يَشُوع 3:3 - الكتاب المقدس بالعربي الدارجي هنا تشاد

³ وَ أَنْطَوْا أَمُرْ وَ قَالَوْا: «وَكِتْ تِشِيفُوا صَنْدُوقْ مُعَاهَدَةْ اللّٰهْ إِلٰـهْكُو وَ رُجَالْ الدِّينْ اللَّاوِيِّينْ الْيِشِيلُوهْ، خَلَاصْ قُمُّوا مِنْ بَكَانْكُو الْقَاعِدِينْ فَوْقَهْ وَ تَابُعُوهْ.

يَشُوع 3:3 Referenca të Kryqëzuara

تَثْنِية 31:9

وَ مُوسَى كَتَبْ الْوَصَايَا دَوْل وَ أَنْطَاهُمْ لِرُجَالْ الدِّينْ عِيَالْ لَاوِي الشَّايْلِينْ صَنْدُوقْ مُعَاهَدَةْ اللّٰهْ وَ لِكُلَّ شُيُوخْ بَنِي إِسْرَائِيلْ.

2 صَمُوِيل 6:13

وَ وَكِتْ النَّاسْ الشَّالَوْا صَنْدُوقْ اللّٰهْ يِسَوُّوا سِتَّةْ خَطْوَةْ، دَاوُدْ يَدْبَحْ تَوْر وَ عِجِلْ سَمِينْ.

يَشُوع 3:8

وَ أَنْطِي الْأَمُرْ دَا لِرُجَالْ الدِّينْ الشَّايْلِينْ صَنْدُوقْ الْمُعَاهَدَةْ وَ قُولْ لَيْهُمْ: ‹كَنْ وَصَّلْتُوا خَشُمْ بَحَرْ الْأُرْدُنْ وَ دَسَّيْتُوا رِجْلَيْكُو فِي أَلْمِيهْ، أَقِيفُوا.›»

تَثْنِية 31:25

أَنْطَى أَمُرْ لِلَّاوِيِّينْ الشَّايْلِينْ صَنْدُوقْ مُعَاهَدَةْ اللّٰهْ وَ قَالْ:

عَدد 10:33

وَ قَمَّوْا مِنْ جَبَلْ اللّٰهْ وَ مَشَوْا مَسَافَةْ تَلَاتَةْ يَوْم. وَ صَنْدُوقْ مُعَاهَدَةْ اللّٰهْ وَدَّوْه قِدَّامْهُمْ أَشَانْ يَعَرْفُوا الْبَكَانْ الْيَنْزُلُوا فَوْقَهْ.

رُؤية 14:4

هُمَّنْ مَا نَجَّسَوْا نُفُوسْهُمْ مَعَ الْعَوِينْ وَ لَاكِنْ قَاعِدِينْ طَاهِرِينْ مَرَّةْ وَاحِدْ. وَ دَوْل هُمَّنْ الْيِتَابُعُوا الْحَمَلْ فِي أَيِّ بَكَانْ الْهُو يَمْشِي فَوْقَهْ. وَ دَوْل بَسْ النَّاسْ الْهُو فَدَاهُمْ مِنْ أُسْط النَّاسْ وَ هُمَّنْ بِقَوْا خَاصّ لِلّٰهْ وَ لِلْحَمَلْ مِثِلْ أَوَّلْ إِنْتَاجْ هَنَا زَرَعْ هُو خَاصّ لِلّٰهْ.

مَتَّى 16:24

وَ عِيسَى قَالْ لِتَلَامِيذَهْ: «أَيِّ نَادُمْ الْيِدَوْر يِشِيلْ دَرْبِي، خَلِّي يِشِيفْ نَفْسَهْ رَخِيصَةْ لَيَّهْ وَ يِلْحَمَّلْ تَعَبْ الصَّلِيبْ وَ يِتَابِعْنِي لِلْمَوْت.

مَتَّى 8:19

وَ وَاحِدْ مِنْ الْعُلَمَاءْ جَاءْ لَيَّهْ وَ قَالْ: «يَا سَيِّدْنَا، نِتَابِعَكْ فِي أَيِّ بَكَانْ التَّمْشِي فَوْقَهْ.»

