

وَ الْعِيدَانْ الْيِشِيلُوهْ بَيْهُمْ طُوَالْ. وَ خَشُمْ الْعِيدَانْ دَوْل يِنْشَافْ لِلنَّادُمْ الْقَاعِدْ أَمْبَيْن الصَّنْدُوقْ وَ الْمَدَخَلْ هَنَا الْبَكَانْ الْمُقَدَّسْ مَرَّةْ وَاحِدْ. وَ لَاكِنْ نَادُمْ مِنْ بَرَّا مَا يِشِيفَهْ. وَ الصَّنْدُوقْ دَا قَاعِدْ فِي الْبَكَانْ لَحَدِّي الْيَوْم.

2 صَمُوِيل 4:3

وَ زَمَانْ، نَاسْ حِلَّةْ بِيرُوتْ عَرَّدَوْا وَ مَشَوْا حِلَّةْ قِتَايِمْ وَ قَعَدَوْا هِنَاكْ لَحَدِّي الْيَوْم.

1 صَمُوِيل 30:25

وَ مِنْ الْيَوْم دَا، الْقِسِمْ هَنَا الْكَسِيبَةْ بِقِي شَرْط وَ قَانُونْ فِي بَنِي إِسْرَائِيلْ لَحَدِّي الْيَوْم.

قُضياء 1:26

وَ الرَّاجِلْ دَا مَشَى فِي بَلَدْ الْحِتِّيِّينْ وَ بَنَى لَيَّهْ حِلَّةْ وَ سَمَّاهَا لُوزْ. وَ دَا أُسُمْهَا لَحَدِّي الْيَوْم.

يَشُوع 24:26

وَ يَشُوعْ كَتَبْ الْكَلَامْ دَا فِي كِتَابْ تَوْرَاةْ اللّٰهْ. وَ شَالْ حَجَرْ كَبِيرْ وَ غَزَّاهْ فِي الْبَكَانْ دَا، تِحِتْ الشَّدَرَةْ الْكَبِيرَةْ الْقَاعِدَةْ جَنْب الْبَكَانْ الْمُقَدَّسْ هَنَا اللّٰهْ.

تَثْنِية 34:6

وَ اللّٰهْ سَتَرَهْ فِي الْوَادِي فِي بَلَدْ مُوَابْ مُقَابِلْ بَيْت فَعُورْ. وَ لَحَدِّي الْيَوْم دَا، نَادُمْ مَا يَعَرِفْ بَكَانْ قَبُرَهْ.

خُروج 28:21

وَ الْحُجَارْ الْغَالِيِّينْ دَوْل فِي عَدَدْ قَبَايِلْ بَنِي إِسْرَائِيلْ الْأَتْنَا عَشَرْ. أَيِّ أُسُمْ قَبِيلَةْ مَنْقُوشْ فِي حَجَرْ وَاحِدْ مِثِلْ نَقِشْ الْخَوَاتِمْ.

خُروج 24:12

وَ اللّٰهْ قَالْ لِمُوسَى: «أَطْلَعْ لَيِّ فِي رَاسْ الْجَبَلْ وَ أَقْعُدْ فِي الْبَكَانْ دَا. وَ نَنْطِيكْ لِيحَانْ إِتْنَيْن هَنَا حَجَرْ الْأَنَا كَتَبْت فَوْقهُمْ الْوَصَايَا وَ الْقَوَانِينْ لِلنَّاسْ يِلْعَلَّمَوْهُمْ.»

تكوين 28:18

وَ بِفَجُرْ بَدْرِي، يَعْقُوبْ قَمَّ شَالْ الْحَجَرْ الْهُو أَلْوَسَّدَهْ، غَزَّاهْ وَ صَبَّ فَوْقَهْ دِهِنْ أَشَانْ يَبْقَى عَلَامَةْ يِذَّكَّرْ بَيْهَا الْبَكَانْ دَا.

تكوين 26:33

وَ إِسْحَاقْ سَمَّى الْبِيرْ دِي سَبْعَةْ (مَعَنَاتَهْ الْحَلِيفَةْ). وَ بَكَانْ الْبِيرْ دِي بِقِي حِلَّةْ وَ لَحَدِّي الْيَوْم بِنَادُوهَا بِيرْ سَبْعَةْ.

مَتَّى 28:15

وَ الْعَسْكَرْ شَالَوْا الْقُرُسْ وَ سَوَّوْا مِثِلْ الْكُبَارَاتْ قَالَوْه لَيْهُمْ. وَ مِنْ الْوَكِتْ دَاكْ لَحَدِّي الْيَوْم، كَتِيرِينْ مِنْ الْيَهُودْ قَاعِدِينْ يِخَبُّرُوا بِكَلَامْهُمْ دَا.

مَتَّى 27:8

أَشَانْ دَا، أُسُمْ الزَّرَعْ يِنَادُوهْ زَرَعْ الدَّمّ لَحَدِّي الْيَوْم.

1 مُلوك 18:31

وَ إِلِيَاسْ شَالْ 12 حَجَرْ عَلَيْ حَسَبْ عَدَدْ قَبَايِلْ عِيَالْ يَعْقُوبْ هُو الْاللّٰهْ حَجَّى لَيَّهْ وَ قَالْ: «مِنْ الْيَوْم، يِنَادُوكْ إِسْرَائِيلْ.»

يَشُوع 4:10

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ وَقَفَوْا فِي أُسُطْ بَحَرْ الْأُرْدُنْ لَحَدِّي تَمَّ كُلَّ الْكَلَامْ الْاللّٰهْ أَمَرْ بَيَّهْ يَشُوعْ لِيُقُولَهْ لِلشَّعَبْ. وَ دَا حَسَبْ الْكَلَامْ الْمُوسَى أَمَرْ بَيَّهْ يَشُوعْ. وَ الشَّعَبْ مَشَوْا عَجَلَةْ لِيَقْطَعَوْا الْبَحَرْ.