يَشُوع 3:14 - الكتاب المقدس بالعربي الدارجي هنا تشاد

¹⁴ وَ وَكِتْ الشَّعَبْ قَمَّوْا مِنْ خِيَمْهُمْ لِيَقْطَعَوْا بَحَرْ الْأُرْدُنْ، رُجَالْ الدِّينْ الشَّايْلِينْ صَنْدُوقْ الْمُعَاهَدَةْ مَشَوْا قِدَّامْهُمْ.

يَشُوع 3:14 Referenca të Kryqëzuara

عِبْرَانِيِّين 9:4

وَ دَا الْبَكَانْ الْقَاعِدْ فَوْقَهْ الْمُخْبَرْ هَنَا دَهَبْ وَ صَنْدُوقْ الْمُعَاهَدَةْ الْمَمْسُوحْ بِدَهَبْ دَاخَلْ وَ بَرَّا. وَ الصَّنْدُوقْ دَا، عِنْدَهْ جَرّ هَنَا دَهَبْ الْفِي لُبَّهْ الْمَنَّةْ. وَ عَصَاةْ هَارُونْ السَّوَّتْ نُوَّارْ وَ لِيحَانْ الْمُعَاهَدَةْ كُلَ قَاعِدِينْ فِي لُبَّهْ.

إرْمِيا 3:16

وَ دَاهُو كَلَامْ اللّٰهْ: «وَكِتْ إِنْتُو تَلْدَوْا وَ تَبْقَوْا كَتِيرِينْ فِي الْبَلَدْ، فِي الْوَكِتْ دَاكْ، مَا يِحَجُّوا بَتَّانْ بِصَنْدُوقْ مُعَاهَدَةْ اللّٰهْ وَ نَادُمْ يِفَكِّرْ فَوْقَهْ مَا فِيهْ وَ نَادُمْ يِذَّكَّرَهْ كُلَ مَا فِيهْ وَ مَا يَقْرَمَوْا لَيَّهْ وَ لَا يَصْنَعَوْه بَتَّانْ لِتَانِي مَرَّةْ.

زَبُور 132:8

يَا اللّٰهْ، قُمّ وَ تَعَالْ لِمَسْكَنَكْ إِنْتَ وَ صَنْدُوقْ الْمُعَاهَدَةْ الْهُو عَلَامَةْ قُدُرْتَكْ.

يَشُوع 6:6

وَ بَعَدْ دَا، يَشُوعْ وِلَيْد نُونْ نَادَى رُجَالْ الدِّينْ وَ قَالْ لَيْهُمْ: «شِيلُوا صَنْدُوقْ الْمُعَاهَدَةْ وَ خَلِّي سَبْعَةْ رُجَالْ دِينْ يَمْشُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ.»

يَشُوع 3:6

وَ يَشُوعْ قَالْ لِرُجَالْ الدِّينْ: «شِيلُوا صَنْدُوقْ مُعَاهَدَةْ اللّٰهْ وَ أَمْشُوا قِدَّامْ الشَّعَبْ.» وَ خَلَاصْ هُمَّنْ شَالَوْا صَنْدُوقْ الْمُعَاهَدَةْ وَ مَشَوْا قِدَّامْ الشَّعَبْ.

يَشُوع 3:3

وَ أَنْطَوْا أَمُرْ وَ قَالَوْا: «وَكِتْ تِشِيفُوا صَنْدُوقْ مُعَاهَدَةْ اللّٰهْ إِلٰـهْكُو وَ رُجَالْ الدِّينْ اللَّاوِيِّينْ الْيِشِيلُوهْ، خَلَاصْ قُمُّوا مِنْ بَكَانْكُو الْقَاعِدِينْ فَوْقَهْ وَ تَابُعُوهْ.

تَثْنِية 31:26

شِيلُوا كِتَابْ التَّوْرَاةْ دَا وَ خُطُّوهْ جَنْب صَنْدُوقْ مُعَاهَدَةْ اللّٰهْ إِلٰـهْكُو وَ هُو يَقْعُدْ مِثِلْ شَهَادَةْ ضِدّ بَنِي إِسْرَائِيلْ.

يَشُوع 24:11

«‹وَ قَطَعْتُوا بَحَرْ الْأُرْدُنْ وَ وَصَّلْتُوا أَرِيحَا. وَ سُكَّانْهَا قَمَّوْا حَارَبَوْكُو وَ مَعَاهُمْ الْأَمُورِيِّينْ وَ الْفِرِزِّيِّينْ وَ الْكَنْعَانِيِّينْ وَ الْحِتِّيِّينْ وَ الْقِرْقَاشِيِّينْ وَ الْحِوِّيِّينْ وَ الْيَبُوسِيِّينْ. وَ لَاكِنْ أَنَا سَلَّمْتُهُمْ لَيْكُو فِي إِيدَيْكُو.