2 صَمُوِيل 6:3

وَ هُمَّنْ شَالَوْا صَنْدُوقْ الرَّبّ مِنْ بَيْت أَبِنَدَابْ الْقَاعِدْ فِي رَاسْ الْحَجَرْ وَ خَطَّوْه فِي كَارَّوْ جَدِيدْ. وَ أَوْلَادْ أَبِنَدَابْ، عُزَّى وَ أَخْيُو، قَادَوْا الْكَارَّوْ

يَشُوع 6:6

وَ بَعَدْ دَا، يَشُوعْ وِلَيْد نُونْ نَادَى رُجَالْ الدِّينْ وَ قَالْ لَيْهُمْ: «شِيلُوا صَنْدُوقْ الْمُعَاهَدَةْ وَ خَلِّي سَبْعَةْ رُجَالْ دِينْ يَمْشُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ.»

يَشُوع 4:10

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ وَقَفَوْا فِي أُسُطْ بَحَرْ الْأُرْدُنْ لَحَدِّي تَمَّ كُلَّ الْكَلَامْ الْاللّٰهْ أَمَرْ بَيَّهْ يَشُوعْ لِيُقُولَهْ لِلشَّعَبْ. وَ دَا حَسَبْ الْكَلَامْ الْمُوسَى أَمَرْ بَيَّهْ يَشُوعْ. وَ الشَّعَبْ مَشَوْا عَجَلَةْ لِيَقْطَعَوْا الْبَحَرْ.

يَشُوع 3:6

وَ يَشُوعْ قَالْ لِرُجَالْ الدِّينْ: «شِيلُوا صَنْدُوقْ مُعَاهَدَةْ اللّٰهْ وَ أَمْشُوا قِدَّامْ الشَّعَبْ.» وَ خَلَاصْ هُمَّنْ شَالَوْا صَنْدُوقْ الْمُعَاهَدَةْ وَ مَشَوْا قِدَّامْ الشَّعَبْ.

عَدد 4:15

«وَ وَكِتْ هَارُونْ وَ أَوْلَادَهْ يِكَمُّلُوا مِنْ ضَمْضِمِينْ الْبَكَانْ الْمُقَدَّسْ وَ كُلَّ الْمُعِدَّاتْ الْمُخَصَّصِينْ. وَ وَكِتْ يُقُمُّوا مِنْ الْمُعَسْكَرْ ذُرِّيَّةْ قَهَاتْ يَجُوا يِشِيلُوا الْخُمَامْ دَوْل. لَاكِنْ مَا يِلَمُّسُوا مِنْهُمْ شَيّءْ أَشَانْ دَا يِجِيبْ لَيْهُمْ الْمَوْت. وَ دَا بَسْ الْكَلَّفَوْا بَيَّهْ ذُرِّيَّةْ قَهَاتْ مِنْ خَيْمَةْ الْإِجْتِمَاعْ.

يَشُوع 3:4

وَ بَيْدَا، تَعَرْفُوا الدَّرِبْ التِّشِيلُوهْ أَشَانْ أَوَّلْ إِنْتُو مَا عَدَّيْتُوا بِالدَّرِبْ دَا. وَ وَاجِبْ تِخَلُّوا بَيْنكُو وَ بَيْن الصَّنْدُوقْ فَرَقَةْ تِسَاوِي وَاحِدْ كِيلَوْمِتِرْ وَ أَبَداً مَا تِقَرُّبُوا لَيَّهْ.»

1 صَمُوِيل 6:15

وَ قُبَّالْ دَا، اللَّاوِيِّينْ رَفَعَوْا صَنْدُوقْ اللّٰهْ وَ الصَّنْدُوقْ الْمَعَايَهْ الْفَوْقَهْ الْأَشْيَاءْ هَنَا الدَّهَبْ وَ نَزَّلَوْهُمْ فِي الْحَجَرْ الْكَبِيرْ دَا. وَ فِي نَفْس الْيَوْم، سُكَّانْ بَيْت شَمْس قَدَّمَوْا ضَحَايَا مُحَرَّقِينْ وَ ضَحَايَا آخَرِينْ لِلّٰهْ.

1 مُلوك 8:3

وَكِتْ كُلَّ شُيُوخْ بَنِي إِسْرَائِيلْ جَوْا، رُجَالْ الدِّينْ شَالَوْا الصَّنْدُوقْ.

إرْمِيا 33:18

وَ رُجَالْ الدِّينْ اللَّاوِيِّينْ دَايْماً يُكُونْ نَادُمْ مِنْ ذُرِّيِّتْهُمْ لِيِقَدُّمُوا لَيِّ ضَحَايَا مُحَرَّقِينْ وَ يِحَرُّقُوا هَدَايَا هَنَا دَقِيقْ وَ يِقَدُّمُوا ضَحَايَا آخَرِينْ كُلَّ يَوْم.»