يَشُوع 24:11 - الكتاب المقدس بالعربي الدارجي هنا تشاد

¹¹ «‹وَ قَطَعْتُوا بَحَرْ الْأُرْدُنْ وَ وَصَّلْتُوا أَرِيحَا. وَ سُكَّانْهَا قَمَّوْا حَارَبَوْكُو وَ مَعَاهُمْ الْأَمُورِيِّينْ وَ الْفِرِزِّيِّينْ وَ الْكَنْعَانِيِّينْ وَ الْحِتِّيِّينْ وَ الْقِرْقَاشِيِّينْ وَ الْحِوِّيِّينْ وَ الْيَبُوسِيِّينْ. وَ لَاكِنْ أَنَا سَلَّمْتُهُمْ لَيْكُو فِي إِيدَيْكُو.

يَشُوع 24:11 Referenca të Kryqëzuara

أعمال الرُسُل 13:19

وَ بَعَدْ دَا، دَمَّرْ الْأُمَمْ السَّبْعَةْ الْأَوَّلْ قَاعِدِينْ فِي بَلَدْ كَنْعَانْ. وَ أَنْطَى بَلَدْهُمْ لِبَنِي إِسْرَائِيلْ أَشَانْ تَبْقَى وَرَثَتْهُمْ.

أعمال الرُسُل 7:45

وَ بَعَدْ دَا، يَشُوعْ وَ جُدُودْنَا جَابَوْا خَيْمَةْ الْعِبَادَةْ الْفَوْقهَا الصَّنْدُوقْ فِي الْبَلَدْ دِي وَكِتْ دَخَلَوْا فَوْقهَا وَ مَلَكَوْهَا. وَ اللّٰهْ طَرَدْ كُلَّ الْقَبَايِلْ السَّاكْنِينْ فَوْقهَا مِنْ قِدَّامْهُمْ. وَ الْخَيْمَةْ دِي قَاعِدَةْ لَحَدِّي زَمَنْ دَاوُدْ.

زَبُور 114:5

يَا الْبَحَرْ الْأَحْمَرْ، مَالَا جَرَيْت؟ يَا بَحَرْ الْأُرْدُنْ، مَالَا كَسَّيْت؟

زَبُور 114:3

الْبَحَرْ الْأَحْمَرْ شَافْ الشَّيّءْ دَا وَ جَرَى وَ بَحَرْ الْأُرْدُنْ كَسَّ وَرَاءْ.

زَبُور 105:44

وَ هُو أَنْطَاهُمْ أَرْض الْأُمَمْ وَ وَرَثَوْا النَّتِيجَةْ هِنْت خِدْمَةْ شُعُوبْ آخَرِينْ.

يَشُوع 4:23

وَ دَا أَشَانْ اللّٰهْ إِلٰـهْكُو يَبَّسْ أَلْمِي بَحَرْ الْأُرْدُنْ قِدَّامْكُو لَحَدِّي إِنْتُو قِدِرْتُوا قَطَعْتُوهْ. وَ دَا مِثِلْ اللّٰهْ إِلٰـهْكُو سَوَّاهْ لَيْنَا زَمَانْ وَكِتْ هُو يَبَّسْ الْبَحَرْ الْأَحْمَرْ قِدَّامْنَا وَ أَنِحْنَ قَطَعْنَاهْ.

تَثْنِية 7:1

وَ مُوسَى قَالْ بَتَّانْ: وَكِتْ اللّٰهْ إِلٰـهْكُو يِوَدِّيكُو فِي الْبَلَدْ التَّدْخُلُوا فَوْقهَا وَ تِشِيلُوهَا وَرَثَةْ، هُو يَطْرُدْ قِدَّامْكُو سَبْعَةْ أُمَمْ كَتِيرِينْ وَ شُدَادْ مِنْكُو وَ هُمَّنْ الْحِتِّيِّينْ وَ الْقِرْقَاشِيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

خُروج 23:23

وَ مَلَكِي يَمْشِي قِدَّامْكُو وَ يِوَدِّيكُو فِي بَلَدْ الْأَمُورِيِّينْ وَ الْحِتِّيِّينْ وَ الْفِرِزِّيِّينْ وَ الْكَنْعَانِيِّينْ وَ الْحِوِّيِّينْ وَ الْيَبُوسِيِّينْ وَ نِدَمِّرْهُمْ.

