يَشُوع 4:22 - الكتاب المقدس بالعربي الدارجي هنا تشاد

²² خَلَاصْ، فَسُّرُوا لَيْهُمْ وَ قُولُوا: ‹بَنِي إِسْرَائِيلْ قَطَعَوْا بَحَرْ الْأُرْدُنْ دَا فِي التُّرَابْ الْيَابِسْ.

يَشُوع 4:22 Referenca të Kryqëzuara

يَشُوع 3:17

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ وَقَفَوْا ثَابْتِينْ فِي التُّرَابْ الْيَابِسْ فِي أُسُطْ بَحَرْ الْأُرْدُنْ. وَ كُلَّ بَنِي إِسْرَائِيلْ قَاعِدِينْ يَقْطَعَوْا فِي التُّرَابْ الْيَابِسْ دَا، لَحَدِّي كُلَّ الْأُمَّةْ قَطَعَتْ بَحَرْ الْأُرْدُنْ.

إشَعْيا 51:10

مَا إِنْتَ الْيَبَّسْت الْبَحَرْ وَ أَلْمِي الْغَرِيقْ وَلَّا؟ مَا إِنْتَ السَّوَّيْت دَرِبْ فِي قَعَرْ الْبَحَرْ لِيِعَدُّوا بَيَّهْ النَّاسْ الْإِنْتَ فَدَيْتهُمْ وَلَّا؟

رُؤية 16:12

وَ الْمَلَكْ السَّادِسْ دَفَّقْ كَاسَهْ فِي بَحَرْ الْفُرَاتْ. وَ الْبَحَرْ يِبِسْ. وَ مِثِلْ دَا، الدَّرِبْ بِقِي فَاتِحْ لِلْمُلُوكْ الْجَايِينْ مِنْ صَبَاحْ.

إشَعْيا 44:27

وَ نُقُولْ لِلْأَلْمِي الْغَرِيقْ: ‹أَبْقَى يَابِسْ وَ نِيَبِّسْ بُحُورَكْ!›

خُروج 15:19

وَكِتْ خَيْل فِرْعَوْن مَلِكْ مَصِرْ وَ عَرَبَاتَهْ وَ سِيَادْهُمْ دَخَلَوْا فِي الْبَحَرْ، اللّٰهْ قَلَبْ فَوْقهُمْ الْأَلْمِي. وَ لَاكِنْ بَنِي إِسْرَائِيلْ قَطَعَوْا الْبَحَرْ فِي التُّرَابْ الْيَابِسْ.

خُروج 14:29

وَ كَنْ لِبَنِي إِسْرَائِيلْ كَمَانْ، الْبَحَرْ أَنْشَقَّ وَ بِقِي مِثِلْ دُرْدُرْ جَايْ وَ جَايْ لَيْهُمْ وَ هُمَّنْ قَطَعَوْا الْبَحَرْ فِي التُّرَابْ الْيَابِسْ.

خُروج 14:22

وَ خَلَاصْ، بَنِي إِسْرَائِيلْ عَدَّوْا أُسْط الْبَحَرْ فِي التُّرَابْ الْيَابِسْ وَ الْأَلْمِي قَعَدْ جَايْ وَ جَايْ لَيْهُمْ مِثِلْ دُرْدُرْ بِنُصُّهُمْ الْإِسْرَايْ وَ الزَّيْنَايْ.

يَشُوع 4:21

وَ قَالْ لِبَنِي إِسْرَائِيلْ: «أَكُونْ فِي الْمُسْتَقْبَلْ، عِيَالْكُو يَسْأَلَوْكُو وَ يُقُولُوا لَيْكُو: ‹الْحُجَارْ دَوْل يِمَثُّلُوا شُنُو؟›

يَشُوع 3:16

طَوَّالِي الْأَلْمِي الْجَارِي مِنْ الْعَيْن وَقَفْ وَ بِقِي مِثِلْ دُرْدُرْ فِي مَسَافَةْ طَوِيلَةْ فِي حِلَّةْ آدَمْ الْقَاعِدَةْ جَنْب صَرْتَانْ. وَ الْأَلْمِي النَّازِلْ عَلَيْ الْبَحَرْ الْمَيِّتْ وَقَفْ مَرَّةْ وَاحِدْ. وَ الشَّعَبْ قَطَعَوْا الْبَحَرْ مُقَابِلْ حِلَّةْ أَرِيحَا.