يَشُوع 24:13 - الكتاب المقدس بالعربي الدارجي هنا تشاد

¹³ وَ أَنَا أَنْطَيْتكُو بَلَدْ الْمَا تِعِبْتُوا فَوْقهَا وَ أَنْطَيْتكُو مُدُنْ الْإِنْتُو مَا بَنَيْتُوهُمْ وَ هَسَّعْ قَاعِدِينْ تَسْكُنُوا فَوْقهُمْ. وَ أَنْطَيْتكُو زِرَاعَةْ هَنَا عِنَبْ وَ زَيْتُونْ الْمَا تَيْرَبْتُوهْ وَ هَسَّعْ قَاعِدِينْ تَاكُلُوا مِنَّهْ.›»

يَشُوع 24:13 Referenca të Kryqëzuara

تَثْنِية 8:7

وَ بَيْدَا، اللّٰهْ إِلٰـهْكُو يِوَدِّيكُو فِي بَلَدْ عَدِيلَةْ الْعِنْدَهَا وُدْيَانْ وَ عُيُونْ أَلْمِي وَ أَلْمِي الْيَمْرُقْ مِنْ تِحِتْ الْأَرْض وَ يِسِيلْ فِي الْكَدَادَةْ وَ الْجِبَالْ.

أمْثال 13:22

الرَّاجِلْ الزَّيْن يِخَلِّي وَرَثَتَهْ لِعِيَالْ عِيَالَهْ وَ لَاكِنْ الْمُذْنِبْ، مَالَهْ يُضُمُّوهْ لِلصَّالِحِينْ.

يَشُوع 21:45

وَ مِنْ كُلَّ كَلَامْ الْخَيْر الْاللّٰهْ قَالَهْ لِبَنِي إِسْرَائِيلْ، مَا فِي كِلْمَةْ الْمَا أَلْحَقَّقَتْ. كُلَّ الْكَلَامْ دَا أَلْحَقَّقْ لَيْهُمْ.

يَشُوع 11:13

وَ لَاكِنْ كُلَّ الْمُدُنْ الْقَاعِدِينْ فِي الْجِبَالْ، بَنِي إِسْرَائِيلْ مَا حَرَّقَوْهُمْ. إِلَّا مَدِينَةْ حَاصُورْ بَسْ يَشُوعْ حَرَّقَاهَا.

خُروج 6:8

وَ وَدَّيْتكُو فِي الْبَلَدْ الْحَلَفْت نَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ وَ نَنْطِيهَا لَيْكُو إِنْتُو وَرَثَةْ. أَنَا بَسْ اللّٰهْ.›»

تَثْنِية 19:1

اللّٰهْ إِلٰـهْكُو يِدَمِّرْ الْأُمَمْ وَ يَنْطِيكُو بَلَدْهُمْ وَ إِنْتُو تِشِيلُوهَا وَ تَسْكُنُوا فِي مُدُنْهُمْ وَ بُيُوتْهُمْ.