تكوين 15:19

وَ هَسَّعْ، الْبَلَدْ دِي سَاكْنِينْ فَوْقهَا الْقِينِيِّينْ وَ الْقِنَازِيِّينْ وَ الْقَدْمُونِيِّينْ

خُروج 3:8

أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

خُروج 3:17

وَ قَالْ يَمْرُقْكُو مِنْ مَصِرْ الْبَكَانْ الْقَاعِدِينْ تَتْعَبَوْا فَوْقَهْ. وَ يِوَدِّيكُو فِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ فِي الْبَلَدْ الْمَلَانَةْ بِاللَّبَنْ وَ الْعَسَلْ.›

خُروج 13:5

اللّٰهْ حَلَفْ لِجُدُودْكُو وَ قَالْ يَنْطِيكُو بَلَدْ الْمَلَانَةْ بِاللَّبَنْ وَ الْعَسَلْ. وَ دِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْحِوِّيِّينْ وَ الْيَبُوسِيِّينْ. وَ وَكِتْ اللّٰهْ وَدَّاكُو هِنَاكْ، فِي كُلِّ سَنَةْ وَاجِبْ تِعَيُّدُوا فِي نَفْس الشَّهَرْ.

خُروج 23:28

وَ نِرَسِّلْ النَّحَلَةْ قِدَّامْكُو لِتَطْرُدْهُمْ لِلْحِوِّيِّينْ وَ الْكَنْعَانِيِّينْ وَ الْحِتِّيِّينْ.

خُروج 23:31

وَ نِسَوِّي حُدُودْكُو مِنْ الْبَحَرْ الْأَحْمَرْ لَحَدِّي الْبَحَرْ الْأَبْيَضْ وَ مِنْ الصَّحَرَاء لَحَدِّي بَحَرْ الْفُرَاتْ. نِدِسّ فِي إِيدَيْكُو سُكَّانْ الْبَلَدْ وَ تَطُرْدُوهُمْ قِدَّامْكُو.

خُروج 33:2

وَ أَنَا نِرَسِّلْ قِدَّامَكْ مَلَكْ وَ نَطْرُدْ الْكَنْعَانِيِّينْ وَ الْأَمُورِيِّينْ وَ الْحِتِّيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

يَشُوع 3:10

وَ بَتَّانْ يَشُوعْ قَالْ: «وَكِتْ تِشِيفُوا صَنْدُوقْ مُعَاهَدَةْ اللّٰهْ رَبّ كُلَّ الْأَرْض يَقْطَعْ بَحَرْ الْأُرْدُنْ، خَلَاصْ فِي الْوَكِتْ دَا، تَعَرْفُوا كَدَرْ اللّٰهْ الْحَيّ قَاعِدْ فِي أُسُطْكُو. وَ تَعَرْفُوا كَدَرْ هُو يَقْلَعْ قِدَّامْكُو أَرْض الْكَنْعَانِيِّينْ وَ الْحِتِّيِّينْ وَ الْحِوِّيِّينْ وَ الْفِرِزِّيِّينْ وَ الْقِرْقَاشِيِّينْ وَ الْأَمُورِيِّينْ وَ الْيَبُوسِيِّينْ.

يَشُوع 4:1

وَ وَكِتْ كُلَّ الْأُمَّةْ قَطَعَتْ بَحَرْ الْأُرْدُنْ خَلَاصْ، اللّٰهْ قَالْ لِيَشُوعْ:

يَشُوع 4:19

وَ فِي الْيَوْم الْعَاشِرْ هَنَا الشَّهَرْ الْأَوَّلْ، الشَّعَبْ قَطَعَوْا بَحَرْ الْأُرْدُنْ. وَ سَكَنَوْا فِي قِلْقَالْ، صَبَاحْ مِنْ حِلَّةْ أَرِيحَا.

يَشُوع 9:2

وَ كُلَّ الْمُلُوكْ دَوْل أَسْتَفَقَوْا أَشَانْ يِحَارُبُوا سَوَا ضِدّ يَشُوعْ وَ بَنِي إِسْرَائِيلْ.