يَشُوع 24:18 - الكتاب المقدس بالعربي الدارجي هنا تشاد

¹⁸ وَ اللّٰهْ طَرَدْ قِدَّامْنَا الْأَمُورِيِّينْ وَ كُلَّ الشُّعُوبْ الْآخَرِينْ السَّكَنَوْا فِي الْبَلَدْ دِي. وَ فِي شَانْ دَا، أَنِحْنَ كُلَ نَعَبُدُوا اللّٰهْ أَشَانْ هُو بَسْ إِلٰـهْنَا.»

يَشُوع 24:18 Referenca të Kryqëzuara

زَكَرِيَّا 8:23

وَ دَاهُو اللّٰهْ الْقَادِرْ قَالْ: «فِي الْوَكِتْ دَا، يَجُوا مِنْ الْأُمَمْ عَشَرَةْ رُجَالْ أَيِّ وَاحِدْ بِلُغِّتَهْ. وَ كُلَّ الرُّجَالْ دَوْل يَكُرْبُوا دَايِرْ خَلَقْ هَنَا وَاحِدْ مِنْ الْيَهُودْ وَ يَشْحَدَوْه وَ يُقُولُوا لَيَّهْ: ‹خَلُّونَا نَمْشُوا مَعَاكُو أَشَانْ سِمِعْنَا كَدَرْ الرَّبّ قَاعِدْ مَعَاكُو.›»

مِيخا 4:2

وَ أُمَمْ كَتِيرِينْ يَجُوا وَ يُقُولُوا: «تَعَالُوا نَطْلَعَوْا فِي جَبَلْ اللّٰهْ، فِي بَيْت إِلٰـهْ يَعْقُوبْ. هُو يِعَلِّمْنَا دَرْبَهْ وَ أَنِحْنَ نَمْشُوا فَوْقَهْ.» أَشَانْ مِنْ صَهْيُون يَمُرْقُوا شُرُوطْ التَّوْرَاةْ وَ مِنْ مَدِينَةْ الْقُدُسْ يَمْرُقْ كَلَامْ اللّٰهْ.

زَبُور 116:16

يَا اللّٰهْ! أَنَا عَبْدَكْ، أَنَا عَبْدَكْ وِلَيْد خَادْمَكْ. إِنْتَ حَلَّيْت مِنِّي الْجَنَازِيرْ.

خُروج 15:2

اللّٰهْ هُو قُدُرْتِي وَ فِيَّهْ هُو، أَنَا نِغَنِّي. هُو بَسْ النَّجَّانِي وَ هُو رَبِّي الْأَنَا نِمَجِّدَهْ. هُو الرَّبّ الْأَبُويِ عَبَدَهْ. أَنَا نِعَظِّمَهْ!

خُروج 10:2

وَ بَيْدَا، إِنْتَ تَقْدَرْ تِحَجِّي لِعِيَالَكْ وَ لِعِيَالْ عِيَالَكْ بِالتَّعَبْ الْأَنَا جِبْتَهْ فِي الْمَصْرِيِّينْ وَ عَجَايْبِي السَّوَّيْتهُمْ فِي بَلَدْهُمْ. وَ بِمِثِلْ دَا، تَعَرْفُوا كَدَرْ أَنَا بَسْ اللّٰهْ.»

أعمال الرُسُل 7:45

وَ بَعَدْ دَا، يَشُوعْ وَ جُدُودْنَا جَابَوْا خَيْمَةْ الْعِبَادَةْ الْفَوْقهَا الصَّنْدُوقْ فِي الْبَلَدْ دِي وَكِتْ دَخَلَوْا فَوْقهَا وَ مَلَكَوْهَا. وَ اللّٰهْ طَرَدْ كُلَّ الْقَبَايِلْ السَّاكْنِينْ فَوْقهَا مِنْ قِدَّامْهُمْ. وَ الْخَيْمَةْ دِي قَاعِدَةْ لَحَدِّي زَمَنْ دَاوُدْ.

خُروج 23:31

وَ نِسَوِّي حُدُودْكُو مِنْ الْبَحَرْ الْأَحْمَرْ لَحَدِّي الْبَحَرْ الْأَبْيَضْ وَ مِنْ الصَّحَرَاء لَحَدِّي بَحَرْ الْفُرَاتْ. نِدِسّ فِي إِيدَيْكُو سُكَّانْ الْبَلَدْ وَ تَطُرْدُوهُمْ قِدَّامْكُو.

تَثْنِية 33:27

وَ الرَّبّ مِنْ زَمَانْ هُو الْمَلْجَأْ وَ قُدُرْتَهْ هِي السَّوَّتْ كُلَّ شَيّءْ فِي الْأَرْض. هُو طَرَدْ عُدْوَانَكْ قِدَّامَكْ وَ قَالْ: «دَمِّرْهُمْ!»

يَشُوع 24:17

أَشَانْ اللّٰهْ إِلٰـهْنَا، هُو بَسْ الْمَرَقَانَا أَنِحْنَ وَ أَبَّهَاتْنَا مِنْ مَصِرْ بَلَدْ الْعُبُودِيَّةْ وَ سَوَّى الْعَجَايِبْ الْكُبَارْ دَوْل قِدَّامْنَا. وَ حَفَضَانَا فِي طُولْ الدَّرِبْ الْمَشَيْنَا فَوْقَهْ وَ فِي أُسْط كُلَّ الشُّعُوبْ الشَّقَّيْنَاهُمْ.

يَشُوع 24:19

وَ يَشُوعْ قَالْ لِلشَّعَبْ: «إِنْتُو مَا تَقْدَرَوْا تَعَبُدُوا اللّٰهْ أَشَانْ هُو الْإِلٰـهْ الْقُدُّوسْ وَ هُو الْإِلٰـهْ الْغَيُّورْ، مَا يَحْمَلْ عِصْيَانْكُو وَ ذُنُوبْكُو.

تَثْنِية 10:21

وَ لَيَّهْ هُو بَسْ أَشْكُرُوهْ، هُو إِلٰـهْكُو السَّوَّى فِي أُسُطْكُو الْعَجَايِبْ الْكُبَارْ الْبِخَوُّفُوا وَ إِنْتُو شِفْتُوهُمْ بِعُيُونْكُو.

يَشُوع 23:9

«شِيفُوا! اللّٰهْ قَلَعْ قِدَّامْكُو أَرْض الْأُمَمْ الْكُبَارْ وَ شُدَادْ. وَ وَاحِدْ مِنْهُمْ مَا قِدِرْ يَقِيفْ قِدَّامْكُو لَحَدِّي الْيَوْم.