يَشُوع 24:25 - الكتاب المقدس بالعربي الدارجي هنا تشاد

²⁵ وَ خَلَاصْ فِي الْيَوْم دَا فِي شَكِيمْ، يَشُوعْ سَوَّى مُعَاهَدَةْ بَيْن الشَّعَبْ وَ اللّٰهْ وَ سَوَّى لَيْهُمْ قَوَانِينْ وَ شُرُوطْ.

يَشُوع 24:25 Referenca të Kryqëzuara

خُروج 15:25

وَ مُوسَى سَأَلْ اللّٰهْ وَ اللّٰهْ وَصَّفْ لَيَّهْ شَدَرَةْ وَاحِدَةْ. وَ مُوسَى قَطَعْ مِنْهَا فِرِعْ وَ زَقَلَهْ فِي الْأَلْمِي دَا وَ الْأَلْمِي بِقِي حَلُو. وَ فِي الْبَكَانْ دَا بَسْ، اللّٰهْ أَنْطَى لِبَنِي إِسْرَائِيلْ قَوَانِينْ وَ شُرُوطْ. وَ جَرَّبَاهُمْ

نَحَمْيا 9:38

وَ بِسَبَبْ دَا، أَنِحْنَ بَنِي إِسْرَائِيلْ شِلْنَا نِيَّةْ أَسْتَفَقْنَا وَ كَتَبْنَا الْإِسْتِفَاقْ دَا. وَ كُبَارَاتْنَا وَ اللَّاوِيِّينْ وَ رُجَالْ الدِّينْ هَنَانَا، أَيِّ وَاحِدْ خَطَّ خِتْمَهْ بِأُسْمَهْ فِي وَرَقَةْ الْإِسْتِفَاقْ.

2 أخبار 23:16

وَ يَهُويَدَعْ سَوَّى مُعَاهَدَةْ مَعَ كُلَّ الشَّعَبْ وَ مَعَ الْمَلِكْ. وَ بِالْمُعَاهَدَةْ دِي، الشَّعَبْ يَبْقَوْا شَعَبْ اللّٰهْ.

2 مُلوك 11:17

وَ يَهُويَدَعْ سَوَّى مُعَاهَدَةْ بَيْن اللّٰهْ وَ بَيْن الْمَلِكْ وَ شَعَبَهْ لِيَبْقَوْا شَعَبْ اللّٰهْ. وَ بَتَّانْ سَوَّى مُعَاهَدَةْ أَمْبَيْن الْمَلِكْ وَ الشَّعَبْ.

2 أخبار 29:10

وَ هَسَّعْ دَا، أَنَا شِلْت نِيَّةْ نِسَوُّوا مُعَاهَدَةْ مَعَ اللّٰهْ إِلٰـهْ بَنِي إِسْرَائِيلْ أَشَانْ يَرْفَعْ مِنِّنَا غَضَبَهْ الْمُحْرِقْ.

2 أخبار 15:15

وَ كُلَّ نَاسْ مَمْلَكَةْ يَهُوذَا فِرْحَوْا بِالْحَلِيفَةْ السَّوَّوْهَا بِكُلَّ قُلُوبْهُمْ وَ بِنِيِّتْهُمْ الْوَاحِدَةْ لِيِفَتُّشُوا اللّٰهْ. وَ هُو خَلَّاهُمْ يَلْقَوْه. وَ هُو أَنْطَاهُمْ الرَّاحَةْ مِنْ كُلِّ جِيهَةْ.

2 أخبار 15:12

وَ هُمَّنْ سَوَّوْا مُعَاهَدَةْ لِيِتَابُعُوا اللّٰهْ رَبّ جُدُودْهُمْ بِكُلَّ قُلُوبْهُمْ وَ بِكُلَّ فِكِرْهُمْ.

يَشُوع 24:26

وَ يَشُوعْ كَتَبْ الْكَلَامْ دَا فِي كِتَابْ تَوْرَاةْ اللّٰهْ. وَ شَالْ حَجَرْ كَبِيرْ وَ غَزَّاهْ فِي الْبَكَانْ دَا، تِحِتْ الشَّدَرَةْ الْكَبِيرَةْ الْقَاعِدَةْ جَنْب الْبَكَانْ الْمُقَدَّسْ هَنَا اللّٰهْ.

يَشُوع 24:1

وَ يَشُوعْ لَمَّ كُلَّ قَبَايِلْ بَنِي إِسْرَائِيلْ فِي شَكِيمْ وَ نَادَى شُيُوخْهُمْ وَ كُبَارَاتْهُمْ وَ قُضْيَاهُمْ وَ مَسَائِيلْهُمْ وَ هُمَّنْ جَوْا قِدَّامْ الرَّبّ.

تَثْنِية 29:1

وَ دِي هِي الْمُعَاهَدَةْ الْاللّٰهْ أَمَرْ بَيْهَا مُوسَى لِيِسَوِّيهَا مَعَ بَنِي إِسْرَائِيلْ فِي بَلَدْ مُوَابْ وَ دَا يِزِيدْ فِي الْمُعَاهَدَةْ السَّوَّاهَا مَعَاهُمْ فِي جَبَلْ حُورِيبْ.

خُروج 24:3

خَلَاصْ، مُوسَى قَبَّلْ كَلَّمْ الشَّعَبْ بِكُلَّ كَلَامْ اللّٰهْ وَ قَوَانِينَهْ. وَ كُلَّ الشَّعَبْ رَدَّوْا لَيَّهْ بِحِسّ وَاحِدْ وَ قَالَوْا: «أَنِحْنَ نِسَوُّوا كُلَّ شَيّءْ حَسَبْ كَلَامْ اللّٰهْ.»

تكوين 35:4

وَ هُمَّنْ أَنْطَوْا لِيَعْقُوبْ كُلَّ الْأَصْنَامْ الْأَجْنَبِيِّينْ الْفِي إِيدَيْهُمْ وَ الْخُرُوس الْفِي أُدْنَيْهُمْ. وَ يَعْقُوبْ دَفَنَاهُمْ فِي تِحِتْ الشَّدَرَةْ الْكَبِيرَةْ الْقَرِيبَةْ لِحِلَّةْ شَكِيمْ.