يَشُوع 24:9 - الكتاب المقدس بالعربي الدارجي هنا تشاد

⁹ وَ بَلَاقْ وِلَيْد صِفُّورْ مَلِكْ مُوَابْ قَمَّ لِيِحَارِبْ بَنِي إِسْرَائِيلْ وَ رَسَّلْ لِبَلْعَامْ وِلَيْد بَعُورْ أَشَانْ يَجِي يَلْعَنْكُو.

يَشُوع 24:9 Referenca të Kryqëzuara

مِيخا 6:5

يَا شَعَبِي! أَذَّكَّرَوْا مُؤآمَرَةْ بَلَاقْ مَلِكْ مُوَابْ ضِدُّكُو وَ كِكَّيْف بَلْعَامْ وِلَيْد بَعُورْ رَدَّ لَيَّهْ وَ قَالْ نِسَوِّي لَيْكُو إِلَّا الْخَيْر. أَذَّكَّرَوْا كِكَّيْف قَمَّيْتُوا مِنْ شِطِّيمْ صَبَاحْ بَحَرْ الْأُرْدُنْ وَ وَصَّلْتُوا فِي أَرْضُكُو فِي قِلْقَالْ. وَ بَيْدَا، تَعَرْفُوا عَدَالَةْ اللّٰهْ.»

قُضياء 11:25

وَلَّا إِنْتَ شَدِيدْ مِنْ بَلَاقْ وِلَيْد صِفُّورْ مَلِكْ مُوَابْ وَلَّا؟ لَاكِنْ هُو مَا هَرَجْ مَعَ بَنِي إِسْرَائِيلْ لَحَدِّي حَارَبَاهُمْ.

عَدد 22:2

وَ فِي الْوَكِتْ دَا، بَلَاقْ وِلَيْد صِفُّورْ هُو بَسْ مَلِكْ مُوَابْ. وَ وَكِتْ هُو شَافْ كُلَّ شَيّءْ السَّوَّوْه بَنِي إِسْرَائِيلْ فِي الْأَمُورِيِّينْ، هُو وَ شَعَبَهْ الْمُوَابِيِّينْ خَافَوْا مِنْ كَتَرَةْ بَنِي إِسْرَائِيلْ. وَ وَكِتْ شَافَوْهُمْ، بَرْجَلَوْا مَرَّةْ وَاحِدْ. وَ الْمُوَابِيِّينْ قَالَوْا لِكُبَارَاتْ مِدْيَانْ: «النَّاسْ دَوْل كَتِيرِينْ. هُمَّنْ يِدَمُّرُوا كُلَّ شَيّءْ الْقَاعِدْ حَوَالَيْنَا مِثِلْ الْبَقَرْ الْيَاكُلُوا الْقَشّ.»

قُضياء 11:17

وَ رَسَّلَوْا نَاسْ لِمَلِكْ أَدَوْم وَ قَالَوْا لَيَّهْ: ”مِنْ فَضْلَكْ، خَلِّينَا نُشُقُّوا بَلَدَكْ.“ وَ لَاكِنْ مَلِكْ أَدَوْم أَبَى مَا سِمِعْ كَلَامْهُمْ. وَ لِمَلِكْ مُوَابْ كُلَ، قَدَّمَوْا لَيَّهْ نَفْس الطَّلَبْ وَ لَاكِنْ هُو كُلَ أَبَى. وَ خَلَاصْ، بَنِي إِسْرَائِيلْ قَعَدَوْا فِي قَادِشْ.