يَشُوع 4:11 - الكتاب المقدس بالعربي الدارجي هنا تشاد

¹¹ وَ وَكِتْ كُلَّ الشَّعَبْ قَطَعَوْه خَلَاصْ، رُجَالْ الدِّينْ شَالَوْا صَنْدُوقْ اللّٰهْ وَ مَشَوْا قِدَّامْ الشَّعَبْ.

يَشُوع 4:11 Referenca të Kryqëzuara

يَشُوع 3:8

وَ أَنْطِي الْأَمُرْ دَا لِرُجَالْ الدِّينْ الشَّايْلِينْ صَنْدُوقْ الْمُعَاهَدَةْ وَ قُولْ لَيْهُمْ: ‹كَنْ وَصَّلْتُوا خَشُمْ بَحَرْ الْأُرْدُنْ وَ دَسَّيْتُوا رِجْلَيْكُو فِي أَلْمِيهْ، أَقِيفُوا.›»

يَشُوع 4:18

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ مَرَقَوْا مِنْ لُبّ بَحَرْ الْأُرْدُنْ. وَ وَكِتْ خَطَّوْا رِجْلَيْهُمْ فِي التُّرَابْ الْيَابِسْ، خَلَاصْ أَلْمِي الْبَحَرْ قَبَّلْ فِي بَكَانَهْ وَ قَاعِدْ يَجْرِي وَ سَالْ مِثِلْ أَوَّلْ.

يَشُوع 3:17

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ وَقَفَوْا ثَابْتِينْ فِي التُّرَابْ الْيَابِسْ فِي أُسُطْ بَحَرْ الْأُرْدُنْ. وَ كُلَّ بَنِي إِسْرَائِيلْ قَاعِدِينْ يَقْطَعَوْا فِي التُّرَابْ الْيَابِسْ دَا، لَحَدِّي كُلَّ الْأُمَّةْ قَطَعَتْ بَحَرْ الْأُرْدُنْ.

يَشُوع 4:10

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ وَقَفَوْا فِي أُسُطْ بَحَرْ الْأُرْدُنْ لَحَدِّي تَمَّ كُلَّ الْكَلَامْ الْاللّٰهْ أَمَرْ بَيَّهْ يَشُوعْ لِيُقُولَهْ لِلشَّعَبْ. وَ دَا حَسَبْ الْكَلَامْ الْمُوسَى أَمَرْ بَيَّهْ يَشُوعْ. وَ الشَّعَبْ مَشَوْا عَجَلَةْ لِيَقْطَعَوْا الْبَحَرْ.

يَشُوع 4:12

وَ الْمَشَوْا أَوَّلْ مِنْ بَنِي إِسْرَائِيلْ هُمَّنْ قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى. وَ هُمَّنْ مَشَوْا بِنِظَامْ هَنَا حَرِبْ قِدَّامْ بَنِي إِسْرَائِيلْ مِثِلْ أَوَّلْ مُوسَى قَالَهْ لَيْهُمْ.

يَشُوع 24:11

«‹وَ قَطَعْتُوا بَحَرْ الْأُرْدُنْ وَ وَصَّلْتُوا أَرِيحَا. وَ سُكَّانْهَا قَمَّوْا حَارَبَوْكُو وَ مَعَاهُمْ الْأَمُورِيِّينْ وَ الْفِرِزِّيِّينْ وَ الْكَنْعَانِيِّينْ وَ الْحِتِّيِّينْ وَ الْقِرْقَاشِيِّينْ وَ الْحِوِّيِّينْ وَ الْيَبُوسِيِّينْ. وَ لَاكِنْ أَنَا سَلَّمْتُهُمْ لَيْكُو فِي إِيدَيْكُو.

إشَعْيا 52:12

فِي الْمَرَّةْ دِي، مَا تَمُرْقُوا بِسُرْعَةْ وَ مَا تَمُرْقُوا مِثِلْ الْمُعَرِّدِينْ. أَشَانْ اللّٰهْ بَسْ مَاشِي قِدَّامْكُو أَيْوَى، إِلٰـهْ بَنِي إِسْرَائِيلْ بَسْ مَاشِي وَرَاكُو.